San Lucas 8:45 - Alacatlatzala Mixtec New Testament

⁴⁵ Ta ni̱ka̱ꞌa̱n ta̱Jesús: ―¿Yukú ndó ni̱to̱nda̱a ndaꞌa̱ yi̱ꞌi̱? ―káchí ra. Ta ndiꞌi ni̱vi káꞌa̱n na: ―O̱n si̱ví yi̱ꞌi̱ ni̱to̱nda̱a ndaꞌa̱ yóꞌó ―káchí na. Ta ta̱Pedro xíꞌin inka̱ naxíka xíꞌin ta̱Jesús ni̱ka̱ꞌa̱n na xíꞌin ra: ―Tata Maestro, yóo kua̱ꞌa̱ ní ni̱vi ta ñii chíndaꞌá táꞌan na, ta chíndaꞌá na yóꞌó, ta ndáka̱ to̱ꞌon ún: ¿Yukú ndó ni̱to̱nda̱a ndaꞌa̱ tiko̱to̱ i̱?, káchí ún ―káchí na xíꞌin ra.

San Lucas 8:45 Iomraidhean Croise

San Lucas 19:43

Ta va̱xi ñii ki̱vi̱ ndiꞌi na sáa̱ ini xíni ndóꞌó kono nduu ndiꞌi na ñoo ndó, ta nakasi na ndiꞌi yichi̱ ndó, ta o̱n kuchiño kee ndó ñoo ndó. Ta ndiꞌi saá xiiña ñoo ndó, kixáꞌá ni̱vi yóꞌo kani táꞌan na xíꞌin ndó.

San Lucas 5:5

Ta nda̱kuii̱n ta̱Simón, káchí ra saá: ―Tata Maestro, xa ni̱kisa chiño ndi̱ niño ñoó, ta nda̱ ñii tia̱ká o̱n vása ní‑tava ndi̱. Ta vitin tuku sakana niꞌni ndi̱ ñono̱, chi saá xa̱ꞌnda chiño ún no̱o̱ ndi̱.

San Lucas 8:44

Ta vitin va̱xi ñá sa̱ta̱ ta̱Jesús, ta ni̱to̱nda̱a ndaꞌa̱ ñá yuꞌu̱ tiko̱to̱ ra, ta saá xa̱ndi̱ko̱n ni̱ya̱a̱ xíta̱ ni̱i̱ ñá, ta nda̱ꞌa ñá.

San Lucas 9:13

Ta nda̱kuii̱n ta̱Jesús, ni̱ka̱ꞌa̱n ra xíꞌin naxíka xíꞌin ra: ―Mi̱i ndó taxi kuxu na ―káchí ra. Ta ni̱ka̱ꞌa̱n na saá: ―O̱n ko̱ó kua̱ꞌa̱ ñaxíxi. Yóo kuiti o̱ꞌo̱n si̱ta̱ va̱ꞌa ta o̱vi̱ kúu tia̱ká. ¿Án kóni ún ko̱ꞌo̱n ndi̱ ñoo sata ndi̱ ña kuxu ndiꞌi ni̱vi yóꞌo? ―káchí na xíꞌin ra.