San Lucas 7:10 - Alacatlatzala Mixtec New Testament

¹⁰ Ta saá na ki̱xi xíꞌin chiño ndi̱kó na kua̱noꞌo̱ na. Tá na̱xaa̱ na veꞌe ta̱ ndíso chiño xíꞌin natropa, ta xi̱ni na xa ndu̱va̱ꞌa ta̱a ta̱ kísa chiño no̱o̱ ra.

San Lucas 7:10 Iomraidhean Croise

San Mateo 15:28

Ta ta̱Jesús ni̱ka̱ꞌa̱n ra: ―Nana, kónó ní chi̱kaa̱ ún ña ndáa ini ún yi̱ꞌi̱. Ta kasa ndivi i̱ ña ndúkú ún no̱o̱ i̱ ―káchí ra. Ta ñáloꞌo sa̱ꞌya ñáñaꞌa̱ yóꞌo mi̱i hora yóꞌo ndu̱va̱ꞌa ñá.

San Mateo 8:13

Ta ni̱ka̱ꞌa̱n ta̱Jesús xíꞌin ta̱ ndíso chiño xíꞌin natropa, káchí ra saá: ―Vitin va̱ꞌa, noꞌo̱ ún veꞌe ún. Ta xa ndu̱va̱ꞌa ta̱ kísa chiño no̱o̱ ún xa̱ꞌa̱ ña kándixa ún yi̱ꞌi̱ ―káchí ta̱Jesús. Ta mi̱i hora ni̱ka̱ꞌa̱n ta̱Jesús ñayóꞌo, ndu̱va̱ꞌa ta̱ ndeé ndóꞌo.

San Marcos 9:23

Ta ni̱ka̱ꞌa̱n ta̱Jesús: ―¿Nda̱chun káꞌa̱n ún, án kúchiño i̱? Ta mi̱i ún, ¿án kúchiño ún kandixa ún Ndios? Chi xíꞌin ni̱vi na kándixa, ta Ndios kúchiño ra kasa ndivi ra ndiꞌi saá no̱o̱ ñava̱ꞌa xíꞌin na.

San Lucas 7:11

Tá ndi̱ꞌi ñayóꞌo, ta ke̱e ta̱Jesús kua̱ꞌa̱n ra xíꞌin naxíka xíꞌin ra ñii ñoo na̱ní ña Naín. Ta kua̱ꞌa̱ ní ni̱vi kua̱ꞌa̱n na sa̱ta̱ ra.

San Lucas 7:9

Ta ta̱Jesús na̱kaꞌnda ini ra xi̱ni̱ so̱ꞌo ra to̱ꞌon yóꞌo, ta ni̱ka̱ꞌa̱n ra xíꞌin ni̱vi na ndóo xíꞌin ra: ―Ndixa káꞌa̱n i̱ xíꞌin ndó, ndiꞌi saá ñoo Israel ta̱ꞌán nakutáꞌan i̱ xíꞌin ñii ta̱a ta̱ kándixa Ndios nda̱tán kándixa ta̱yóꞌo, ta ni o̱n si̱ví ta̱judío kúu ra ―káchí ta̱Jesús xíꞌin na.