San Lucas 5:5 - Alacatlatzala Mixtec New Testament

⁵ Ta nda̱kuii̱n ta̱Simón, káchí ra saá: ―Tata Maestro, xa ni̱kisa chiño ndi̱ niño ñoó, ta nda̱ ñii tia̱ká o̱n vása ní‑tava ndi̱. Ta vitin tuku sakana niꞌni ndi̱ ñono̱, chi saá xa̱ꞌnda chiño ún no̱o̱ ndi̱.

San Lucas 5:5 Iomraidhean Croise

San Lucas 17:13

Ta saá ki̱xáꞌá na xíꞌin ndiꞌi ndee̱ na, káꞌa̱n na xíꞌin ta̱Jesús: ―¡Tata Maestro, kundáꞌví ini ún koni ún ndi̱ꞌi̱!

San Lucas 8:24

Saá nata̱a naxíka xíꞌin ta̱Jesús sa̱nakáxín na ini ra, ta ni̱ka̱ꞌa̱n na xíꞌin ra: ―¡Maestro! ¡Maestro! ¡Yi̱yo ní ka̱ꞌa̱ ndiꞌi yó xíꞌin takuií mi̱ni! ―káchí na xíꞌin ra. Ta nda̱koo ta̱Jesús, ta xa̱ꞌnda chiño ra no̱o̱ ta̱chi̱ naꞌá xíꞌin takuií mi̱ni. Ta saá ku̱tásin ta̱chi̱ naꞌá xíꞌin takuií mi̱ni, ñii ya̱a̱ ya̱a̱ ku̱u.

San Lucas 8:45

Ta ni̱ka̱ꞌa̱n ta̱Jesús: ―¿Yukú ndó ni̱to̱nda̱a ndaꞌa̱ yi̱ꞌi̱? ―káchí ra. Ta ndiꞌi ni̱vi káꞌa̱n na: ―O̱n si̱ví yi̱ꞌi̱ ni̱to̱nda̱a ndaꞌa̱ yóꞌó ―káchí na. Ta ta̱Pedro xíꞌin inka̱ naxíka xíꞌin ta̱Jesús ni̱ka̱ꞌa̱n na xíꞌin ra: ―Tata Maestro, yóo kua̱ꞌa̱ ní ni̱vi ta ñii chíndaꞌá táꞌan na, ta chíndaꞌá na yóꞌó, ta ndáka̱ to̱ꞌon ún: ¿Yukú ndó ni̱to̱nda̱a ndaꞌa̱ tiko̱to̱ i̱?, káchí ún ―káchí na xíꞌin ra.

San Lucas 9:33

Tá xa yatin ko̱ꞌo̱n na o̱vi̱ yóꞌo, ta ni̱ka̱ꞌa̱n ta̱Pedro xíꞌin ta̱Jesús: ―Tata Maestro, va̱ꞌa ní ndóo yó yóꞌo. Tá kóni ún, ta kasa va̱ꞌa ndi̱ u̱ni̱ tia̱ꞌva, ñii ña koo mi̱i ún, ñii ña koo ta̱Moisés, ta inka̱ ña koo ta̱Elías. Ni̱ka̱ꞌa̱n ta̱Pedro saá chi o̱n vása kúnda̱a̱ ini ra yukía̱ káꞌa̱n ra.

San Lucas 9:49

Ta ni̱ka̱ꞌa̱n ta̱Juan xíꞌin ta̱Jesús: ―Tata Maestro, xi̱ni ndi̱ ñii ta̱a táva ra níma̱ ndiva̱ꞌa. Xáꞌnda chiño ra no̱o̱ níma̱ ndiva̱ꞌa xíꞌin nda̱yí ún, káchí ra. Ta ni̱ka̱ꞌa̱n ndi̱ xíꞌin ra sandakoo ra ña kéꞌé ra saá, chi o̱n si̱ví ta̱ ndíko̱n sa̱ta̱ ún xíꞌin ndi̱ kúu ra ―káchí ra xíꞌin ta̱Jesús.

San Juan 15:14

Ta ndóꞌó, táná kasa ndivi ndó ña káꞌa̱n i̱ xíꞌin ndó, ta kuu ndó ni̱vi na nátaꞌan va̱ꞌa xíꞌin i̱.

San Juan 2:5

Ta saá ni̱ka̱ꞌa̱n ñá xíꞌin ni̱vi na kísa chiño no̱o̱ na káꞌa̱n viko̱ yóꞌo, káchí ñá saá xíꞌin na: ―Ndiꞌi ña kaꞌnda chiño sa̱ꞌya i̱ no̱o̱ ndó, va̱ꞌa kasa ndivi ndó ña ―káchí siꞌí ta̱Jesús xíꞌin na kísa chiño viko̱ yóꞌo.

San Juan 21:3

Ta ni̱ka̱ꞌa̱n ta̱Simón Pedro xíꞌin na, káchí ra saá: ―Ko̱ꞌo̱n i̱ tava i̱ tia̱ká xíꞌin ñono̱ ―káchí ra. Ta nda̱kuii̱n na, ni̱ka̱ꞌa̱n na xíꞌin ra: ―Ko̱ꞌo̱n ndi̱ xíꞌin ún ―káchí na. Ta saá nda̱a na tón barco, ta kua̱ꞌa̱n na no̱o̱ takuií mi̱ni. Ta ñii níí ñoó ndúkú na tava na tia̱ká xíꞌin ñono̱, ta nda̱ ñii rí ni̱‑kuchiño na tava na.