San Lucas 23:35 - Alacatlatzala Mixtec New Testament

³⁵ Ta xíto ni̱vi ña ndóꞌo ta̱Jesús, ta nanáꞌno no̱o̱ naIsrael xáku̱ ndaa na ra, ta káꞌa̱n na: ―Ta̱yóꞌo sa̱ka̱ku ra inka̱ ni̱vi. Ta va̱ꞌa ka̱ ná saka̱ku xíꞌin mi̱i ra vitin, tá ndixa kúu ra Cristo, ta̱a ta̱ ti̱ꞌví Ndios saka̱ku mi̱i yó ―káchí na.

San Lucas 23:35 Iomraidhean Croise

San Mateo 12:18

Yóꞌo yóo ta̱a ta̱ na̱ka̱xin i̱ ña kasa chiño ra no̱o̱ i̱, ta kíꞌvi ní ini i̱ xíni i̱ ra, ta kúsii̱ ní ini i̱ xíni i̱ ra. Ta nataxi i̱ Níma̱ i̱ ini ra, ta saá ka̱ꞌa̱n ndoso ra ñanda̱a̱ xíꞌin ndiꞌi ni̱vi.

San Mateo 3:17

Ta ni̱vi na ndóo yuꞌu̱ yu̱ta xi̱ni̱ so̱ꞌo na to̱ꞌon Ndios ni̱ka̱ꞌa̱n ra nda̱ ñoyívi ni̱no, káchí ra saá: ―Ta̱yóꞌo kúu Sa̱ꞌya i̱, ta̱ kíꞌvi ní ini i̱ xíni i̱, ta kúsii̱ ní ini i̱ xíni i̱ ra ―káchí Ndios xa̱ꞌa̱ ta̱Jesús.

San Lucas 16:14

Tá xi̱ni̱ so̱ꞌo nafariseo to̱ꞌon yóꞌo, ta ni̱xaku̱ ndaa na ta̱Jesús, chi kútoo ní na si̱ꞌún.

San Lucas 23:13

Ta ta̱Pilato ka̱na ra ndiꞌi nanáꞌno no̱o̱ nasu̱tu̱ xíꞌin inka̱ nanáꞌno no̱o̱ naIsrael xíꞌin ndiꞌi inka̱ ni̱vi,

San Lucas 23:39

Ta ñii ta̱ kómí kua̱chi, tákaa̱ ndaa ra ndaꞌa̱ tón cruz sii̱n ta̱Jesús, ki̱xáꞌá ra kándiva̱ꞌa ra xíꞌin ra, ni̱ka̱ꞌa̱n ra saá: ―Tá Cristo, ta̱a ta̱ ti̱ꞌví Ndios va̱xi saka̱ku mi̱i yó kúu ún, ta vitin saka̱ku xíꞌin mi̱i ún ta saka̱ku ún ndi̱ꞌi̱ ―káchí ra xíꞌin ta̱Jesús.

1 Pedro 2:4

Kuyatin ka̱ ndó no̱o̱ Jesucristo, Ta̱a ta̱Káꞌno no̱o̱ yó; nda̱tán yóo ñii yu̱u̱ káꞌno ña táku̱, saá yóo ra. Vará ni̱vi sa̱kana na yu̱u̱ yóꞌo, ta Ndios na̱ka̱xin ra yu̱u̱ yóꞌo kuu ña yu̱u̱ no̱ó ña kunakaa̱ xa̱ꞌa̱ veꞌe.