San Lucas 20:17 - Alacatlatzala Mixtec New Testament

¹⁷ Ta ta̱Jesús xíto ra no̱o̱ na, ta ni̱ka̱ꞌa̱n ra xíꞌin na: ―¿Án o̱n vása kúnda̱a̱ ini ndó ña kóni kachí to̱ꞌon Ndios ña ni̱taa na xi̱na̱ꞌá, ña káchí saá?: Yóo yu̱u̱ ña ni̱‑xiin ni̱vi na kísa va̱ꞌa veꞌe koni̱ ñóꞌó na, ta mi̱i yu̱u̱ yóꞌo ndu̱u ña yu̱u̱ ñano̱ó nákaa̱ xa̱ꞌa̱ veꞌe, káchí to̱ꞌon Ndios.

San Lucas 20:17 Iomraidhean Croise

San Mateo 21:42

Ta ni̱ka̱ꞌa̱n ta̱Jesús xíꞌin na: ―¿Án o̱n vása ní‑kaꞌvi ndó to̱ꞌon Ndios, ña káchí saá?: Yóo yu̱u̱ ña ni̱‑xiin ni̱vi na kísa va̱ꞌa veꞌe koni̱ ñóꞌó na, ta mi̱i yu̱u̱ yóꞌo ndu̱u ña yu̱u̱ ñano̱ó nákaa̱ xa̱ꞌa̱ veꞌe. Ndios kúu ta̱ ki̱sa ndivi saá, ña̱ꞌa livi ní kúu ña ke̱ꞌé Ndios, ta mi̱i yó nákaꞌnda ini yó xíni yó ñayóꞌo, káchí ni̱vi, káchí to̱ꞌon Ndios.

San Marcos 10:23

Ta ta̱Jesús xíto ra no̱o̱ ndiꞌi naxíka xíꞌin ra, ta ni̱ka̱ꞌa̱n ra xíꞌin na: ―¡Nda̱chun yo̱ꞌvi̱ ní ki̱ꞌvi nakuíká yichi̱ no̱o̱ xáꞌnda chiño Ndios!

San Marcos 12:10

’¿Án o̱n vása ní‑kaꞌvi ndó to̱ꞌon Ndios, ña káchí saá?: Yóo yu̱u̱ ña ni̱‑xiin ni̱vi na kísa va̱ꞌa veꞌe koni̱ ñóꞌó na, ta mi̱i yu̱u̱ yóꞌo ndu̱u ña yu̱u̱ ñano̱ó nákaa̱ xa̱ꞌa̱ veꞌe.

San Marcos 3:5

Ta ta̱Jesús na̱koto va̱ꞌa ra no̱o̱ ndiꞌi na, ta ni̱saa̱ ra xi̱ni ra na, ta kúchuchú ní ini ra chi na toon ní ini kúu na. Ta ni̱ka̱ꞌa̱n ra xíꞌin ta̱a ta̱ yi̱chí ndaꞌa̱: ―Sanakaa̱ ún ndaꞌa̱ ún vitin ―káchí ra. Ta ta̱yóꞌo sa̱nakaa̱ ra ndaꞌa̱ ra, ta ndu̱va̱ꞌa ña.

San Lucas 19:41

Ta ki̱xaa̱ ta̱Jesús yatin ñoo Jerusalén. Tá xi̱ni ra ñoo yóꞌo, ta ki̱xáꞌá ra kúchuchú ní ini ra, ta xáku ra xa̱ꞌa̱ ni̱vi nañoo yóꞌo,

San Lucas 22:37

Chi vitin tónda̱a ki̱vi̱ ña kundivi to̱ꞌon Ndios ña ni̱taa na xi̱na̱ꞌá xa̱ꞌa̱ i̱, káchí ña saá: “Ñii ki̱ꞌva nda̱tán xóꞌvi̱ ta̱a ta̱ o̱n váꞌa, saá kundoꞌo ta̱a ta̱ ki̱xi no̱o̱ Ndios”, káchí ña. Ta ndiꞌi to̱ꞌon Ndios ña ni̱taa na xa̱ꞌa̱ i̱ xíni̱ ñóꞌó kundivi ndiꞌi ña ―káchí ta̱Jesús xíꞌin na.

San Lucas 22:61

Ta saá ndi̱kó koo ta̱Jesús xi̱to káxín ra no̱o̱ ta̱Pedro. Ta na̱káꞌán ta̱Pedro to̱ꞌon ña ni̱ka̱ꞌa̱n ta̱Jesús xíꞌin ra: “Ta̱ꞌán ka̱ kana ñii nduxú chée ta xa u̱ni̱ yichi̱ ni̱ka̱ꞌa̱n ún xíꞌin ni̱vi ndí o̱n vása xíni̱ ún yi̱ꞌi̱.”

San Lucas 24:44

Ta ni̱ka̱ꞌa̱n ta̱Jesús xíꞌin na: ―Ta ki̱vi̱ ni̱xika i̱ xíꞌin ndó, ta nda̱to̱ꞌon i̱ xíꞌin ndó ndí xíni̱ ñóꞌó xo̱ꞌvi̱ ní i̱, chi saá kasa ndivi i̱ ndiꞌi to̱ꞌon Ndios ña káꞌa̱n xa̱ꞌa̱ i̱, ña kúu nda̱yí ña ni̱taa ta̱Moisés xíꞌin tutu ña ni̱taa inka̱ naprofeta, xíꞌin tutu na̱ní ña Salmos. Ta ñii ki̱ꞌva nda̱tán káchí to̱ꞌon Ndios yóꞌo xa̱ꞌa̱ i̱, saá ki̱sa ndivi i̱ ―káchí ta̱Jesús xíꞌin na.

San Juan 15:25

Saá kéꞌé ni̱vi yóꞌo chi to̱ꞌon Ndios xíni̱ ñóꞌó kundivi ña. Ta ñii xiiña no̱o̱ to̱ꞌon Ndios yóꞌo va̱xi nda̱yí ña ni̱taa ta̱Moisés kui̱ya̱ xi̱na̱ꞌá, ta káchí ña saá: “Sáa̱ ini ni̱vi xíni na yi̱ꞌi̱, vará nda̱ loꞌo o̱n ko̱ó xa̱ꞌa̱ ña kéꞌé na saá”, káchí to̱ꞌon Ndios ―káchí ta̱Jesús xíꞌin naxíka xíꞌin ra.

Hechos 4:11

Ta xa̱ꞌa̱ ta̱Jesús yóꞌo káchí to̱ꞌon Ndios ña ni̱taa na xi̱na̱ꞌá, káchí ña saá: “Yóo ñii yu̱u̱ ña ni̱‑xiin ni̱vi na kísa va̱ꞌa veꞌe koni̱ ñóꞌó na, ta vitin mi̱i yu̱u̱ yóꞌo ndu̱u ña yu̱u̱ káꞌno ní ka̱, chi nákaa̱ ña xa̱ꞌa̱ veꞌe ta ndíso ña veꞌe”, káchí to̱ꞌon Ndios. Ta nda̱tán yóo yu̱u̱ yóꞌo, saá yóo ta̱Jesús vitin.

Efesios 2:20

Nda̱tán yóo ñii la̱á veꞌe ña kísa va̱ꞌa Ndios saá yóo ndiꞌi yó, ni̱vi na kándixa Jesucristo. Ta nda̱tán yóo xa̱ꞌa̱ veꞌe yóꞌo saá yóo to̱ꞌon Ndios ña sa̱náꞌa naapóstol xíꞌin naprofeta. Ta nda̱tán yóo mi̱i yu̱u̱ ña káꞌno ní ña nákaa̱ xa̱ꞌa̱ ti̱to̱n veꞌe, ndíso ña veꞌe yóꞌo, saá yóo Jesucristo.

1 Pedro 2:6

Chi to̱ꞌon ña ni̱ka̱ꞌa̱n Ndios ña ni̱taa ta̱profeta xi̱na̱ꞌá, káchí ña saá: Kani ndichi i̱ ñii yu̱u̱ káꞌno ña kúu ñano̱ó ña kunakaa̱ ti̱to̱n xa̱ꞌa̱ veꞌe i̱ ña kuva̱ꞌa xi̱ki̱ Sion. Na̱ka̱xin i̱ ña kuu ña yu̱u̱ ña ndáya̱ꞌví ní, ña káꞌno ka̱ no̱o̱ ndiꞌi inka̱ yu̱u̱ ña ñóꞌo veꞌe ño̱ꞌo i̱. Ta nda̱tán yóo yu̱u̱ yóꞌo, saá yóo ta̱a ta̱ na̱ka̱xin i̱; chi ta̱yóꞌo kuu ta̱ ndáya̱ꞌví ní, ta ta̱no̱ó kuu ra no̱o̱ ndiꞌi nañoo i̱, ta ndiꞌi ni̱vi na kándixa ta̱a ta̱ na̱ka̱xin i̱ yóꞌo, a̱nda̱ ñii ki̱vi̱ o̱n vása kukaꞌan no̱o̱ ni̱vi yóꞌo chi o̱n sandáꞌví ra na, káchí to̱ꞌon Ndios.