San Lucas 2:47 - Alacatlatzala Mixtec New Testament

⁴⁷ Ta ndiꞌi nayóꞌo na̱kaꞌnda ini na xíni̱ so̱ꞌo na ña káꞌa̱n ta̱Jesús chi va̱ꞌa ní si̱ni̱ ra, ta ndíchí ní to̱ꞌon nda̱kuii̱n ra.

San Lucas 2:47 Iomraidhean Croise

San Mateo 13:54

Ta na̱xaa̱ ra ñoo mi̱i ra, ta ki̱xáꞌá ra sánáꞌa ra ni̱vi veꞌe ño̱ꞌo sinagoga. Ta na̱kaꞌnda ní ini na, ta káchí na xíꞌin táꞌan na saá: ―¿Míkía̱ sa̱kuáꞌá ta̱yóꞌo ndiꞌi ña xíni̱ ní ra? ¿Míkía̱ ke̱e ndee̱ ña kéꞌé ra milagro xíꞌin ni̱vi?

San Mateo 22:33

Ta xi̱ni̱ so̱ꞌo ni̱vi ña ni̱ka̱ꞌa̱n ra xíꞌin nasaduceo, ta na̱kaꞌnda ní ini na.

San Mateo 7:28

Tá ta̱Jesús ndi̱ꞌi ni̱ka̱ꞌa̱n ra xíꞌin na, ta na̱kaꞌnda ini ndiꞌi ni̱vi xa̱ꞌa̱ ña xíni̱ so̱ꞌo na ña sánáꞌa ra,

San Marcos 1:22

Ta na̱kaꞌnda ini ni̱vi xíni̱ so̱ꞌo na ña káꞌa̱n ra, chi sánáꞌa ra na nda̱tán sánáꞌa ñii ta̱a ta̱ kómí nda̱yí, ta inka̱ namaestro na sánáꞌa nda̱yí Ndios ña ni̱taa ta̱Moisés xi̱na̱ꞌá, nayóꞌo sánáꞌa na nda̱tán sánáꞌa ni̱vi na o̱n vása kómí nda̱yí.

San Marcos 11:18

Ta na sánáꞌa nda̱yí Ndios xíꞌin nanáꞌno no̱o̱ nasu̱tu̱ xi̱ni̱ so̱ꞌo na ña ni̱ka̱ꞌa̱n ra, ta ki̱xáꞌá na ndúkú na ndasaá koo kaꞌni na ta̱Jesús, chi yíꞌví ní na no̱o̱ ra, xa̱ꞌa̱ ña ndiꞌi ni̱vi nákaꞌnda ini na xíni̱ so̱ꞌo na ña sánáꞌa ra.

San Marcos 6:2

Tá ki̱xaa̱ ki̱vi̱ yi̱i̱ ña nákindée najudío, saá ki̱xáꞌá ra sánáꞌa ra ni̱vi veꞌe ño̱ꞌo sinagoga, ta kua̱ꞌa̱ ní na xi̱ni̱ so̱ꞌo ña ni̱ka̱ꞌa̱n ra, na̱kaꞌnda ní ini na, ta káchí na saá: ―¿Míkía̱ sa̱kuáꞌá ta̱yóꞌo ndiꞌi ñayóꞌo? ¿Mí ki̱xi ña ndíchí ní ra, ta míkía̱ ke̱e ndee̱ ña kéꞌé ra milagro xíꞌin ni̱vi?

San Lucas 2:18

Ta ndiꞌi ni̱vi na xi̱ni̱ so̱ꞌo to̱ꞌon ña nda̱to̱ꞌon na ndáa ndikachi, na̱kaꞌnda ní ini nayóꞌo.

San Lucas 2:46

Ta̱nda̱ ki̱vi̱ u̱ni̱ na̱níꞌi na ta̱Jesús veꞌe ño̱ꞌo káꞌno, yóo ra ma̱ꞌñó namaestro na sánáꞌa nda̱yí Ndios ña ni̱taa ta̱Moisés xi̱na̱ꞌá. Xíni̱ so̱ꞌo ta̱loꞌo Jesús ña káꞌa̱n namaestro yóꞌo, ta ndáka̱ to̱ꞌon ra na.

San Lucas 4:22

Ta ndiꞌi ni̱vi va̱ꞌa ní káꞌa̱n na xa̱ꞌa̱ ra. Ta na̱kaꞌnda ini na ndóo na, chi va̱ꞌa ní káꞌa̱n ra. Ta ni̱nda̱ka̱ to̱ꞌon táꞌan na: ―¿Án o̱n si̱ví sa̱ꞌya ta̱José kúu ta̱yóꞌo? ¡Nda̱chun va̱ꞌa ní xíni̱ ra! ―káchí na.

San Lucas 4:32

Ta na̱kaꞌnda ini ni̱vi xíni̱ so̱ꞌo na ña káꞌa̱n ra, chi sánáꞌa ra na nda̱tán sánáꞌa ñii ta̱a ta̱ kómí nda̱yí.

San Juan 7:15

Tá najudío xi̱ni̱ so̱ꞌo na ña káꞌa̱n ta̱Jesús sánáꞌa ra, ta na̱kaꞌnda ini na xa̱ꞌa̱ ña xi̱ni̱ so̱ꞌo na, ta ni̱ka̱ꞌa̱n na, káchí na saá: ―¿Nda̱chun va̱ꞌa ní xíni̱ ta̱yóꞌo?, ta o̱n vása ní‑kaꞌvi ra kua̱ꞌa̱ ní kui̱ya̱ veꞌe no̱o̱ káꞌvi na ―káchí na.

San Juan 7:46

Ta nda̱kuii̱n napolicía ni̱ka̱ꞌa̱n na: ―Nda̱ ñii yichi̱ o̱n ta̱ꞌán koni̱ so̱ꞌo ndi̱ ñii ta̱a káꞌa̱n ra to̱ꞌon nda̱tán káꞌa̱n ta̱yóꞌo ―káchí na.