San Lucas 15:4 - Alacatlatzala Mixtec New Testament

⁴ ―Tá ñii ndóꞌó kómí ndó ñii ciento ndikachi sa̱na̱ ndó, ta ñii rí nda̱ñóꞌó, ta saá, ¿án o̱n sandakoo ndó tí ko̱mi̱ si̱ko̱ xa̱ꞌo̱n ko̱mi̱ kundo̱o mi̱i rí yuku̱, ta ko̱ꞌo̱n ndó nandukú ndó tí nda̱ñóꞌó nda̱ mí naníꞌi ndó rí?

San Lucas 15:4 Iomraidhean Croise

San Mateo 12:11

Ta nda̱kuii̱n ta̱Jesús, ni̱ka̱ꞌa̱n ra xíꞌin na: ―Tá ñii ndóꞌó kómí ndó ñii ndikachi sa̱na̱ ndó, ta nákava rí ñii yavi̱ kónó ki̱vi̱ yi̱i̱ ña nákindée yó, ta, ¿yukía̱ keꞌé ndó? ¿Án o̱n ko̱ꞌo̱n ndó tava ndó kiti̱ sa̱na̱ ndó tí na̱kava?

San Lucas 13:15

Ta saá nda̱kuii̱n ta̱Jesús, ni̱ka̱ꞌa̱n ra xíꞌin na: ―¡Na o̱vi̱ yuꞌu̱ kúu ndó!, chi káꞌa̱n ndó o̱n váꞌa sandaꞌa i̱ ni̱vi ki̱vi̱ yi̱i̱ ña nákindée yó. Ta mi̱i ndó, vará ki̱vi̱ yi̱i̱ nákindée yó kúu ña, ta ma̱ni̱ ní ndó kiti̱ sa̱na̱ ndó. Chi tá yóo si̱ndi̱ki̱ án burro sa̱na̱ ndó ta yíchi̱ ní rí takuií, ta saá ndaxin ndó rí ko̱ꞌo̱n rí koꞌo rí takuií.

San Lucas 15:3

Ta saá ta̱Jesús nda̱to̱ꞌon ra ñii cuento ña sanáꞌa ra na, káchí ra saá:

San Lucas 19:10

Yi̱ꞌi̱, ta̱ kúu ta̱a ta̱ ki̱xi no̱o̱ Ndios, va̱xi i̱ nandukú i̱ ta saka̱ku i̱ ni̱vi na nda̱ñóꞌó no̱o̱ Ndios ―káchí ta̱Jesús xíꞌin na.

Romanos 2:1

Ta ndóꞌó, o̱n vása va̱ꞌa káꞌa̱n ndó ndí ndasaá kuiti inka̱ ni̱vi kúu na o̱n váꞌa, ta ndíso na kua̱chi no̱o̱ Ndios. Tá káꞌa̱n ndó to̱ꞌon o̱n váꞌa yóꞌo xa̱ꞌa̱ inka̱ ni̱vi, ta ñii ki̱ꞌva saá sákuiso ndó kua̱chi sa̱ta̱ mi̱i ndó, chi mi̱i ndó ñii ki̱ꞌva saá kéꞌé ndó ña o̱n váꞌa nda̱tán kéꞌé ni̱vi yóꞌo.

1 Pedro 2:25

Nda̱tán yóo ndikachi tí nda̱ñóꞌó no̱o̱ xitoꞌo rí, saá ni̱xi̱yo ndó siꞌna. Ta vitin xa na̱ndikó ndó no̱o̱ Jesucristo, ta̱ kúu ta̱a ta̱ ndáa ndóꞌó. Nda̱tán vivíi ndáa ñii ta̱a ndikachi sa̱na̱ ra, saá vivíi ndáa Jesucristo ndóꞌó ndiꞌi saá ki̱vi̱, ña o̱n ndiꞌi xa̱ꞌa̱ ndó.