San Lucas 13:32 - Alacatlatzala Mixtec New Testament

³² Ta nda̱kuii̱n ta̱Jesús, ni̱ka̱ꞌa̱n ra: ―Kua̱ꞌa̱n ndó no̱o̱ ñokuii Herodes, ta ka̱ꞌa̱n ndó xíꞌin ra: “Ki̱vi̱ vitin xíꞌin ki̱vi̱ taa̱n tava i̱ níma̱ ndiva̱ꞌa ña tíin sava ni̱vi, ta sandaꞌa i̱ inka̱ na ndeé ndóꞌo, ta̱nda̱ ki̱vi̱ u̱ni̱ sandiꞌi i̱ chiño i̱”, saá kachí ndó xíꞌin ta̱Herodes.

San Lucas 13:32 Iomraidhean Croise

San Marcos 6:14

Ta ta̱rey Herodes xi̱ni̱ so̱ꞌo ra ña kánóo va̱ꞌa to̱ꞌon xa̱ꞌa̱ ta̱Jesús xa̱ꞌa̱ ndiꞌi ñava̱ꞌa ña ke̱ꞌé ra. Ta ni̱ka̱ꞌa̱n ra saá: ―Ta̱yóꞌo kúu ta̱Juan, ta̱ sa̱kuchu ni̱vi, ta ni̱xiꞌi̱ ra ta vitin na̱taku̱ ra, ña̱kán kómí ra ndee̱ kéꞌé ra ndiꞌi milagro yóꞌo vitin ―káchí ra.

San Juan 10:32

Ta ta̱Jesús ni̱ka̱ꞌa̱n ra xíꞌin na: ―No̱o̱ ndóꞌó xa ke̱ꞌé i̱ kua̱ꞌa̱ ní milagro va̱ꞌa xíꞌin nda̱yí Yivá i̱. Ta vitin, ¿ndá ñava̱ꞌa ke̱ꞌé i̱ kúu ña kóni ndó kaꞌni ndó yi̱ꞌi̱ xa̱ꞌa̱? ―káchí ra xíꞌin na.

San Juan 19:30

Tá ndi̱ꞌi xi̱ꞌi ra loꞌo vino yiyá yóꞌo, ta saá ni̱ka̱ꞌa̱n ta̱Jesús: ―Ni̱xi̱no̱ chiño i̱ ―káchí ra. Ta saá na̱kuiko si̱ni̱ ra ta ni̱xiꞌi̱ ra.

Hebreos 2:10

Ndiꞌi ña ki̱sa va̱ꞌa Ndios yóo ña xa̱ꞌa̱ ña kasa káꞌno ña ra, ta ti̱xin ndee̱ Ndios yóo ndiꞌi ña. Ta saá Ndios kóni ra ndí ndiꞌi sa̱ꞌya ra ko̱ꞌo̱n na kutaku̱ na xíꞌin ra ñoyívi ni̱no no̱o̱ yóo ñalivi káꞌno. Ta ña kuchiño keꞌé na saá, Ndios ta̱xi ra ña ni̱xo̱ꞌvi̱ ní Jesucristo, ta saá ni̱to̱nda̱a ra ndu̱u ra ta̱a ta̱ ni̱xi̱no̱ ndinoꞌo. Ta vitin kúu ra ta̱a ta̱ sáka̱ku ndinoꞌo ni̱vi no̱o̱ kua̱chi na.

Hebreos 5:9

Ta xíꞌin ña ki̱sa ndivi ra ndiꞌi ña chi̱tóni̱ Ndios keꞌé ra, ni̱to̱nda̱a ra ni̱xi̱no̱ ra ndu̱u ra ñii ta̱a ndinoꞌo, ta mi̱i ra kúu ndee̱ ña sáka̱ku ndiꞌi ni̱vi na chíkaa̱ so̱ꞌo to̱ꞌon ña káꞌa̱n ra, ta saá ni̱vi yóꞌo kutaku̱ na xíꞌin Ndios ndiꞌi saá ki̱vi̱ ña va̱xi.

Hebreos 7:28

Nda̱yí ña ni̱taa ta̱Moisés káꞌa̱n ña yu kúu na kúchiño kuu nasu̱tu̱ náꞌno, ta ndiꞌi nata̱a na ni̱yaꞌa xi̱kuu su̱tu̱ náꞌno ta̱nda̱ ta̱a ta̱ kúu su̱tu̱ káꞌno vitin, nayóꞌo kúu na ni̱vi na vitá ini no̱o̱ ña o̱n váꞌa. Ta ndi̱ꞌi chi̱ndúꞌu̱ Ndios nda̱yí yóꞌo, ta saá ni̱ka̱ꞌa̱n ra chi̱náꞌa ra xa̱ꞌa̱ mi̱i ra ndí Sa̱ꞌya mi̱i ra kúu ta̱su̱tu̱ káꞌno ndiꞌi saá ki̱vi̱, ta kúu ra ta̱a ta̱ ndii ndinoꞌo, ta o̱n ko̱ó nda̱ loꞌo kua̱chi ndíso ra.