San Lucas 10:29 - Alacatlatzala Mixtec New Testament

²⁹ Ta kóni ta̱maestro yóꞌo kasa nda̱a̱ ra xa̱ꞌa̱ mi̱i ra no̱o̱ ta̱Jesús, ta ña̱kán tuku ni̱nda̱ka̱ to̱ꞌon ra ta̱Jesús, ni̱ka̱ꞌa̱n ra saá: ―¿Yu kúu natáꞌan yó?

San Lucas 10:29 Iomraidhean Croise

San Marcos 8:34

Ta saá ka̱na ta̱Jesús ndiꞌi ni̱vi va̱xi na no̱o̱ ra, ta ka̱na ra naxíka xíꞌin ra, ta ni̱ka̱ꞌa̱n ra xíꞌin na: ―Ndiꞌi ni̱vi na kóni kundiko̱n yi̱ꞌi̱ xíni̱ ñóꞌó sandakoo na ndiꞌi ña káchí ini mi̱i na, ta kuso̱kó na tón cruz mi̱i na ta kundiko̱n na sa̱ta̱ i̱.

San Lucas 10:36

Ta ni̱ka̱ꞌa̱n ta̱Jesús xíꞌin ra: ―U̱ni̱ ta̱a ni̱yaꞌa no̱o̱ kándúꞌu̱ ta̱a ta̱ ta̱kuéꞌe̱ yóꞌo. ¿Yukú ta̱a ke̱ꞌé ñava̱ꞌa nda̱tán kéꞌé ta̱táꞌan ra xíꞌin ra? ―káchí ta̱Jesús.

San Lucas 16:15

Ta ni̱ka̱ꞌa̱n ta̱Jesús xíꞌin na: ―Ndóꞌó, na o̱n vása ndinoꞌo ini kúu ndó, chi kuiti kéꞌé ndó chiño ña káꞌán nani̱vi ndí nava̱ꞌa kúu ndó, ta Ndios xíni̱ va̱ꞌa ra ini ndó. Yóo chiño ña xáni si̱ni̱ ni̱vi kúu ña ñava̱ꞌa ní no̱o̱ na, ta o̱n si̱ví ñava̱ꞌa kúu ña no̱o̱ Ndios, ta ña̱kán sáa̱ ini ra xíni ra chiño yóꞌo ―káchí ta̱Jesús xíꞌin na.

Romanos 10:3

Saá chi o̱n vása kúnda̱a̱ ini na ndí ñii la̱á Ndios kúu ta̱a ta̱ kúchiño sanduu ra ni̱vi na ndii na o̱n ko̱ó kua̱chi ndíso no̱o̱ ra, ta ni̱vi naIsrael kóni na ndasa ndii xíꞌin mi̱i na xa̱ꞌa̱ chiño va̱ꞌa kísa ndivi na. Ta saá o̱n xi̱in na taxi xíꞌin mi̱i na ña kasa ndivi na ña chi̱ndúꞌu̱ Ndios ña ndasaá kuchiño nduu na ni̱vi na ndii no̱o̱ ra ta va̱ꞌa koo na xíꞌin ra.

Romanos 4:2

Ta to̱ꞌon Ndios yóꞌo, ¿án káꞌa̱n ña ndí ndasaá kuiti xa̱ꞌa̱ ñava̱ꞌa ke̱ꞌé ta̱Abraham kúu ña ndu̱u ra ta̱a ta̱ ndii ta̱ o̱n ko̱ó kua̱chi ndíso no̱o̱ Ndios, ta va̱ꞌa yóo ra xíꞌin Ndios? O̱n vása káꞌa̱n to̱ꞌon yóꞌo saá. Chi tá ndasaá kuiti xa̱ꞌa̱ ñava̱ꞌa ke̱ꞌé ta̱Abraham kúu ña ndu̱u ra ta̱a ta̱ ndii no̱o̱ Ndios, níkúu, ta saá kukomí ra xa̱ꞌa̱ ña kasa káꞌno xíꞌin mi̱i ra. Ta saá ni, no̱o̱ Ndios, nda̱ loꞌo o̱n ko̱ó ña taxi ña kuchiño ta̱Abraham kasa káꞌno xíꞌin mi̱i ra.

Gálatas 3:11

Xíꞌin to̱ꞌon yóꞌo kúnda̱a̱ ini yó ndí o̱n si̱ví xa̱ꞌa̱ ña kísa ndivi ni̱vi nda̱yí Ndios ña ni̱taa ta̱Moisés kúu ña nduu na ni̱vi na ndii na o̱n ko̱ó kua̱chi kuiso no̱o̱ Ndios. Saá chi inka̱ xiiña no̱o̱ to̱ꞌon Ndios ña ni̱taa na xi̱na̱ꞌá, káchí ña saá: “Ni̱vi na kúu nandii no̱o̱ Ndios xa̱ꞌa̱ ña kándixa na ra, ni̱vi yóꞌo, ndixa kutaku̱ na”, káchí to̱ꞌon Ndios ña ni̱taa na xi̱na̱ꞌá.

Santiago 2:24

Ña̱kán kúnda̱a̱ ini yó Ndios káꞌa̱n ra ndí ni̱vi na va̱ꞌa ndinoꞌo kúu yó no̱o̱ ra, chi kándixa yó ra ta kísa ndivi yó to̱ꞌon ra.