San Lucas 10:21 - Alacatlatzala Mixtec New Testament

²¹ Ta mi̱i hora yóꞌo, ta Níma̱ Ndios sa̱kutú ña níma̱ ta̱Jesús xíꞌin ñasi̱i̱, ta ni̱ka̱ꞌa̱n ra xíꞌin Ndios siꞌa: ―Tata Yivá i̱, ¡kísa káꞌno i̱ yóꞌó! Yóꞌó kúu Ta̱a ta̱Káꞌno ta̱ xáꞌnda chiño no̱o̱ ndiꞌi ña yóo ñoyívi yóꞌo xíꞌin ña yóo ñoyívi ni̱no. Kísa káꞌno i̱ yóꞌó, chi xa sa̱náꞌa ún nayóꞌo, na ni̱no̱ ini kúu na, ta kúnda̱a̱ ini na ñava̱ꞌa xa̱ꞌa̱ ún. Ta chi̱seꞌé ún ñava̱ꞌa yóꞌo no̱o̱ inka̱ ni̱vi na na̱ní nandíchí, xíꞌin na na̱ní na káꞌvi ta tiꞌva ní yóo ñoyívi yóꞌo, chi saá káchí ini ún keꞌé ún xíꞌin ndiꞌi ni̱vi, Tata ―káchí ta̱Jesús xíꞌin Ndios.

San Lucas 10:21 Iomraidhean Croise

San Mateo 16:17

Ta ni̱ka̱ꞌa̱n ta̱Jesús xíꞌin ra: ―Ñava̱ꞌa ní ke̱ꞌé Ndios xíꞌin ún, tata Simón, sa̱ꞌya ta̱Jonás, chi o̱n si̱ví ni̱vi kúu na sa̱náꞌa yóꞌó ñanda̱a̱ yóꞌo. Ta Yivá i̱ Ndios, ta̱ yóo ñoyívi ni̱no, kúu ta̱ sa̱náꞌa yóꞌó.

San Mateo 21:16

Ta na sánáꞌa nda̱yí Ndios xíꞌin nanáꞌno no̱o̱ nasu̱tu̱ ni̱nda̱ka̱ to̱ꞌon na ta̱Jesús: ―¿Án xíni̱ so̱ꞌo ún yukía̱ káꞌa̱n naválí yóꞌo? Ta nda̱kuii̱n ta̱Jesús, káchí ra saá: ―Oon, xíni̱ so̱ꞌo i̱ ña káꞌa̱n na. Ta ndóꞌó, ¿án o̱n vása ní‑kaꞌvi ndó to̱ꞌon Ndios, no̱o̱ káchí ña saá?: Ndios chi̱tóni̱ ra ka̱ꞌa̱n naválí ñato̱ꞌó xa̱ꞌa̱ ra. Nda̱ yuꞌu̱ naválí xíꞌin yuꞌu̱ naválí páꞌá na chíchín nakiꞌin ra ñato̱ꞌó, káchí to̱ꞌon Ndios ―káchí ta̱Jesús xíꞌin na.

San Mateo 3:7

Ta ta̱Juan xi̱ni ra va̱xi kua̱ꞌa̱ ní nanáꞌno no̱o̱ najudío, na kúu nafariseo xíꞌin nasaduceo, chi kóni na kuchu na, kasa ta̱Juan. Ta ta̱Juan ni̱ka̱ꞌa̱n ra to̱ꞌon yóꞌo xíꞌin na: ―Ta ndóꞌó, ¡sa̱ꞌya ko̱o̱ xati̱ kúu ndó! ¿Yu kúu na ni̱ka̱ꞌa̱n xíꞌin ndó kuchu ndó, ta saá saka̱ku xíꞌin mi̱i ndó ña o̱n saxo̱ꞌvi̱ Ndios ndóꞌó ki̱vi̱ ña va̱xi?

San Marcos 10:15

Ndixa káꞌa̱n i̱ xíꞌin ndó, tá o̱n xi̱in ndó kasa ni̱no̱ xíꞌin mi̱i ndó no̱o̱ Ndios, nda̱tán ni̱no̱ yóo ini naválí yóꞌo, ta o̱n kívi ki̱ꞌvi ndó yichi̱ no̱o̱ xáꞌnda chiño Ndios.

San Lucas 15:5

Tá naníꞌi ndó rí, ta kusii̱ ini ndó, ta tiin ndó rí chinóo ndó rí so̱ko̱ ndó, ta kua̱n ndixi ndó xíꞌin rí.

San Lucas 15:9

Tá naníꞌi ñá si̱ꞌún, ta kana ñá natáꞌan ñá xíꞌin na ndóo yatin veꞌe ñá, ta ndato̱ꞌon ñá xíꞌin na: “Ná kusii̱ ini ndó xíꞌin i̱ chi na̱níꞌi i̱ si̱ꞌún i̱ ña nda̱ñóꞌó”, kachí ñá xíꞌin na.

San Juan 11:41

Ta saá sa̱kutaꞌa na yu̱u̱ ña ndási̱ yuꞌu̱ kavua̱ no̱o̱ ni̱ndu̱xu̱n ta̱Lázaro. Ta ta̱Jesús na̱koto ndaa ra ñoyívi ni̱no, ta ni̱ka̱ꞌa̱n ra xíꞌin Ndios, káchí ra saá: ―Tata Yivá i̱, táxaꞌvi ún chi xíni̱ so̱ꞌo ún xa̱ꞌa̱ ña ndúkú i̱ no̱o̱ ún vitin.

2 Corintios 4:3

Ta sava ni̱vi o̱n vása kúnda̱a̱ ini na to̱ꞌon Ndios ña káꞌa̱n ndoso ndi̱ no̱o̱ na, chi yóo ña sási ini na, ta nayóꞌo kúu ni̱vi na ndíko̱n kua̱ꞌa̱n yichi̱ no̱o̱ ndiꞌi xa̱ꞌa̱ na.

Efesios 1:11

Nda̱ ñano̱ó Ndios xa na̱ka̱xin ra mi̱i yó ña kuu yó sa̱ꞌya ra. Ta xa̱ꞌa̱ ña ñii yóo yó táku̱ yó xíꞌin Jesucristo, ndixa nakiꞌin yó ndiꞌi ñava̱ꞌa ña ni̱ka̱ꞌa̱n Ndios ki̱ndo̱o ra xíꞌin yó. Saá chi ñii ki̱ꞌva nda̱tán chi̱tóni̱ Ndios kasa ndivi ra, saá kéꞌé ra.

Efesios 1:5

Ndios kíꞌvi ní ini ra xíni ra mi̱i yó, ta xa̱ꞌa̱ ñayóꞌo, chi̱tóni̱ ra nakiꞌin ra mi̱i yó ña nduu yó sa̱ꞌya ra. Ta ña kuchiño keꞌé ra saá, Jesucristo ni̱xiꞌi̱ ra xa̱ꞌa̱ kua̱chi yó. Ta xíꞌin ñasi̱i̱ ndinoꞌo ini ra, Ndios na̱kiꞌin ra mi̱i yó ña ndu̱u yó sa̱ꞌya ra.