San Lucas 1:72 - Alacatlatzala Mixtec New Testament

⁷² Xi̱na̱ꞌá ku̱ndáꞌví ini Ndios xi̱ni ra naxi̱i̱ síkuá yó, ta kasa ndivi ra to̱ꞌon ra ña chi̱ndúꞌu̱ ra keꞌé ra xíꞌin na.

San Lucas 1:72 Iomraidhean Croise

Romanos 11:28

Vitin najudío kúu ni̱vi na sáa̱ ini xíni Ndios xa̱ꞌa̱ to̱ꞌon va̱ꞌa ña ndáto̱ꞌon xa̱ꞌa̱ Jesucristo, chi o̱n xi̱in na kandixa na to̱ꞌon yóꞌo. Ta xíꞌin ña kéꞌé najudío saá, Ndios ta̱xi ra ndaꞌa̱ ndóꞌó, ni̱vi na o̱n vása kúu najudío, ña kuchiño kandixa ndó Jesucristo ta kundiko̱n ndó ra. Ta saá ni, Ndios kíꞌvi ka̱ ini ra xíni ra najudío nda̱ ki̱vi̱ vitin, chi na̱ka̱xin ra najudío kuu na nañoo ra, chi saá ki̱ndo̱o ra ni̱ka̱ꞌa̱n ra xíꞌin xi̱i̱ síkuá na ta̱Abraham, ta̱Isaac ta xíꞌin ta̱Jacob.

Romanos 9:4

Nañoo i̱ naIsrael yóꞌo kúu sa̱ꞌya ñani síkuá ta̱a ta̱Israel, ta Ndios na̱ka̱xin ra nayóꞌo ña kuu na sa̱ꞌya ra. Ta yóo Ndios xíꞌin naIsrael ndiꞌi saá ki̱vi̱, ta xa sa̱náꞌa ra no̱o̱ na ndasaá yóo ñava̱ꞌa káꞌno ña livi yéꞌe kómí ra. Ta xíꞌin to̱ꞌon ra, Ndios ki̱ndo̱o ra xíꞌin ta̱Abraham, ta̱ kúu ta̱xi̱i̱ síkuá ndiꞌi ni̱vi nañoo i̱ naIsrael, ta Ndios ni̱ka̱ꞌa̱n ra ndí ndixa keꞌé ra ñava̱ꞌa xíꞌin ta̱yóꞌo, ta keꞌé ra ñava̱ꞌa xíꞌin sa̱ꞌya ñani síkuá ra. Ta ndaꞌa̱ nañoo i̱ Israel, Ndios ta̱xi ra nda̱yí ra ña sánáꞌa ra na ndasaá va̱ꞌa kutaku̱ na no̱o̱ ra, ta ndasaá va̱ꞌa kasa káꞌno na ra. Ta Ndios ni̱ka̱ꞌa̱n ra ki̱ndo̱o ra keꞌé ra kua̱ꞌa̱ ní ñava̱ꞌa xíꞌin na, ni̱ka̱ꞌa̱n ra ña ndixa kasa ndivi ra ndiꞌi to̱ꞌon ra ña ki̱ndo̱o ra.