San Juan 9:28 - Alacatlatzala Mixtec New Testament

²⁸ Tá ndi̱ꞌi xi̱ni̱ so̱ꞌo na ña ni̱ka̱ꞌa̱n ta̱yóꞌo, ta ki̱xáꞌá na sáa̱ ní ini na xíni na ra, ta kándiva̱ꞌa na xíꞌin ra, káchí na saá: ―Yóꞌó kúu ta̱a ta̱ ndíko̱n sa̱ta̱ ta̱a ta̱ kéꞌé ña o̱n váꞌa yóꞌo. Ta ndi̱ꞌi̱ kúu na ndixa ndíko̱n yichi̱ ta̱Moisés, ta̱xi̱i̱ síkuá yó.

San Juan 9:28 Iomraidhean Croise

San Mateo 27:39

Ta nani̱vi yáꞌa yichi̱ no̱o̱ tákaa̱ ndaa ta̱Jesús kándiva̱ꞌa ní na xíꞌin ra, ta káva na si̱ni̱ na,

San Mateo 5:11

’Tá yóo ni̱vi na kándiva̱ꞌa xíꞌin ndó, ta sáxo̱ꞌvi̱ na ndóꞌó, ta káꞌa̱n na ñavatá xa̱ꞌa̱ ndó chi ndíko̱n ndó yi̱ꞌi̱, ta xa̱ꞌa̱ ñayóꞌo nákaa̱ ñasi̱i̱ níma̱ ndó.

San Juan 7:19

’¿Án o̱n si̱ví ñanda̱a̱ kúu ña ta̱Moisés ta̱xi ra nda̱yí Ndios ndaꞌa̱ naxi̱i̱ síkuá yó? Ta nda̱ ñii ndóꞌó o̱n vása kándixa ndó nda̱yí yóꞌo. Ta vitin, ¿nda̱chun kóni ndó kaꞌni ndó yi̱ꞌi̱?

San Juan 9:34

Ta nda̱kuii̱n na, ni̱ka̱ꞌa̱n na xíꞌin ra: ―¡Ta̱a ta̱ kómí chiꞌña kúu yóꞌó! ¡Nda̱ ki̱vi̱ ka̱ku ún ta̱nda̱ vitin ta̱a ta̱ o̱n váꞌa kúu ún! ¿Án xáni si̱ni̱ ún kúu ún ta̱a ta̱ ndíchí ka̱, ña̱kán kóni ún sanáꞌa ún ndi̱ꞌi̱? ―káchí na xíꞌin ra. Ta saá ta̱xin va̱ꞌa na ra veꞌe ño̱ꞌo sinagoga, ta kua̱ꞌa̱n ra ke̱ꞌe.

Romanos 2:17

Ta sava ndóꞌó, ni̱vi na kúu najudío ndáa ini ndó ndí yóo va̱ꞌa ndó xíꞌin Ndios chi kómí ndó nda̱yí ra ña ni̱taa ta̱Moisés xi̱na̱ꞌá. Ta kísa káꞌno xíꞌin mi̱i ndó, chi xáni si̱ni̱ ndó kúu ndó nañoo Ndios, ta kúsii̱ ní ini ra xíni ra ndóꞌó, saá xáni si̱ni̱ sava ndó.

1 Corintios 4:12

Ta saá ni, ndeé ní xíꞌin ndaꞌa̱ ndi̱ kísa chiño ndi̱, ta̱nda̱ kúnaa̱ ní ndi̱ no̱o̱ chiño yóꞌo. Ta tá yóo ni̱vi na sáta̱vi̱ chiꞌña ndi̱ꞌi̱, ta ndákuii̱n ndi̱ káꞌa̱n ndi̱ xíꞌin nayóꞌo, káchí ndi̱ saá: “Ná keꞌé Ndios ñava̱ꞌa xíꞌin ndó.” Ta tá sáxo̱ꞌvi̱ ní ni̱vi mi̱i ndi̱ xa̱ꞌa̱ ña ndíko̱n ndi̱ Jesucristo, ta xíꞌin ña káꞌno ini ndi̱ kúndeé ndi̱ xíꞌin ndiꞌi ña o̱n váꞌa yóꞌo.

1 Corintios 6:10

ta ni̱vi na kísa kuíꞌná ña kómí inka̱ ni̱vi, ta ni̱vi na kútoo ní nakaya kua̱ꞌa̱ ní ñakuíká, ta ni̱vi na xíꞌi ní, ta ni̱vi na káꞌa̱n to̱ꞌon vatá xa̱ꞌa̱ inka̱ ni̱vi, ta ni̱vi na sándáꞌví inka̱ ni̱vi. Ndiꞌi ni̱vi na táku̱ kéꞌé ña o̱n váꞌa yóꞌo, nayóꞌo o̱n ki̱ꞌvi na kaꞌnda chiño na xíꞌin Ndios ñoyívi ni̱no.

1 Pedro 2:23

Ta saá ni, ni̱vi ni̱ka̱ꞌa̱n na to̱ꞌon ña kándiva̱ꞌa xíꞌin ra, ta mi̱i ra a̱nda̱ loꞌo ni̱‑ndikó ra ka̱ꞌa̱n ra to̱ꞌon ndiva̱ꞌa xíꞌin na. Tá ni̱vi sa̱xo̱ꞌvi̱ ní na ra, ta mi̱i ra o̱n vása ní‑kaꞌa̱n ra xíꞌin ni̱vi yóꞌo ndí ñii ki̱vi̱ chaꞌvi na xa̱ꞌa̱ ña sa̱xo̱ꞌvi̱ na ra. Saá chi ndáa ini ra Ndios ña kasa nani ra xíꞌin ñanda̱a̱ xa̱ꞌa̱ ndasaá yóo ña ke̱ꞌé ñii ñii ni̱vi.