San Juan 9:11 - Alacatlatzala Mixtec New Testament

¹¹ Ta nda̱kuii̱n ra, ni̱ka̱ꞌa̱n ra: ―Ta̱a ta̱ na̱ní Jesús ki̱sa va̱ꞌa ra loꞌo nda̱ꞌyi̱ ta chi̱nóo ndaa ra ña sa̱ta̱ nduchu̱ no̱o̱ i̱. Ta ni̱ka̱ꞌa̱n ra xíꞌin i̱ ko̱ꞌo̱n i̱ nakata i̱ no̱o̱ i̱ xíꞌin takuií tá ñóꞌo ini pozo Siloé. Tá ndi̱ꞌi ki̱sa ndivi i̱ ñayóꞌo, ta saá va̱ꞌa tívi xíto i̱ ―káchí ra xíꞌin na.

San Juan 9:11 Iomraidhean Croise

San Lucas 13:4

¿Yukía̱ xáni si̱ni̱ ndó xa̱ꞌa̱ xa̱ꞌo̱n u̱ni̱ ni̱vi na ni̱xiꞌi̱ chi na̱kava torre ñoo Siloé sa̱ta̱ na? ¿Án xáni ini ndó na ni̱xiꞌi̱ yóꞌo xi̱kuu na ni̱vi o̱n váꞌa ní ka̱ no̱o̱ inka̱ nañoo Jerusalén?

San Juan 9:10

Ta saá ni̱nda̱ka̱ to̱ꞌon na ra, káchí na saá xíꞌin ra: ―¿Ndasaá va̱ꞌa xíto nduchu̱ no̱o̱ ún vitin? ―káchí na xíꞌin ra.

San Juan 9:12

―Ta vitin, ¿míkía̱ yóo ta̱ ke̱ꞌé saá xíꞌin ún? ―káchí na xíꞌin ra. ―O̱n vása xíni̱ i̱ ―káchí ra.

San Juan 9:27

Ta tuku nda̱kuii̱n ra, ni̱ka̱ꞌa̱n ra, káchí ra saá xíꞌin na: ―Xa nda̱to̱ꞌon ndiꞌi i̱ xíꞌin ndó ndasaá ke̱ꞌé ra xíꞌin i̱, ta o̱n xi̱in ndó kandixa ndó ña ni̱ka̱ꞌa̱n i̱. ¿Nda̱chun kóni ndó tuku inka̱ yichi̱ ndato̱ꞌon i̱ xíꞌin ndó ndasaá ke̱ꞌé ra xíꞌin i̱? ¿Án saá tuku mi̱i ndó vitin kóni ndó kundiko̱n ndó ra xíꞌin i̱? ―káchí ra xíꞌin na.