San Juan 6:62 - Alacatlatzala Mixtec New Testament

⁶² Ta saá, ¿ndasaá ka̱ ví nakaꞌnda ní ini ndó táná koto ndó yi̱ꞌi̱, ta̱a ta̱ ki̱xi no̱o̱ Ndios, ki̱vi̱ ndikó i̱ ndaa i̱ ñoyívi ni̱no no̱o̱ siꞌna ni̱xi̱yo i̱?

San Juan 6:62 Iomraidhean Croise

San Mateo 8:20

Ta nda̱kuii̱n ta̱Jesús, káchí ra saá: ―Tíñokuii kómí rí kavua̱ no̱o̱ kísi̱n rí, ta tísaa kómí rí ta̱ka̱ rí ndaꞌa̱ yito̱n no̱o̱ kísi̱n rí, ta yi̱ꞌi̱, ta̱a ta̱ ki̱xi no̱o̱ Ndios, o̱n ko̱ó veꞌe i̱ no̱o̱ ku̱su̱n i̱ ―káchí ta̱Jesús xíꞌin ra.

San Marcos 16:19

Tá ndi̱ꞌi ni̱ka̱ꞌa̱n ta̱Jesús saá xíꞌin na, ta nda̱a ra kua̱noꞌo̱ ra ñoyívi ni̱no, ta xi̱koo ra sii̱n kuaꞌá Ndios.

San Lucas 24:51

Ta ndi̱ꞌi ni̱ka̱ꞌa̱n ra ñayóꞌo, ta nda̱a ra kua̱noꞌo̱ ra ñoyívi ni̱no.

San Juan 16:28

Ke̱e i̱ no̱o̱ Yivá i̱ Ndios ta ki̱xaa̱ i̱ ñoyívi yóꞌo. Ta vitin kee i̱ ñoyívi yóꞌo ta ndikó i̱ noꞌo̱ i̱ no̱o̱ Yivá i̱ Ndios ―káchí ta̱Jesús xíꞌin naxíka xíꞌin ra.

San Juan 17:11

’Ta yi̱ꞌi̱, o̱n kóo ka̱ i̱ ñoyívi yóꞌo, chi saloꞌo ki̱vi̱ kúma̱ni̱ ta ndikó i̱ noꞌo̱ i̱ no̱o̱ mi̱i ún ñoyívi ni̱no, ta ni̱vi na ndíko̱n yi̱ꞌi̱ kundo̱o ka̱ na ñoyívi yóꞌo. Tata Yivá i̱, ta̱a ta̱ kúu ta̱ ndinoꞌo yi̱i̱, xáku ndáꞌví i̱ no̱o̱ ún ña xíꞌin nda̱yí ki̱vi̱ ún kundaa va̱ꞌa ún ni̱vi na ta̱xi ún ndaꞌa̱ i̱. Kundaa va̱ꞌa ún nayóꞌo xa̱ꞌa̱ ña ñii kuu na. Ñii ki̱ꞌva nda̱tán ñii kúu mi̱i yó, saá ná kuu nayóꞌo.

San Juan 3:13

’Nda̱ ki̱vi̱ no̱ó ta̱nda̱ ki̱vi̱ vitin o̱n ta̱ꞌán ndaa nda̱ ñii ni̱vi ñoyívi ni̱no ta noo tuku na nda̱ ñoyívi yóꞌo. Ta ndasaá kuiti yi̱ꞌi̱ kúu ñii la̱á ta̱a ta̱ ke̱e ñoyívi ni̱no no̱o̱ yóo Ndios, ta no̱o i̱ ki̱xaa̱ i̱ ñoyívi yóꞌo.

San Juan 6:27

O̱n váꞌa tá ndasaá kuiti sandiꞌi ndó ini ndó ña ndúkú ndó ña kuxu ndó, chi ñayóꞌo ña ya̱chi̱ ní táꞌyi̱ kúu ña. Ta va̱ꞌa ka̱ chikaa̱ ndó ndee̱ ña ndukú ndó inka̱ no̱o̱ ñaxíxi ña o̱n vása táꞌyi̱. Ta yi̱ꞌi̱, ta̱a ta̱ ki̱xi no̱o̱ Ndios, taxi i̱ ña kuxu ndó si̱ta̱ va̱ꞌa ña kómí ndee̱ ña taxi kutaku̱ ndinoꞌo ndó, ta nda̱ ñii ki̱vi̱ o̱n ndiꞌi xa̱ꞌa̱ ndó. Saá chi Yivá i̱ Ndios xa ta̱xi ra nda̱yí ra ndaꞌa̱ i̱ ña keꞌé i̱ saá ―káchí ta̱Jesús xíꞌin na.

San Juan 6:42

Ta ki̱xáꞌá na káꞌa̱n na xíꞌin táꞌan na, káchí na saá: ―¿Án o̱n si̱ví ta̱yóꞌo kúu ta̱Jesús sa̱ꞌya ta̱José?, chi xíni̱ va̱ꞌa yó yivá ra, xíꞌin siꞌí ra. Ta saá, ¿nda̱chun káꞌa̱n ra ke̱e ra ñoyívi ni̱no no̱o̱ yóo Ndios? ―káchí na, káꞌa̱n na xíꞌin táꞌan na.

San Juan 6:53

Ta nda̱kuii̱n ta̱Jesús, ni̱ka̱ꞌa̱n ra xíꞌin na: ―Ña ndixa nda̱a̱ kúu to̱ꞌon yóꞌo: Ni̱vi na o̱n kuxu ko̱ñu i̱ ni o̱n koꞌo na ni̱i̱ i̱, nayóꞌo ndixa o̱n kutaku̱ ndinoꞌo na.

Hechos 1:9

Ta ndi̱ꞌi ni̱ka̱ꞌa̱n ra, ta saá Ndios sa̱ndaa ra ta̱Jesús kua̱ꞌa̱n noꞌo̱ ra ñoyívi ni̱no. Ta naapóstol na ni̱yita xíꞌin ra yóꞌo, xíto na kua̱ꞌa̱n ndaa ra nda̱ ni̱no, ta̱nda̱ ni̱xaa̱ ra nda̱ no̱o̱ kánóo vi̱ko̱ yaa. Ta saá ni̱‑taxi ka̱ vi̱ko̱ yóꞌo koto na ra.

1 Pedro 3:22

Ta Jesucristo nda̱a ra kua̱noꞌo̱ ra ñoyívi ni̱no, ta yóo ra sii̱n kuaꞌá Ndios, ta xáꞌnda chiño ra no̱o̱ naángel ta xáꞌnda chiño ra no̱o̱ ndiꞌi ndee̱ ña kómí nda̱yí ñoyívi ni̱no.