San Juan 6:56 - Alacatlatzala Mixtec New Testament

⁵⁶ Ndiꞌi ni̱vi na xíxi ko̱ñu i̱ ta xíꞌi na ni̱i̱ i̱ kúu ni̱vi na ñii yóo xíꞌin i̱, ta yi̱ꞌi̱ ñii yóo i̱ xíꞌin nayóꞌo.

San Juan 6:56 Iomraidhean Croise

San Juan 14:20

Ki̱vi̱ kundivi ñayóꞌo saá, ta ndóꞌó ndixa kunda̱a̱ ini ndó ndí yi̱ꞌi̱ táku̱ i̱ ini Yivá i̱, ta ndóꞌó táku̱ ndó ini yi̱ꞌi̱, ta yi̱ꞌi̱ táku̱ i̱ ini ndóꞌó.

San Juan 14:23

Ta nda̱kuii̱n ta̱Jesús, ni̱ka̱ꞌa̱n ra xíꞌin ra: ―Ndiꞌi ni̱vi na kíꞌvi ini xíni yi̱ꞌi̱, ni̱vi yóꞌo kasa ndivi na to̱ꞌon i̱. Ta Yivá i̱ Ndios kukiꞌvi ini ra koni ra nayóꞌo, ta Yivá i̱ xíꞌin yi̱ꞌi̱ ndixa kixaa̱ ndi̱ no̱o̱ nayóꞌo, ta kutaku̱ ndi̱ xíꞌin na.

San Juan 6:55

Saá chi ko̱ñu i̱ kúu ñava̱ꞌa ndinoꞌo xíxi ni̱vi, ta ni̱i̱ i̱ kúu ñava̱ꞌa ndinoꞌo xíꞌi ni̱vi.

2 Corintios 6:16

Ta veꞌe ño̱ꞌo ñaídolo o̱n kúchiño ñii koo ña xíꞌin veꞌe ño̱ꞌo Ndios ndinoꞌo. Ta mi̱i yó nda̱tán yóo veꞌe ño̱ꞌo Ndios ta̱táku̱, saá yóo yó, chi táku̱ Níma̱ Ndios ini yó. Ta ñii xiiña no̱o̱ to̱ꞌon Ndios ña ni̱taa na xi̱na̱ꞌá, Ndios ni̱ka̱ꞌa̱n ra xa̱ꞌa̱ ni̱vi na na̱ka̱xin ra kuu nañoo ra, ka̱chí ra saá: Yi̱ꞌi̱ koo i̱ xíꞌin na ta kutaku̱ i̱ xíꞌin na; ta kuu i̱ Ndios mi̱i na, ta ni̱vi yóꞌo kuu na nañoo mi̱i i̱, saá ka̱chí Ndios.

Efesios 3:17

Ta saá xa̱ꞌa̱ ña ndáa ini ndó Jesucristo, ndixa kutaku̱ ra ini ndó ndiꞌi saá ki̱vi̱. Ta ndúkú i̱ no̱o̱ Ndios ña chindeé ra ndóꞌó ña nduu ndó ni̱vi na ndixa kíꞌvi ní ini xíni na Ndios ta ñii ki̱ꞌva saá kukiꞌvi ní ini ndó koni táꞌan ndó, chi ñayóꞌo kúu ña ndáya̱ꞌví ní ka̱ no̱o̱ ndiꞌi chiño va̱ꞌa kísa ndivi yó.

1 Juan 2:24

Ta ndóꞌó, o̱n sandakoo ndó kándixa ndó to̱ꞌon va̱ꞌa xa̱ꞌa̱ Jesucristo, ña kúu ña xi̱ni̱ so̱ꞌo ndó nda̱ ki̱vi̱ no̱ó ña ki̱xáꞌá ndó kándixa ndó ra. Ta xíꞌin ña keꞌé ndó saá, ndiꞌi saá ki̱vi̱ yóo ndó táku̱ ndó ini Jesucristo, ta̱a ta̱ kúu Sa̱ꞌya Ndios, ta ñii ki̱ꞌva saá yóo ndó táku̱ ndó ini Yivá yó Ndios.

1 Juan 3:24

Ta ndiꞌi ni̱vi na kísa ndivi ña xáꞌnda chiño Ndios, ni̱vi yóꞌo táku̱ na ini Ndios ta Ndios táku̱ ra ini ni̱vi yóꞌo. Ta ndixa kúnda̱a̱ ini yó ndí táku̱ Ndios ini yó chi ta̱xi ra Níma̱ ra ndaꞌa̱ yó, ta ndixa táku̱ Níma̱ ra ini yó.

1 Juan 4:12

Nda̱ ñii ni̱vi o̱n ta̱ꞌán koni na Ndios xíꞌin nduchu̱ no̱o̱ na, ta saá ni, tá ndixa kíꞌvi ini yó xíni táꞌan yó, ta saá Ndios yóo ra táku̱ ra ini yó, ta xíꞌin ndee̱ ra ñii ñii ki̱vi̱ mi̱i yó va̱ꞌa ka̱ kukiꞌvi ini yó koni táꞌan yó, nda̱ to̱nda̱a yó kukiꞌvi ini yó koni táꞌan yó, nda̱tán ñii ki̱ꞌva kíꞌvi ini Ndios xíni ra mi̱i yó.

Apocalipsis 3:20

¡Koto ndó! Yi̱ꞌi̱ kúu ta̱a ta̱ ñíndichi yéꞌé ndó, ta kána i̱ ndóꞌó. Ta ndóꞌó, tá xíni̱ so̱ꞌo ndó ña kána i̱ ndóꞌó, ta nakoná ndó yéꞌé, ta ka̱ꞌa̱n ndó xíꞌin i̱ ki̱ꞌvi i̱ ini veꞌe ndó, ta saá yi̱ꞌi̱ ki̱ꞌvi i̱, ta kuxu i̱ xíꞌin ndó, ta ndóꞌó kuxu ndó xíꞌin i̱.