San Juan 5:6 - Alacatlatzala Mixtec New Testament

⁶ Ta saá ki̱xaa̱ ta̱Jesús, ta xi̱ni ra ta̱ kándúꞌu̱ yóꞌo. Ta nda̱to̱ꞌon na xíꞌin ta̱Jesús ndí xa naꞌá ní ndeé ndóꞌo ta̱yóꞌo. Ta saá ta̱Jesús ni̱nda̱ka̱ to̱ꞌon ra ta̱ ndeé ndóꞌo yóꞌo, káchí ra saá xíꞌin ra: ―¿Án kóni ún nduva̱ꞌa ún no̱o̱ kue̱ꞌe̱ ndóꞌo ún?

San Juan 5:6 Iomraidhean Croise

San Lucas 18:41

―¿Yukía̱ kóni ún keꞌé i̱ xíꞌin ún? Ta nda̱kuii̱n ta̱kuáá: ―Tata, kóni i̱ sandaꞌa ún nduchu̱ no̱o̱ i̱ ta va̱ꞌa koto i̱ ―káchí ra.

San Juan 21:17

Ta ña yichi̱ u̱ni̱ ta̱Jesús ni̱nda̱ka̱ to̱ꞌon ra ta̱Simón Pedro, káchí ra saá: ―Yóꞌó ta̱Simón, sa̱ꞌya ta̱Jonás, ¿án kíꞌvi ini ún xíni ún yi̱ꞌi̱? ―káchí ra. Ta ta̱Pedro kúchuchú ní ini ra, chi u̱ni̱ yichi̱ ta̱Jesús ni̱nda̱ka̱ to̱ꞌon ñaꞌá ra, káchí ra: “¿Án ndixa kíꞌvi ini ún xíni ún yi̱ꞌi̱?” Ta saá nda̱kuii̱n ra, ni̱ka̱ꞌa̱n ra xíꞌin ta̱Jesús, káchí ra saá: ―Tata, Ta̱a ta̱Káꞌno no̱o̱ i̱ kúu ún, yóꞌó kúu ta̱a ta̱ xíni̱ ndiꞌi ña yóo ini ni̱vi, ta xíni̱ ún ña ndixa kíꞌvi ini i̱ xíni i̱ yóꞌó ―káchí ra. Ta tuku ni̱ka̱ꞌa̱n ta̱Jesús xíꞌin ra: ―Taxi ún ñava̱ꞌa ña xíni̱ ñóꞌó kixáꞌan tíndikachi sa̱na̱ i̱ ―káchí ra.

San Juan 5:5

Ta ini ñii tia̱ꞌva ña xi̱no nduu pozo yóꞌo, kándúꞌu̱ ñii ta̱a ta̱ ndeé ndóꞌo, chi o̱n ki̱ví kanda xa̱ꞌa̱ ra. Ta xa o̱ko̱ xa̱ꞌo̱n u̱ni̱ kui̱ya̱ yóo ña o̱n vása kúchiño kaka ra.

San Juan 5:7

Ta nda̱kuii̱n ta̱ kándúꞌu̱, ni̱ka̱ꞌa̱n ra: ―Tata, o̱n ko̱ó nda̱ ñii ni̱vi chindeé yi̱ꞌi̱ ña kuchiño ki̱ꞌvi i̱ ini takuií. Saá chi ki̱vi̱ kíxaa̱ ñaángel sákanda ña takuií, ta yi̱ꞌi̱ ndúkú ndeé i̱ ki̱ꞌvi i̱ ini takuií, ta o̱n ta̱ꞌán ka̱ xaa̱ i̱, ta inka̱ ni̱vi ya̱chi̱ ka̱ kíꞌvi na ini takuií no̱o̱ i̱ ―káchí ra xíꞌin ta̱Jesús.

Hebreos 4:13

Nda̱ ñii ña ki̱sa va̱ꞌa Ndios ñoyívi yóꞌo o̱n ki̱ví koo seꞌé ña no̱o̱ ra, chi va̱ꞌa xíto káxín ra ndiꞌi ña ku̱va̱ꞌa. Ndiꞌi ña yóo ñoyívi tívi káxín ña no̱o̱ ra, ta ñii ki̱vi̱ kuita yó no̱o̱ ra nataxi yó kuenda xa̱ꞌa̱ ndiꞌi ña ke̱ꞌé yó ñoyívi yóꞌo.

Hebreos 4:15

Ta mi̱i Jesucristo ta̱su̱tu̱ káꞌno no̱o̱ yó, kúndáꞌví ini ra xíni ra mi̱i yó, chi kúu yó ni̱vi na vitá ní ini no̱o̱ ña o̱n váꞌa. Ta Jesucristo kúnda̱a̱ ini ra ndasaá ndóꞌo yó, chi ñii ki̱ꞌva nda̱tán kua̱ꞌa̱ ní ña o̱n váꞌa ta ña yo̱ꞌvi̱ ní xíto ndoso ña mi̱i yó vitin ña nakava yó keꞌé yó ña o̱n váꞌa, saá xi̱to ndoso ña mi̱i Jesucristo kui̱ya̱ xi̱na̱ꞌá. Ta saá ni, Jesucristo nda̱ ñii ki̱vi̱ o̱n vása ní‑nakava ra keꞌé ra ña o̱n váꞌa.