San Juan 5:46 - Alacatlatzala Mixtec New Testament

⁴⁶ Saá chi kui̱ya̱ xi̱na̱ꞌá ta̱Moisés ni̱taa ra to̱ꞌon Ndios xa̱ꞌa̱ i̱, ta o̱n vása kándixa ndó to̱ꞌon yóꞌo. Tá ndixa ndinoꞌo ini ndó kandixa ndó to̱ꞌon ña ni̱taa ta̱Moisés, níkúu, ta saá kuchiño kandixa ndó yi̱ꞌi̱.

San Juan 5:46 Iomraidhean Croise

San Lucas 24:27

Ta saá ki̱xáꞌá ta̱Jesús xíꞌin to̱ꞌon Ndios ña ni̱taa ta̱Moisés xi̱na̱ꞌá, ta sa̱náꞌa ra xa̱ꞌa̱ to̱ꞌon ña ni̱taa ndiꞌi inka̱ naprofeta. Nda̱to̱ꞌon káxín ra xíꞌin na yukía̱ káchí ndiꞌi to̱ꞌon Ndios yóꞌo xa̱ꞌa̱ mi̱i ra.

San Juan 1:45

Ta saá ta̱Felipe ke̱e ra kua̱ꞌa̱n ra nándukú ra ta̱Natanael. Tá na̱níꞌi ñaꞌá ra, ta ni̱ka̱ꞌa̱n ra xíꞌin ra, káchí ra saá: ―Xa na̱kutáꞌan ndi̱ xíꞌin ñii ta̱a ta̱ kúu ta̱ ndáti yó chi kui̱ya̱ xi̱na̱ꞌá ta̱Moisés xíꞌin inka̱ naprofeta ni̱taa na xa̱ꞌa̱ ta̱yóꞌo. Ta̱Jesús sa̱ꞌya ta̱José kúu ra, ta kúu ra ta̱ñoo Nazaret ―saá ni̱ka̱ꞌa̱n ta̱Felipe xíꞌin ta̱Natanael.

San Juan 5:47

Tá o̱n vása kúchiño ndó kandixa ndó to̱ꞌon ña ni̱taa ta̱Moisés, ta saá, ¿ndasaá kuchiño kandixa ndó to̱ꞌon ña káꞌa̱n i̱ xíꞌin ndó vitin? ―káchí ta̱Jesús xíꞌin na.

Hechos 26:22

Ta Ndios ndixa chi̱ndeé ra yi̱ꞌi̱, ta saá nda̱ ki̱vi̱ vitin táku̱ ka̱ i̱, ta káꞌa̱n ndoso i̱ to̱ꞌon va̱ꞌa xa̱ꞌa̱ ta̱Jesús no̱o̱ ndiꞌi ni̱vi. Án nakuíká kúu na, án nandáꞌví kúu na, ta kuiti káꞌa̱n i̱ xíꞌin na to̱ꞌon va̱ꞌa ña ñii yóo yuꞌú xíꞌin to̱ꞌon Ndios ña ni̱taa ta̱Moisés xíꞌin inka̱ naprofeta kui̱ya̱ xi̱na̱ꞌá.

Romanos 10:4

Ndiꞌi nda̱yí ña xa̱ꞌnda chiño Ndios no̱o̱ naIsrael xi̱na̱ꞌá, xa ku̱ndivi ña xíꞌin ña ke̱ꞌé Jesucristo ki̱vi̱ ni̱xiꞌi̱ ra ta na̱taku̱ ra. Ta saá ndiꞌi ni̱vi na kúu na kándixa Jesucristo, Ndios sánduu ra ni̱vi yóꞌo nandii na o̱n ko̱ó kua̱chi ndíso no̱o̱ ra.

Gálatas 2:19

Táꞌan mi̱i ña ni̱xika ka̱ i̱ chíkaa̱ ní i̱ ndee̱ ña kísa ndivi i̱ nda̱yí najudío, ta saá ki̱xáꞌá i̱ nakoni i̱ ndí nda̱yí yóꞌo o̱n vása kómí ña ndee̱ taxi ña kutaku̱ ndinoꞌo i̱. Ta saá sa̱ndakoo i̱ kísa ndivi i̱ ndiꞌi nda̱yí najudío, ta vitin yóo i̱ nda̱tán yóo ta̱a ta̱ ni̱xiꞌi̱ no̱o̱ nda̱yí yóꞌo, chi o̱n vása xáꞌnda chiño ka̱ ña no̱o̱ i̱. Yi̱ꞌi̱ ni̱xiꞌi̱ i̱ no̱o̱ nda̱yí yóꞌo xa̱ꞌa̱ ña kuchiño va̱ꞌa kutaku̱ i̱ no̱o̱ Ndios, ta vitin táku̱ i̱ xa̱ꞌa̱ ña sakusii̱ i̱ ini Ndios.

Gálatas 3:10

Ta ndiꞌi ni̱vi na xáni si̱ni̱ ndí xa̱ꞌa̱ ña kísa ndivi na nda̱yí ña ni̱taa ta̱Moisés, nduu na ni̱vi na ndii na o̱n ko̱ó kua̱chi kuiso no̱o̱ Ndios, ta ndiꞌi ni̱vi na xáni si̱ni̱ saá kúu ni̱vi na ndíso chiꞌña. Saá chi to̱ꞌon Ndios ña ni̱taa ta̱Moisés xi̱na̱ꞌá káchí ña saá: “Ni̱vi na ndíso chiꞌña kúu ni̱vi na ni̱‑kuchiño to̱nda̱a kasa ndivi ndiꞌi saá nda̱yí Ndios”, káchí to̱ꞌon Ndios.

Gálatas 3:13

Ta Jesucristo kúu ta̱a ta̱ sa̱ka̱ku mi̱i yó no̱o̱ ña xi̱kuu yó ni̱vi na xi̱ndiso chiꞌña xa̱ꞌa̱ ña o̱n vása ní‑kuchiño yó to̱nda̱a yó kasa ndivi yó ndiꞌi saá nda̱yí Ndios. Saá chi mi̱i Jesucristo sa̱kuiso xíꞌin mi̱i ra chiꞌña ña xi̱ndiso yó ta yo̱ꞌvi̱ ní ni̱xo̱ꞌvi̱ ra xa̱ꞌa̱ kua̱chi yó. Chi yóo to̱ꞌon Ndios ña ni̱taa na xi̱na̱ꞌá ña káchí saá: “Na ndíso chiꞌña kúu ndiꞌi ni̱vi na tákaa̱ ndaꞌa̱ tón yito̱n”, káchí to̱ꞌon Ndios.

Gálatas 3:24

Ta saá tuku nda̱yí Ndios ña ni̱taa ta̱Moisés, yóo ña nda̱tán yóo ñii ta̱a ta̱ ndíso chiño xíꞌin naválí xa̱ꞌa̱ ña ndáa ra na, ta sánáꞌa ra na ña vivíi va̱xi kuaꞌno na, ta̱nda̱ to̱nda̱a na nduu na ni̱vi náꞌno. Ñii ki̱ꞌva saá nda̱yí xi̱kuu ña xi̱ndiso chiño xíꞌin yó ta xi̱niꞌi ña yichi̱ yó nda̱ ni̱to̱nda̱a yó ña ka̱ndixa yó Jesucristo ta ni̱ki̱ꞌvi yó yichi̱ ra. Chi xa̱ꞌa̱ ña kándixa yó Jesucristo kúu ña Ndios sa̱nduu ra mi̱i yó ni̱vi na ndii na va̱ꞌa yóo xíꞌin ra.