San Juan 5:4 - Alacatlatzala Mixtec New Testament

⁴ Saá chi nda̱ ama ví yóo ki̱vi̱ ña ñii ñaángel ña ke̱e no̱o̱ Ndios nóo ña, ta kíxaa̱ ña sákanda ña takuií pozo yóꞌo. Ta saá ndiꞌi ni̱vi na ndeé ndóꞌo nákundeé na ña xaa̱ na no̱o̱ yóo pozo, ta ñii ni̱vi na siꞌna kúchiño noo nda̱ yuꞌu̱ takuií ta kíꞌvi na ini takuií pozo, ta xa̱ndi̱ko̱n ndúva̱ꞌa ni̱vi yóꞌo.

San Juan 5:4 Iomraidhean Croise

San Mateo 11:12

Ta ni̱ka̱ꞌa̱n tuku ra saá xíꞌin na: ―Nda̱ ki̱vi̱ ki̱xáꞌá ta̱Juan káꞌa̱n ndoso ra to̱ꞌon Ndios ta̱nda̱ vitin, yóo ni̱vi na chíkaa̱ ndee̱ ndiva̱ꞌa ña sandiꞌi na xa̱ꞌa̱ yichi̱ Ndios.

San Mateo 6:33

Ta mi̱i ndó, ndinoꞌo ini ndó ná kundiko̱n ndó yichi̱ no̱o̱ xáꞌnda chiño Ndios, ta kasa ndivi ndó ndiꞌi ña kóni mi̱i ra, ta ndixa Ndios taxi ndiꞌi ra ña xíni̱ ñóꞌó ndaꞌa̱ ndó.

San Lucas 13:24

―Yéꞌé no̱o̱ ki̱ꞌvi ni̱vi yichi̱ Ndios táñó ní ña, ña̱kán xíni̱ ñóꞌó ndixa xaꞌa ndó ndee̱ ña ki̱ꞌvi ndó. Saá chi ki̱vi̱ ña va̱xi kua̱ꞌa̱ ní ni̱vi ndukú na ki̱ꞌvi na, ta o̱n kuchiño ka̱ ki̱ꞌvi na.

San Lucas 16:16

Ta ni̱ka̱ꞌa̱n ka̱ ta̱Jesús, káchí ra saá: ―Ki̱vi̱ ki̱xaa̱ ta̱Juan ta̱ sákuchu ni̱vi, xa yóo nda̱yí Ndios ña ni̱taa ta̱Moisés xi̱na̱ꞌá, xa yóo to̱ꞌon Ndios ña ni̱taa naprofeta. Ta saá ki̱xáꞌá káꞌa̱n ndoso i̱ to̱ꞌon ñava̱ꞌa xa̱ꞌa̱ yichi̱ ña xáꞌnda chiño Ndios, ta ndiꞌi ni̱vi chíkaa̱ na ndee̱ ña kua̱n ki̱ꞌvi na yichi̱ yóꞌo.

San Juan 5:3

Ta ndiꞌi saá ki̱vi̱ kua̱ꞌa̱ ní ni̱vi na ndeé ndóꞌo ndóo na ini tia̱ꞌva yóꞌo. Nayóꞌo kúu ni̱vi nakuáá xíꞌin ni̱vi na yo̱ꞌvi̱ ní xíka, xíꞌin ni̱vi na o̱n ki̱ví kanda. Ta nayóꞌo yóo na ndáti na kixáꞌá kanda takuií pozo, chi kóni na ki̱ꞌvi na ini takuií yóꞌo xa̱ꞌa̱ ña nduva̱ꞌa na no̱o̱ kue̱ꞌe̱ ndóꞌo na.

San Juan 5:5

Ta ini ñii tia̱ꞌva ña xi̱no nduu pozo yóꞌo, kándúꞌu̱ ñii ta̱a ta̱ ndeé ndóꞌo, chi o̱n ki̱ví kanda xa̱ꞌa̱ ra. Ta xa o̱ko̱ xa̱ꞌo̱n u̱ni̱ kui̱ya̱ yóo ña o̱n vása kúchiño kaka ra.

San Juan 5:7

Ta nda̱kuii̱n ta̱ kándúꞌu̱, ni̱ka̱ꞌa̱n ra: ―Tata, o̱n ko̱ó nda̱ ñii ni̱vi chindeé yi̱ꞌi̱ ña kuchiño ki̱ꞌvi i̱ ini takuií. Saá chi ki̱vi̱ kíxaa̱ ñaángel sákanda ña takuií, ta yi̱ꞌi̱ ndúkú ndeé i̱ ki̱ꞌvi i̱ ini takuií, ta o̱n ta̱ꞌán ka̱ xaa̱ i̱, ta inka̱ ni̱vi ya̱chi̱ ka̱ kíꞌvi na ini takuií no̱o̱ i̱ ―káchí ra xíꞌin ta̱Jesús.

1 Corintios 6:11

Táꞌan siꞌna ña o̱n ta̱ꞌán kandixa ndó Jesucristo, sava ndóꞌó xi̱kuu ndó ni̱vi xi̱taku̱ ke̱ꞌé ña o̱n váꞌa yóꞌo. Ta vitin ni̱vi na ndii kúu ndó no̱o̱ Ndios, chi Jesucristo xa na̱kata ra kua̱chi ndó, ta xíꞌin ndee̱ Jesucristo Ta̱a ta̱Káꞌno no̱o̱ yó, ta xíꞌin ndee̱ Níma̱ Ndios, ndu̱u ndó ni̱vi na ndii, ta va̱ꞌa nákutáꞌan ndó xíꞌin Ndios vitin.

1 Juan 1:7

Yichi̱ Ndios kúu ñava̱ꞌa ñanda̱a̱ no̱o̱ yéꞌe ñoꞌo̱ ña káku no̱o̱ ra. Ta saá tá vivíi ndíko̱n yó yichi̱ Ndios no̱o̱ yéꞌe ñoꞌo̱ ña káku no̱o̱ ra, ta saá ndixa vivíi táku̱ yó xíꞌin táꞌan yó, ta ndixa ni̱i̱ Jesucristo nákata ña ndiꞌi kua̱chi yó.