San Juan 3:9 - Alacatlatzala Mixtec New Testament

⁹ Ta ta̱Nicodemo ni̱nda̱ka̱ to̱ꞌon ra ta̱Jesús, káchí ra saá: ―¿Ndasaá kuchiño koo ña káꞌa̱n ún xa̱ꞌa̱, tata?

San Juan 3:9 Iomraidhean Croise

San Lucas 1:34

Ta saá nda̱kuii̱n ñáMaría: ―¿Ta ndasaá koo ñayóꞌo?, chi nda̱ ñii ta̱a o̱n ta̱ꞌán to̱nda̱a yi̱ꞌi̱ ―káchí ñá xíꞌin ñaángel.

San Juan 3:10

Ta nda̱kuii̱n ta̱Jesús, ni̱ka̱ꞌa̱n ra xíꞌin ra: ―Yóꞌó kúu ta̱maestro ta̱káꞌno no̱o̱ nañoo Israel. ¿Nda̱chun o̱n vása kúnda̱a̱ ini ún ña káꞌa̱n i̱ xíꞌin ún?

San Juan 3:4

Ta saá ta̱Nicodemo ni̱nda̱ka̱ to̱ꞌon tuku ra ta̱Jesús, ni̱ka̱ꞌa̱n ra: ―¿Ndasaá kuchiño keꞌé ñii ta̱xi̱kua̱ꞌa̱ ña tuku kaku ra?, chi o̱n kuchiño ndikó tuku ra ndi̱ꞌvi ra ti̱xin siꞌí ra ta kaku ra inka̱ yichi̱ ―káchí ra.

San Juan 3:8

Nda̱tán yóo ta̱chi̱ saá yóo Níma̱ Ndios, chi ta̱chi̱ xíka ña yóꞌo ta xíka ña kaa̱, ta o̱n vása xíni̱ yó míchí va̱xi ña, ni o̱n vása xíni̱ yó míchí kua̱ꞌa̱n ña. Ndasaá kuiti xíni̱ so̱ꞌo yó mí níꞌi̱ ña. Ñii ki̱ꞌva saá yóo ña xíꞌin ni̱vi na ka̱ku xa̱á xíꞌin ndee̱ Níma̱ Ndios. Saá chi o̱n kúchiño koto yó ndasaá kísa chiño Níma̱ Ndios ini ni̱vi yóꞌo ―káchí ta̱Jesús xíꞌin ta̱Nicodemo.

San Juan 6:52

Tá najudío na ndóo yóꞌo xi̱ni̱ so̱ꞌo na to̱ꞌon yóꞌo, ta saá ki̱xáꞌá na náa na xíꞌin táꞌan na, chi o̱n vása kúnda̱a̱ ini na to̱ꞌon ni̱ka̱ꞌa̱n ta̱Jesús. Ta ni̱ka̱ꞌa̱n na, káchí na saá: ―¿Ndasaá keꞌé ta̱yóꞌo ña taxi ra ko̱ñu ra kuxu yó? ―káchí na.

San Juan 6:60

Tá xi̱ni̱ so̱ꞌo na ndiꞌi to̱ꞌon ña ni̱ka̱ꞌa̱n ta̱Jesús yóꞌo, ta kua̱ꞌa̱ ní ni̱vi na ndíko̱n sa̱ta̱ ra, ki̱xáꞌá na káꞌa̱n táꞌan na, káchí na saá: ―To̱ꞌon yóꞌo yo̱ꞌvi̱ ní ña. ¿Yu kúu ni̱vi kuchiño kandixa na to̱ꞌon yóꞌo? ―káchí na xíꞌin táꞌan na.