San Juan 21:6 - Alacatlatzala Mixtec New Testament

⁶ Ta saá ni̱ka̱ꞌa̱n tuku ta̱Jesús xíꞌin na, káchí ra: ―Sakana niꞌni ndó ñono̱ ini takuií, chí sii̱n kuaꞌá tón barco, ta saá tava ndó tia̱ká ―káchí ra xíꞌin na. Tá ke̱ꞌé na saá, nda̱tán ni̱ka̱ꞌa̱n ra xíꞌin na, ta kua̱ꞌa̱ ní tia̱ká chútú ini ñono̱, ta o̱n vása ní‑kundeé na tava na ñono̱, chi kua̱ꞌa̱ ní tia̱ká ñóꞌo ini ña.

San Juan 21:6 Iomraidhean Croise

San Mateo 7:27

Ta ndeé ní kóon sa̱vi̱, ta xáꞌno ní yu̱ta, ta̱nda̱ xa̱ꞌa̱ veꞌe ta̱yóꞌo ndeé ní káni takuií, ta ndeé ní káni ta̱chi̱ veꞌe yóꞌo, ta saá o̱n vása ní‑kundeé ña, ta na̱kava ña ta ndi̱ꞌi xa̱ꞌa̱ ña ―káchí ta̱Jesús xíꞌin ni̱vi.

San Juan 2:5

Ta saá ni̱ka̱ꞌa̱n ñá xíꞌin ni̱vi na kísa chiño no̱o̱ na káꞌa̱n viko̱ yóꞌo, káchí ñá saá xíꞌin na: ―Ndiꞌi ña kaꞌnda chiño sa̱ꞌya i̱ no̱o̱ ndó, va̱ꞌa kasa ndivi ndó ña ―káchí siꞌí ta̱Jesús xíꞌin na kísa chiño viko̱ yóꞌo.

Hechos 2:41

Ta saá mi̱i ki̱vi̱ nda̱to̱ꞌon ta̱Pedro saá xíꞌin na, ta ñii u̱ni̱ mil ni̱vi ka̱ndixa na to̱ꞌon ña ni̱ka̱ꞌa̱n ra xíꞌin na. Ta saá chi̱chi na xíꞌin takuií chi ka̱ndixa na ta̱Jesús, ta chi̱kaa̱ ini na kundiko̱n na yichi̱ ra. Ta xíꞌin ni̱vi yóꞌo, ndu̱u kua̱ꞌa̱ ní ka̱ ni̱vi na kándixa ta̱Jesús.

Hechos 4:4

Ta saá ni, xa kua̱ꞌa̱ ní ni̱vi kúu na xi̱ni̱ so̱ꞌo to̱ꞌon ña ni̱ka̱ꞌa̱n ta̱Pedro, ta ni̱vi yóꞌo ki̱xáꞌá na kándixa na ta̱Jesús. Ta saá xa̱ꞌno tiꞌvi ni̱vi na kándixa ta̱Jesús, ta ni̱to̱nda̱a o̱ꞌo̱n mil kúu nata̱a na xa ka̱ndixa.