San Juan 20:9 - Alacatlatzala Mixtec New Testament

⁹ Ta ki̱vi̱ yóꞌo nata̱a na ni̱xika xíꞌin ta̱Jesús o̱n ta̱ꞌán kunda̱a̱ ini na to̱ꞌon Ndios ña ni̱taa na xi̱na̱ꞌá ña káchí ndí xíni̱ ñóꞌó kivi̱ ta̱Jesús, ta saá nataku̱ ra, káchí to̱ꞌon yóꞌo.

San Juan 20:9 Iomraidhean Croise

San Mateo 22:29

Ta nda̱kuii̱n ta̱Jesús, káchí ra saá xíꞌin na: ―Sándáꞌví xíꞌin mi̱i ndó, chi naa ní ini ndó, o̱n vása kúnda̱a̱ ini ndó ña káꞌa̱n to̱ꞌon Ndios, ni o̱n vása kúnda̱a̱ ini ndó ña kúu ndee̱ Ndios.

San Lucas 24:26

¿Án o̱n ndixa naprofeta ka̱chí na ndí Cristo ta̱ tiꞌví Ndios xíni̱ ñóꞌó xo̱ꞌvi̱ ní ra, ta ki̱vi̱ kundivi ñayóꞌo, ta ki̱ꞌvi ra no̱o̱ kaꞌnda chiño ra, ta kasa káꞌno ní na ra? ―káchí ta̱Jesús xíꞌin na.

San Lucas 9:45

Ta naxíka xíꞌin ra o̱n vása ní‑kunda̱a̱ ini na yukía̱ káchí to̱ꞌon ña ni̱ka̱ꞌa̱n ra xíꞌin na, saá chi o̱n vása ní‑taxi ya̱chi̱ Ndios ña kunda̱a̱ ini na. Ta yíꞌví ní na nda̱ka̱ to̱ꞌon na ra yukía̱ kóni kachí ña káꞌa̱n ra.

San Juan 2:22

Ta naxíka xíꞌin ta̱Jesús o̱n vása kúnda̱a̱ ini na ñayóꞌo, ta̱nda̱ ki̱xaa̱ ki̱vi̱ ña ni̱xiꞌi̱ ta̱Jesús ta ti̱xin ña u̱ni̱ ki̱vi̱ na̱taku̱ ra, ta̱nda̱ saá na̱káꞌán na to̱ꞌon yóꞌo, ta ka̱ndixa na to̱ꞌon Ndios ña ni̱taa na xi̱na̱ꞌá, ta ka̱ndixa na to̱ꞌon ña ni̱ka̱ꞌa̱n ta̱Jesús xi̱ni̱ so̱ꞌo na vitin.

Hechos 17:3

Ta̱Pablo na̱ndaxin ra to̱ꞌon Ndios yóꞌo no̱o̱ na, káchí ra saá: ―To̱ꞌon Ndios ña ni̱taa naprofeta xi̱na̱ꞌá, káchí ña xa̱ꞌa̱ ta̱a ta̱ kúu Cristo, ta̱a ta̱ tiꞌví Ndios ña saka̱ku ra ni̱vi. Ta naprofeta yóꞌo káꞌa̱n káxín na ndí ta̱a ta̱ kúu Cristo xíni̱ ñóꞌó kivi̱ ra, ta saá nataku̱ ra. Ta vitin yi̱ꞌi̱ káꞌa̱n ndoso i̱ no̱o̱ ndó ndí ta̱Jesús, ta̱a ta̱ ndáto̱ꞌon i̱ xíꞌin ndó xa̱ꞌa̱, ndixa kúu ra Cristo, ta̱a ta̱ xi̱ndati yó ña tiꞌví Ndios kixaa̱ ra ñoyívi ―káchí ta̱Pablo xíꞌin ni̱vi yóꞌo na kúu na nákutáꞌan veꞌe ño̱ꞌo sinagoga.

Hechos 2:24

Ta Ndios ni̱‑taxi ra ña kindo̱o ta̱Jesús kuu ra ta̱ndi̱í ndiꞌi saá ki̱vi̱, ta saá Ndios sa̱nataku̱ ñaꞌá ra. Ndee̱ ña xáꞌni ni̱vi ni̱‑kuchiño kundeé ña no̱o̱ ta̱Jesús, saá chi loꞌo kuiti ki̱vi̱ xi̱kuu ra ta̱a ta̱ ni̱xiꞌi̱, ta saá na̱taku̱ ra.

1 Corintios 15:4

ta sa̱ndúxu̱n na yi̱kí ko̱ñu ra, ta ti̱xin ña u̱ni̱ ki̱vi̱, na̱taku̱ ra. Ndiꞌi ñayóꞌo ki̱sa ndivi ña ña káchí to̱ꞌon Ndios ña ni̱taa na xi̱na̱ꞌá.