San Juan 20:13 - Alacatlatzala Mixtec New Testament

¹³ Ta ni̱ka̱ꞌa̱n naángel xíꞌin ñáMaría Magdalena, káchí na saá: ―Nana, ¿nda̱chun xáku ún? ―káchí na xíꞌin ñá. Ta nda̱kuii̱n ñá, ni̱ka̱ꞌa̱n ñá: ―Ni̱vi na̱kiꞌin na yi̱kí ko̱ñu Ta̱a ta̱Káꞌno no̱o̱ i̱, ta o̱n vása xíni̱ i̱ míchí ni̱xa̱ꞌa̱n na chi̱nóo na ña ―káchí ñá.

San Juan 20:13 Iomraidhean Croise

San Lucas 24:17

Ta ta̱Jesús ni̱nda̱ka̱ to̱ꞌon ñaꞌá ra: ―¿Yu kúu ña ndáto̱ꞌon ndó xa̱ꞌa̱, kua̱ꞌa̱n ndó yichi̱ yóꞌo? Ta, ¿nda̱chun kúchuchú ní ini ndó? ―káchí ta̱Jesús xíꞌin na.

San Juan 19:26

Tá ta̱Jesús xi̱ni ra siꞌí ra ñíndichi ñá yóꞌo ta xi̱ni ra ñii ta̱xíka xíꞌin ra, ta̱ kúu ta̱a ta̱ kíꞌvi ní ini ra xíni ra. Ta saá ta̱Jesús ni̱ka̱ꞌa̱n ra xíꞌin siꞌí ra, káchí ra saá: ―Nana, ta̱yóꞌo kuu sa̱ꞌya ún ―káchí ra xíꞌin ñá.

San Juan 2:4

Ta nda̱kuii̱n ta̱Jesús, káchí ra saá xíꞌin siꞌí ra: ―¿Nda̱chun ndáto̱ꞌon ún tondíni yóꞌo xíꞌin i̱, nana?, chi o̱n ta̱ꞌán to̱nda̱a hora ña chi̱tóni̱ Ndios ña kasa ndivi i̱ chiño náꞌno ―káchí ta̱Jesús xíꞌin siꞌí ra.

San Juan 20:15

Ta ni̱ka̱ꞌa̱n ra xíꞌin ñá, káchí ra saá: ―Nana, ¿nda̱chun xáku ún? ¿Yu kúu na nándukú ún? ―káchí ra xíꞌin ñá. Ta xáni si̱ni̱ ñá ta̱yóꞌo kúu ta̱a ta̱ ndáa jardín, ta ni̱ka̱ꞌa̱n ñá xíꞌin ra: ―Tata, ¿án yóꞌó kúu ta̱a ta̱ na̱kiꞌin yi̱kí ko̱ñu ta̱ ni̱ndu̱xu̱n yóꞌo?, ta ka̱ꞌa̱n ún xíꞌin i̱ míchí ni̱xa̱ꞌa̱n ún chi̱nóo ún ña, ta ko̱ꞌo̱n i̱ nakiꞌin i̱ ña ta sandúxu̱n i̱ ña ―káchí ñá xíꞌin ra.

San Juan 20:2

Ta saá ndi̱kó ñá, xíno ñá kua̱noꞌo̱ ñá ndato̱ꞌon ñá xíꞌin ta̱Simón Pedro xíꞌin inka̱ ta̱a ta̱ ni̱xika xíꞌin ta̱Jesús. Ta ta̱yóꞌo kúu ta̱a ta̱ kíꞌvi ní ini ta̱Jesús xíni ra. Ta ni̱ka̱ꞌa̱n ñáMaría Magdalena xíꞌin o̱vi̱ na saá: ―Ni̱vi xa ni̱tava na yi̱kí ko̱ñu Ta̱a ta̱Káꞌno no̱o̱ yó, o̱n ko̱ó ka̱ ña yóo no̱o̱ ni̱ndu̱xu̱n ra. Ta o̱n vása xíni̱ ndi̱ míchí ni̱xa̱ꞌa̱n na chi̱nóo na ña ―káchí ñá xíꞌin o̱vi̱ ta̱yóꞌo.

Hechos 21:13

Ta nda̱kuii̱n ta̱Pablo, káchí ra saá: ―¿Nda̱chun xáku ní ndó?, chi ña xíto i̱ xáku ndó saá, kúchuchú ní ini i̱. Ta yi̱ꞌi̱, xa yóo tiꞌva i̱ ña chikoꞌni na yi̱ꞌi̱, ta̱nda̱ kaꞌni na yi̱ꞌi̱ ñoo Jerusalén, saá chi ndixa xa yóo tiꞌva i̱ kivi̱ i̱ xa̱ꞌa̱ ta̱Jesús, Ta̱a ta̱Káꞌno no̱o̱ yó ―káchí ta̱Pablo xíꞌin ndi̱.