San Juan 19:15 - Alacatlatzala Mixtec New Testament

¹⁵ Ta nda̱kuii̱n na xíꞌin ndiꞌi ndee̱ na, ni̱ka̱ꞌa̱n na, káchí na saá: ―¡Ná kivi̱ ra! ¡Ná kivi̱ ra! ¡Katakaa̱ ndaa ún ra ndaꞌa̱ tón cruz! ―káchí na. Ta ta̱Pilato ni̱nda̱ka̱ to̱ꞌon ra na, káchí ra saá: ―¿Án kóni ndó yi̱ꞌi̱ katakaa̱ ndaa i̱ ta̱Rey no̱o̱ ndó ndaꞌa̱ tón cruz? ―káchí ra xíꞌin na. Ta nda̱kuii̱n nasu̱tu̱ náꞌno, káchí na saá: ―Ñii la̱á rey no̱o̱ ndi̱ kúu ta̱rey César ―káchí na.

San Juan 19:15 Iomraidhean Croise

San Mateo 22:17

Ta saá ka̱ꞌa̱n ún yukía̱ xáni ini ún. ¿Án va̱ꞌa chaꞌvi yó kota no̱o̱ ta̱rey César ñoo Roma? ¿Án o̱n váꞌa chaꞌvi yó ña? ―káchí na xíꞌin ra.

San Lucas 23:18

Ta nda̱ ñii ni̱vi ni̱‑xiin na saña ra ta̱Jesús, ta ñii yuꞌú kúu ndiꞌi ni̱vi yóꞌo, káchí na saá: ―¡Ná kivi̱ ta̱yóꞌo! ¡Va̱ꞌa saña ún ta̱Barrabás ko̱ꞌo̱n ndíka̱ ra! ―káchí na.

San Juan 18:31

Ta nda̱kuii̱n ta̱Pilato, ni̱ka̱ꞌa̱n ra saá: ―Va̱ꞌa ka̱ nakiꞌin ndó ra ko̱ꞌo̱n ra xíꞌin ndó ña kasa nani mi̱i ndó xa̱ꞌa̱ kua̱chi ra, nda̱tán yóo nda̱yí mi̱i ndó najudío ―káchí ra xíꞌin na. Ta nda̱kuii̱n najudío, ni̱ka̱ꞌa̱n na: ―Ta̱Jesús yóꞌo xíni̱ ñóꞌó kivi̱ ra, ta mi̱i ndi̱ najudío, o̱n vása kómí ndi̱ nda̱yí taxi ndi̱ kivi̱ ni̱vi na kómí kua̱chi, chi ndasaá kuiti nachiño ñoo Roma kúu na kómí nda̱yí taxi ña kivi̱ ni̱vi na kómí kua̱chi ―káchí na xíꞌin ta̱Pilato.

San Juan 19:6

Tá nasu̱tu̱ náꞌno xíꞌin na ndáa veꞌe ño̱ꞌo xi̱to na ñíndichi ta̱Jesús, ta xíꞌin ndiꞌi ndee̱ na, ni̱ka̱ꞌa̱n na, káchí na saá: ―¡Katakaa̱ ndaa ún ra ndaꞌa̱ tón cruz! ¡Katakaa̱ ndaa ún ra ndaꞌa̱ tón cruz! ―káchí na, káꞌa̱n na xíꞌin ndiꞌi ndee̱ na. Ta nda̱kuii̱n ta̱Pilato, ni̱ka̱ꞌa̱n ra xíꞌin na: ―Ndóꞌó, ná kiꞌin mi̱i ndó ra, ta ná ko̱ꞌo̱n ra xíꞌin ndó, ta katakaa̱ ndaa ndó ra ndaꞌa̱ tón cruz. Saá chi yi̱ꞌi̱, nda̱ ñii kua̱chi ni̱‑kuchiño naníꞌi i̱ kómí ra ―káchí ra xíꞌin na.

Hechos 13:28

Vará o̱n vása ní‑naníꞌi na kua̱chi ta̱Jesús ña taxi kaꞌni na ra, ta ndu̱kú na no̱o̱ ta̱gobernador Pilato taxi ra nda̱yí ndaꞌa̱ na ña kaꞌni na ta̱Jesús.

Hechos 21:36

Ta ni̱vi yóꞌo xíꞌin ndiꞌi ndee̱ na síso̱ na, ndáꞌyi na, káchí na saá: ―¡Ñii yichi̱ ná kivi̱ ra! ¡Ná kivi̱ ra! ―káchí na, ndáꞌyi na.

Hechos 22:22

Tá ni̱vi na na̱kutáꞌan yóꞌo xi̱ni̱ so̱ꞌo na to̱ꞌon yóꞌo ña ni̱ka̱ꞌa̱n ta̱Pablo xa̱ꞌa̱ ni̱vi na o̱n vása kúu najudío, ta o̱n vása ní‑xiin ka̱ na koni̱ so̱ꞌo na to̱ꞌon káꞌa̱n ra, ta ki̱xáꞌá na sáa̱ ní ini na. Ta ñii síso̱ na ndáꞌyi na, káchí na saá: ―¡Ná kivi̱ ta̱yóꞌo! ¡O̱n vása va̱ꞌa ña kutaku̱ ka̱ ra ñoyívi yóꞌo! ―káchí na, ndáꞌyi na.