San Juan 18:34 - Alacatlatzala Mixtec New Testament

³⁴ Ta nda̱kuii̱n ta̱Jesús: ―¿Án káku to̱ꞌon yóꞌo si̱ni̱ mi̱i ún ña káꞌa̱n ún xíꞌin i̱ saá? ¿Án káku to̱ꞌon yóꞌo si̱ni̱ inka̱ ni̱vi, ta xi̱ni̱ so̱ꞌo ún ña, ta saá káꞌa̱n ún xíꞌin i̱? ―káchí ta̱Jesús xíꞌin ra.

San Juan 18:34 Iomraidhean Croise

San Juan 18:33

Ta saá ta̱Pilato ndi̱kó ra ni̱ki̱ꞌvi ra ini veꞌe ra, ta xa̱ꞌnda chiño ra ná kixi ta̱Jesús no̱o̱ ra. Ta saá ki̱xaa̱ ta̱Jesús no̱o̱ ra, ta ni̱nda̱ka̱ to̱ꞌon ñaꞌá ra, káchí ra saá: ―¿Án ndixa yóꞌó kúu ún Rey no̱o̱ najudío? ―káchí ra xíꞌin ra.

San Juan 18:35

Ta nda̱kuii̱n ta̱Pilato, káchí ra saá: ―¿Án xáni si̱ni̱ ún ta̱judío kúu i̱? Ta yóꞌó, ta̱judío kúu mi̱i ún, ta ni̱vi nañoo mi̱i ún xíꞌin nasu̱tu̱ náꞌno veꞌe ño̱ꞌo ñoo ún kúu na táxi kua̱chi xa̱ꞌa̱ ún no̱o̱ i̱ vitin. ¿Ndá kua̱chi kúu ña ni̱ki̱ꞌvi ún? ―káchí ta̱Pilato xíꞌin ta̱Jesús.

San Juan 19:9

Ta saá tuku ndi̱kó ta̱Pilato ni̱ndi̱ꞌvi ra ini veꞌe ra, ta ka̱na ra ta̱Jesús ta ki̱xaa̱ ra no̱o̱ ra, ta ni̱nda̱ka̱ to̱ꞌon ñaꞌá ra, káchí ra xíꞌin ra saá: ―¿Míchí ke̱e ún? ―káchí ra. Ta ta̱Jesús, nda̱ loꞌo o̱n vása ní‑ndakuii̱n ra.