San Juan 18:33 - Alacatlatzala Mixtec New Testament

³³ Ta saá ta̱Pilato ndi̱kó ra ni̱ki̱ꞌvi ra ini veꞌe ra, ta xa̱ꞌnda chiño ra ná kixi ta̱Jesús no̱o̱ ra. Ta saá ki̱xaa̱ ta̱Jesús no̱o̱ ra, ta ni̱nda̱ka̱ to̱ꞌon ñaꞌá ra, káchí ra saá: ―¿Án ndixa yóꞌó kúu ún Rey no̱o̱ najudío? ―káchí ra xíꞌin ra.

San Juan 18:33 Iomraidhean Croise

San Mateo 27:11

Ta ñíndichi ta̱Jesús no̱o̱ ta̱gobernador Pilato, ta ta̱yóꞌo ni̱nda̱ka̱ to̱ꞌon ra ta̱Jesús, káchí ra xíꞌin ra: ―¿Án ndixa yóꞌó kúu ún Rey no̱o̱ najudío? ―káchí ra. Ta nda̱kuii̱n ta̱Jesús: ―To̱ꞌon mi̱i ún káchí yi̱ꞌi̱ kúu ta̱rey.

San Mateo 27:27

Ta natropa ta̱gobernador, kua̱ꞌa̱n ta̱Jesús xíꞌin na veꞌe chiño káꞌno, ta ni̱xaa̱ na ta na̱kaya na ndiꞌi ka̱ natropa, ta xi̱no nduu ndiꞌi na ra.

San Marcos 15:2

Ta ta̱Pilato ni̱nda̱ka̱ to̱ꞌon ra ta̱Jesús, káchí ra xíꞌin ra: ―¿Án ndixa yóꞌó kúu ún Rey no̱o̱ najudío? ―káchí ra. Ta nda̱kuii̱n ta̱Jesús: ―To̱ꞌon mi̱i ún káchí yi̱ꞌi̱ kúu ta̱rey.

San Lucas 23:2

Ta ki̱xáꞌá na táxi na kua̱chi xa̱ꞌa̱ ta̱Jesús no̱o̱ ra, ni̱ka̱ꞌa̱n na, káchí na saá: ―Xi̱ni ndi̱ ta̱yóꞌo sánáꞌa ra nañoo yó ña sandakoo na yichi̱ va̱ꞌa. Káꞌa̱n ra xíꞌin na ña o̱n váꞌa taxi na kota ndaꞌa̱ ta̱rey César. Ta káꞌa̱n ra mi̱i ra kúu Cristo, ña kóni kachí mi̱i ra kúu ñii ta̱rey ―káchí na xíꞌin ta̱Pilato.

San Juan 1:49

Ta nda̱kuii̱n ta̱Natanael, káchí ra saá: ―Tata Rabí, ndixa yóꞌó kúu Sa̱ꞌya Ndios, yóꞌó kúu ta̱a ta̱Rey, ta̱káꞌno no̱o̱ naIsrael.

San Juan 12:13

Ta saá ke̱e na kua̱ꞌa̱n na, ta xa̱ꞌnda na no̱o̱ ndaꞌa̱ tón yito̱n ño̱o̱, ta níꞌi na kua̱ꞌa̱ ní ño̱o̱ yóꞌo, ta kua̱ꞌa̱n na nakutáꞌan na xíꞌin ta̱Jesús yichi̱ no̱o̱ va̱xi ra. Ta xíꞌin ndiꞌi ndee̱ na, ni̱ka̱ꞌa̱n na, káchí na saá: ―¡Ná kasa káꞌno yó Ndios! ¡Ná keꞌé Ndios ñava̱ꞌa xíꞌin ta̱yóꞌo, ta̱a ta̱ ki̱xaa̱ xíꞌin nda̱yí Ndios! ¡Ná keꞌé Ndios ñava̱ꞌa xíꞌin ta̱yóꞌo ta̱a ta̱ kúu Rey, ta̱káꞌno no̱o̱ naIsrael! ―káchí na, káꞌa̱n na.

San Juan 12:15

O̱n kuyi̱ꞌví ndó, nañoo Jerusalén. Koto ndó, yóꞌo va̱xi ta̱a ta̱ kúu Rey no̱o̱ ndó, va̱xi ra yóso ra ñii burro loꞌo, saá káchí to̱ꞌon Ndios ña ni̱taa na xi̱na̱ꞌá.

San Juan 18:34

Ta nda̱kuii̱n ta̱Jesús: ―¿Án káku to̱ꞌon yóꞌo si̱ni̱ mi̱i ún ña káꞌa̱n ún xíꞌin i̱ saá? ¿Án káku to̱ꞌon yóꞌo si̱ni̱ inka̱ ni̱vi, ta xi̱ni̱ so̱ꞌo ún ña, ta saá káꞌa̱n ún xíꞌin i̱? ―káchí ta̱Jesús xíꞌin ra.

San Juan 18:37

Ta tuku ni̱ka̱ꞌa̱n ta̱Pilato xíꞌin ra: ―¿Án kóni kachí to̱ꞌon yóꞌo ndí ndixa ñii ta̱rey kúu yóꞌó? ―káchí ra xíꞌin ta̱Jesús. Ta nda̱kuii̱n ta̱Jesús, ni̱ka̱ꞌa̱n ra saá: ―To̱ꞌon mi̱i ún káchí yi̱ꞌi̱ kúu ta̱rey. Ta yi̱ꞌi̱ ndákuii̱n i̱ xa̱ꞌa̱ i̱, káꞌa̱n i̱ ndí ki̱xaa̱ i̱ ñoyívi yóꞌo ta ka̱ku i̱ xa̱ꞌa̱ ña sanáꞌa i̱ yu kúu ñanda̱a̱. Ta ndiꞌi ni̱vi na ñii yuꞌú yóo xíꞌin ñanda̱a̱ chíkaa̱ so̱ꞌo na to̱ꞌon ña káꞌa̱n i̱ xíꞌin na ―káchí ta̱Jesús xíꞌin ta̱Pilato.

San Juan 18:38

Ta nda̱kuii̱n ta̱Pilato, káchí ra saá: ―¿Yu kúu mi̱i ñanda̱a̱? ―káchí ra. Ta saá tuku ke̱ta ta̱Pilato, ta ni̱ka̱ꞌa̱n ra xíꞌin najudío, káchí ra saá: ―Nda̱ ñii kua̱chi ta̱yóꞌo ni̱‑kuchiño naníꞌi i̱ xa̱ꞌa̱ ña kivi̱ ra.

San Juan 19:12

Tá xi̱ni̱ so̱ꞌo ta̱Pilato ñayóꞌo, ta saá ndu̱kú ra ndasaá koo kuchiño saña ra ta̱Jesús ko̱ꞌo̱n ndíka̱ ra. Ta najudío tuku tuku káꞌa̱n na xíꞌin ndiꞌi ndee̱ na, káchí na saá: ―Táná saña ún ta̱yóꞌo, ta saá o̱n si̱ví ka̱ ta̱migo ta̱rey César kúu ún, chi ndiꞌi ni̱vi na ndása rey xíꞌin mi̱i, nda̱tán ke̱ꞌé ta̱yóꞌo, kúu na ni̱vi na sáa̱ ini xíni ta̱rey César ―káchí najudío xíꞌin ta̱Pilato.

San Juan 19:3

Ta natropa yóꞌo ni̱ka̱ꞌa̱n na xíꞌin ra, káchí na saá ña kusiki na ra: ―¡Ná koo va̱ꞌa ta̱Rey no̱o̱ nañoo judío! ―káchí na, kúsiki na ta̱Jesús. Ta natropa yóꞌo tuku tuku káꞌa̱n na xíꞌin ra kúsiki na ra saá, ta xíꞌin xa̱ꞌnda̱ ndaꞌa̱ na ka̱ni na no̱o̱ ra.

San Juan 19:4

Ta tuku ke̱ta ta̱Pilato ni̱ka̱ꞌa̱n ra xíꞌin najudío, káchí ra saá: ―Koto ndó yóꞌo, va̱xi ra xíꞌin i̱. Ta saá kuchiño kunda̱a̱ ini ndó ndí nda̱ ñii kua̱chi o̱n vása ní‑naníꞌi i̱ kómí ra ―káchí ra xíꞌin na.

San Juan 19:9

Ta saá tuku ndi̱kó ta̱Pilato ni̱ndi̱ꞌvi ra ini veꞌe ra, ta ka̱na ra ta̱Jesús ta ki̱xaa̱ ra no̱o̱ ra, ta ni̱nda̱ka̱ to̱ꞌon ñaꞌá ra, káchí ra xíꞌin ra saá: ―¿Míchí ke̱e ún? ―káchí ra. Ta ta̱Jesús, nda̱ loꞌo o̱n vása ní‑ndakuii̱n ra.

1 Timoteo 6:13

Ta vitin no̱o̱ Ndios, ta̱a ta̱ ta̱xi ña táku̱ ndiꞌi saá ña̱ꞌa ña yóo, ta no̱o̱ Jesucristo, ta̱a ta̱ nda̱kuii̱n xa̱ꞌa̱ ñanda̱a̱ ki̱vi̱ xi̱ndichi ra no̱o̱ ta̱Poncio Pilato, xáꞌnda chiño i̱ no̱o̱ ún vitin.