San Juan 16:17 - Alacatlatzala Mixtec New Testament

¹⁷ Ta sava naxíka xíꞌin ra ni̱ka̱ꞌa̱n na xíꞌin táꞌan na, káchí na saá: ―¿Yukía̱ kóni kachí to̱ꞌon ña ni̱ka̱ꞌa̱n ra xíꞌin yó? Chi ni̱ka̱ꞌa̱n ra saloꞌo ka̱ kuiti kúma̱ni̱ ta o̱n koni ka̱ yó ra. Ta saá yaꞌa loꞌo kuiti ki̱vi̱ ta saá tuku koni yó ra, saá chi ko̱ꞌo̱n ra no̱o̱ yóo Yivá ra, káchí ra. ¿Yukía̱ kóni kachí to̱ꞌon yóꞌo ña ni̱ka̱ꞌa̱n ra xíꞌin yó?

San Juan 16:17 Iomraidhean Croise

San Marcos 9:10

Ta chi̱kaa̱ va̱ꞌa na ña xi̱ni na ini mi̱i na, ta o̱n vása ní‑ndato̱ꞌon na ñayóꞌo xíꞌin inka̱ ni̱vi. Ta ni̱nda̱ka̱ to̱ꞌon xíꞌin táꞌan na yukía̱ káchí ña “nataku̱ ra.”

San Marcos 9:32

Ta naxíka xíꞌin ra o̱n vása ní‑kunda̱a̱ ini na yukía̱ káchí to̱ꞌon ña ni̱ka̱ꞌa̱n ra xíꞌin na, ta yíꞌví na nda̱ka̱ to̱ꞌon na ra yukía̱ kóni kachí ña káꞌa̱n ra.

San Lucas 18:34

Ta naxíka xíꞌin ra ni̱‑kunda̱a̱ ini na yukía̱ kóni kachí to̱ꞌon yóꞌo, chi ña xi̱nakaa̱ seꞌé no̱o̱ na xi̱kuu ña.

San Lucas 9:45

Ta naxíka xíꞌin ra o̱n vása ní‑kunda̱a̱ ini na yukía̱ káchí to̱ꞌon ña ni̱ka̱ꞌa̱n ra xíꞌin na, saá chi o̱n vása ní‑taxi ya̱chi̱ Ndios ña kunda̱a̱ ini na. Ta yíꞌví ní na nda̱ka̱ to̱ꞌon na ra yukía̱ kóni kachí ña káꞌa̱n ra.

San Juan 12:16

Ta naxíka xíꞌin ta̱Jesús o̱n vása ní‑kunda̱a̱ ini na yukía̱ kóni kachí ndiꞌi ña xíto na yóꞌo. Ta saá ni, ki̱vi̱ ndi̱ꞌi ku̱ndivi ña ni̱xiꞌi̱ ta̱Jesús ta na̱taku̱ ra ta ndi̱kó ra nda̱a ra ñoyívi ni̱no, ta̱nda̱ saá na̱káꞌán na to̱ꞌon Ndios ña ni̱taa na xi̱na̱ꞌá xa̱ꞌa̱ ta̱Jesús. Ta saá ku̱nda̱a̱ ini na ndí ndiꞌi ña ke̱ꞌé ni̱vi xíꞌin ta̱Jesús kúu ña ki̱sa ndivi na to̱ꞌon Ndios yóꞌo.

San Juan 14:22

Ta saá inka̱ ta̱xíka xíꞌin ta̱Jesús, na̱ní ra Judas (ta o̱n si̱ví ta̱Judas Iscariote kúu ta̱yóꞌo), ni̱ka̱ꞌa̱n ra xíꞌin ta̱Jesús, káchí ra saá: ―Tata, ¿nda̱chun taxi ún ndasaá kuiti mi̱i ndi̱ kuu ni̱vi na kuchiño koni̱ va̱ꞌa yóꞌó? ¿Nda̱chun o̱n vása keꞌé ún saá xíꞌin ndiꞌi ni̱vi ñoyívi yóꞌo ña kuchiño koni̱ na yóꞌó?

San Juan 14:5

Ta ñii ta̱xíka xíꞌin ta̱Jesús, na̱ní ra Tomás, ni̱nda̱ka̱ to̱ꞌon ra, káchí ra saá: ―Tata, o̱n vása xíni̱ ndi̱ míchí ko̱ꞌo̱n ún, ta saá, ¿ndasaá koo kuchiño koni̱ ndi̱ yichi̱?

San Juan 16:1

Ta ta̱Jesús ni̱ka̱ꞌa̱n ka̱ ra xíꞌin na, káchí ra saá: ―Ndiꞌi to̱ꞌon yóꞌo xa ni̱ka̱ꞌa̱n i̱ ña xíꞌin ndó xa̱ꞌa̱ ña o̱n sandakoo ndó yichi̱ i̱.

San Juan 16:16

Ta ni̱ka̱ꞌa̱n ka̱ ta̱Jesús xíꞌin naxíka xíꞌin ra, káchí ra saá: ―Saloꞌo ka̱ kuiti kúma̱ni̱ ta o̱n koni ka̱ ndó yi̱ꞌi̱, ta saá yaꞌa loꞌo kuiti ki̱vi̱ ta tuku koni ka̱ ndó yi̱ꞌi̱. Saá chi saloꞌo ka̱ ki̱vi̱ kúma̱ni̱, ta ndikó i̱ noꞌo̱ i̱ no̱o̱ yóo Yivá i̱ Ndios ―káchí ta̱Jesús xíꞌin naxíka xíꞌin ra.

San Juan 16:18

Ta tuku ndáka̱ to̱ꞌon táꞌan na, káchí na saá: ―¿Yukía̱ kóni kachí to̱ꞌon “saloꞌo kuiti kúma̱ni̱”? O̱n vása kúnda̱a̱ ini yó yukía̱ kóni kachí ra xíꞌin to̱ꞌon yóꞌo ―káchí na, káꞌa̱n na.

San Juan 16:19

Ta ta̱Jesús xíni̱ ra ndí kóni na nda̱ka̱ to̱ꞌon na ra xa̱ꞌa̱ to̱ꞌon ña ni̱ka̱ꞌa̱n ra xíꞌin na, ta saá tuku ni̱ka̱ꞌa̱n ra, káchí ra xíꞌin na: ―¿Án kóni ndó kunda̱a̱ ini ndó yukía̱ káchí to̱ꞌon ña ni̱ka̱ꞌa̱n i̱ xíꞌin ndó ña káchí saá: “Saloꞌo ka̱ kuiti kúma̱ni̱ ta o̱n koni ka̱ ndó yi̱ꞌi̱, ta saá yaꞌa loꞌo kuiti ki̱vi̱ ta tuku koni ndó yi̱ꞌi̱”?

San Juan 16:5

Ta vitin ndikó i̱ noꞌo̱ i̱ no̱o̱ ta̱a ta̱ ti̱ꞌví yi̱ꞌi̱ ki̱xaa̱ i̱, ta nda̱ ñii ndóꞌó o̱n vása ndáka̱ to̱ꞌon ndó yi̱ꞌi̱ míchí ko̱ꞌo̱n i̱.