San Juan 12:49 - Alacatlatzala Mixtec New Testament

⁴⁹ Chi xíꞌin nda̱yí Yivá i̱ Ndios káꞌa̱n i̱ to̱ꞌon ña ndáto̱ꞌon i̱ xíꞌin ndó. Ta o̱n si̱ví ndasaá kuiti to̱ꞌon mi̱i i̱ kúu ña káꞌa̱n i̱. Saá chi Yivá i̱ Ndios kúu ta̱a ta̱ ti̱ꞌví yi̱ꞌi̱ ki̱xaa̱ i̱, ta xa̱ꞌnda chiño ra ndá to̱ꞌon kúu ña ka̱ꞌa̱n i̱ xíꞌin ndó, ta xa̱ꞌnda chiño ra yu kúu ña sanáꞌa i̱ ndóꞌó.

San Juan 12:49 Iomraidhean Croise

San Juan 14:10

¿Án o̱n ta̱ꞌán kandixa ún ndí yi̱ꞌi̱ táku̱ i̱ ini Yivá i̱ ta Yivá i̱ táku̱ ra ini mi̱i i̱? To̱ꞌon ña káꞌa̱n i̱ xíꞌin ndó, o̱n si̱ví ndasaá kuiti to̱ꞌon mi̱i i̱ kúu ña, chi to̱ꞌon Yivá i̱ Ndios kúu ña. Saá chi Yivá i̱ táku̱ ra ini mi̱i i̱, ta chiño mi̱i ra kúu ña kísa ndivi i̱.

San Juan 14:24

Ta ni̱vi na o̱n vása kíꞌvi ini xíni na yi̱ꞌi̱, nayóꞌo o̱n vása kísa ndivi na to̱ꞌon i̱. Ta o̱n si̱ví ndasaá kuiti to̱ꞌon yi̱ꞌi̱ kúu ña káꞌa̱n i̱, ta ndixa kúu ña to̱ꞌon Yivá yó Ndios, ta̱a ta̱ ti̱ꞌví yi̱ꞌi̱ ki̱xaa̱ i̱.

San Juan 14:31

Ta yi̱ꞌi̱, ndasaá kuiti kísa ndivi i̱ ña xáꞌnda chiño Yivá i̱ Ndios no̱o̱ i̱. Ta xa̱ꞌa̱ ña kísa ndivi i̱ saá, kunda̱a̱ ini ni̱vi ndí ndixa kíꞌvi ní ini i̱ xíni i̱ Yivá i̱ Ndios. Ta vitin, nakuita ndó, naꞌa ndó ko̱ꞌo̱n ndó xíꞌin i̱ ―káchí ta̱Jesús xíꞌin naxíka xíꞌin ra.

San Juan 15:15

O̱n ka̱ꞌa̱n ka̱ i̱ xíꞌin ndó kúu ndó ndasaá kuiti na kísa chiño no̱o̱ i̱, chi ni̱vi na kísa chiño no̱o̱ ñii ta̱káꞌno o̱n vása xíni̱ na yu kúu ña xáni si̱ni̱ ta̱káꞌno yóꞌo keꞌé ra. Ta yi̱ꞌi̱ sa̱kunaní i̱ ndóꞌó namigo i̱ na nátaꞌan va̱ꞌa xíꞌin i̱, saá chi xa nda̱to̱ꞌon i̱ xíꞌin ndó ndiꞌi ña sa̱náꞌa Yivá i̱ Ndios yi̱ꞌi̱.

San Juan 17:8

chi ni̱ka̱ꞌa̱n i̱ xíꞌin na ndiꞌi to̱ꞌon ña ta̱xi ún ña ndato̱ꞌon i̱ xíꞌin na. Ta ndiꞌi to̱ꞌon yóꞌo na̱kiꞌin va̱ꞌa na ña, ta xa ku̱nda̱a̱ ini na ndí ndixa yi̱ꞌi̱ ke̱e i̱ no̱o̱ ún, ta kándixa na ndí yóꞌó kúu ta̱a ta̱ ti̱ꞌví yi̱ꞌi̱ ki̱xaa̱ i̱ ñoyívi yóꞌo.

San Juan 3:11

Ñandixa káꞌa̱n i̱ xíꞌin ún ndí mi̱i ndi̱ káꞌa̱n ndi̱ xa̱ꞌa̱ ña xíni̱ ndi̱, ta ndákuii̱n ndi̱ xa̱ꞌa̱ ña xi̱to ndi̱, ta ndóꞌó o̱n xi̱in ndó kandixa ndó to̱ꞌon káꞌa̱n ndi̱ xíꞌin ndó.

San Juan 3:32

Ta̱yóꞌo ndákuii̱n ra káꞌa̱n ra ña ndixa nda̱a̱ xíꞌin ni̱vi xa̱ꞌa̱ ña xi̱ni̱ so̱ꞌo ra, ta xa̱ꞌa̱ ña xi̱ni ra, ta ni̱vi o̱n xi̱in na kandixa na to̱ꞌon káꞌa̱n ra.

San Juan 5:19

Ta ni̱ka̱ꞌa̱n ta̱Jesús xíꞌin na, káchí ra saá: ―Ña ndixa nda̱a̱ káꞌa̱n i̱ xíꞌin ndó ndí o̱n ko̱ó nda̱ ñii chiño kéꞌé i̱ xíꞌin nda̱yí mi̱i i̱, chi Yivá i̱ Ndios kúu ta̱a ta̱ táxi nda̱yí ndaꞌa̱ i̱ keꞌé i̱ ndiꞌi chiño, ta ndasaá kuiti kéꞌé i̱ chiño ña xíni i̱ kéꞌé Yivá i̱. Ta ñii ki̱ꞌva nda̱tán kéꞌé Yivá i̱, saá kéꞌé yi̱ꞌi̱, ta̱a ta̱ kúu Sa̱ꞌya ra.

San Juan 5:30

Ta ni̱ka̱ꞌa̱n ka̱ ra xíꞌin na, káchí ra saá: ―O̱n si̱ví xíꞌin nda̱yí mi̱i i̱ kasa nani i̱ kua̱chi ni̱vi, ta xíꞌin nda̱yí ña ta̱xi Ndios ndaꞌa̱ i̱ kúu ña kasa nani i̱ kua̱chi ni̱vi. Ñii ki̱ꞌva nda̱tán káꞌa̱n Ndios xíꞌin i̱, saá kasa nani i̱ kua̱chi ni̱vi. Ta xíꞌin ñanda̱a̱ kasa nani i̱ kua̱chi na, chi o̱n si̱ví xíꞌin ña kóni mi̱i i̱ kúu ña kasa nani i̱ kua̱chi ni̱vi, ta kasa nani i̱ xa̱ꞌa̱ kua̱chi na nda̱tán kóni Ndios, ta̱a ta̱ ti̱ꞌví yi̱ꞌi̱ ki̱xaa̱ i̱.

San Juan 6:68

Ta nda̱kuii̱n ta̱Simón Pedro ni̱ka̱ꞌa̱n ra: ―Tata, ¿yu kúu ka̱ ví inka̱ ta̱a ta̱ kuchiño ndi̱ kundiko̱n ndi̱?, chi ñii la̱á yóꞌó kúu ta̱a ta̱ káꞌa̱n to̱ꞌon ña kómí ndee̱ ña taxi kutaku̱ ndinoꞌo ni̱vi.

San Juan 7:16

Ta saá ni̱ka̱ꞌa̱n ta̱Jesús xíꞌin na: ―O̱n si̱ví to̱ꞌon mi̱i i̱ kúu ña sánáꞌa i̱, ta sánáꞌa i̱ to̱ꞌon Ndios, ta̱a ta̱ ti̱ꞌví yi̱ꞌi̱.

San Juan 8:26

Yóo kua̱ꞌa̱ ní ña kúchiño ka̱ꞌa̱n i̱ xíꞌin ndó xa̱ꞌa̱ ña o̱n váꞌa kéꞌé ndó. Saá chi ta̱a ta̱ ti̱ꞌví yi̱ꞌi̱ va̱xi i̱ kúu ta̱nda̱a̱ ndinoꞌo, ta ñii ki̱ꞌva saá nda̱tán yóo to̱ꞌon ña xíni̱ so̱ꞌo i̱ káꞌa̱n ra, saá yóo ña káꞌa̱n i̱ xíꞌin ni̱vi ñoyívi yóꞌo ―káchí ta̱Jesús xíꞌin na.

San Juan 8:28

Ta saá ni̱ka̱ꞌa̱n ka̱ ta̱Jesús xíꞌin na, káchí ra: ―Ta ñii ki̱vi̱ tiin ndó yi̱ꞌi̱ ta ndaníꞌi ndó yi̱ꞌi̱, ta̱a ta̱ ki̱xi no̱o̱ Ndios, ta katakaa̱ ndaa ndó yi̱ꞌi̱ ñii no̱o̱ síkón. Ta saá kunda̱a̱ ini ndó yu kúu i̱. Ta ki̱vi̱ yóꞌo ndixa kunda̱a̱ ini ndó ndí nda̱ ñii chiño o̱n vása kísa ndivi matóꞌón i̱ ña, ta ni o̱n vása káꞌa̱n i̱ to̱ꞌon ña va̱xi kuiti si̱ni̱ mi̱i i̱. Ndasaá kuiti to̱ꞌon ña káꞌa̱n Yivá i̱ xíꞌin i̱, ñayóꞌo kúu ña káꞌa̱n i̱ xíꞌin ni̱vi.

San Juan 8:42

Ta ni̱ka̱ꞌa̱n ta̱Jesús xíꞌin na: ―Tá ndixa Ndios kúu yivá ndó, ta saá kukiꞌvi ini ndó koni ndó yi̱ꞌi̱, chi yi̱ꞌi̱ ke̱e i̱ no̱o̱ Ndios, ta ki̱xaa̱ i̱ yóo i̱ yóꞌo vitin. Ta o̱n vása ní‑kixaa̱ i̱ xíꞌin nda̱yí mi̱i i̱, ta xíꞌin nda̱yí Ndios ki̱xaa̱ i̱, chi Ndios kúu ta̱a ta̱ ti̱ꞌví yi̱ꞌi̱ va̱xi i̱.

Apocalipsis 1:1

To̱ꞌon yóꞌo kúu ña sa̱náꞌa Jesucristo yi̱ꞌi̱ ta̱Juan. Saá chi siꞌna Ndios ta̱xi ra to̱ꞌon yóꞌo ndaꞌa̱ Jesucristo xa̱ꞌa̱ ña ndato̱ꞌon ra xíꞌin ni̱vi na ndíko̱n yichi̱ ra yukía̱ koo xíꞌin ndiꞌi ña yóo ñoyívi ki̱vi̱ ña yatin ní va̱xi. Ta Jesucristo ta̱xi ra ña kúnda̱a̱ ini i̱ xa̱ꞌa̱ ndiꞌi ñayóꞌo, chi ti̱ꞌví ra ñii ñaángel ki̱xaa̱ ña no̱o̱ yi̱ꞌi̱ ña sanáꞌa ña ndiꞌi ñayóꞌo no̱o̱ i̱.