San Juan 1:41 - Alacatlatzala Mixtec New Testament

⁴¹ Ta saá kama ní ke̱e ta̱Andrés yóꞌo kua̱ꞌa̱n ra nandukú ra ñani ra ta̱Simón Pedro. Tá ni̱xaa̱ ra ta na̱níꞌi ñaꞌá ra, ta ni̱ka̱ꞌa̱n ra xíꞌin ra, káchí ra saá: ―Xa na̱kutáꞌan ndi̱ xíꞌin ta̱a ta̱ kúnda̱a̱ ini ndi̱ kúu ta̱Mesías ―káchí ra. (To̱ꞌon Mesías kúu to̱ꞌon hebreo ña kóni kachí Cristo to̱ꞌon griego.)

San Juan 1:41 Iomraidhean Croise

San Mateo 1:23

Ñáñaꞌa̱ loꞌo, ñá yi̱i̱ ñá ta̱ꞌán to̱nda̱a ta̱a, ta ke̱e sa̱ꞌya ñá, ta sakaku ñá ñii ta̱a loꞌo, ta kunaní ra Emanuel, káchí to̱ꞌon Ndios ña ni̱taa ta̱profeta xi̱na̱ꞌá. Ta ki̱vi̱ “Emanuel” kóni kachí ña saá: Ndios yóo ra xíꞌin yó.

San Lucas 2:17

Tá xi̱ni na tikuáꞌá loꞌo, ta nda̱to̱ꞌon na ndiꞌi ña ni̱ka̱ꞌa̱n ñaángel xa̱ꞌa̱ ra.

San Lucas 2:38

Ta ki̱xaa̱ ñáAna no̱o̱ yóo ñáMaría xíꞌin ta̱José xíꞌin tikuáꞌá loꞌo Jesús, ta ni̱ka̱ꞌa̱n ñá xíꞌin Ndios: ―Tata Ndios, táxaꞌvi ún, chi ti̱ꞌví ún tikuáꞌá loꞌo yóꞌo ki̱xaa̱ ra ñoyívi yóꞌo ―káchí ñá. Ta ni̱ka̱ꞌa̱n ñá xa̱ꞌa̱ ta̱Jesús xíꞌin ndiꞌi ni̱vi na kúu na ndáti ndí Ndios saka̱ku ra nañoo Jerusalén.

San Juan 1:45

Ta saá ta̱Felipe ke̱e ra kua̱ꞌa̱n ra nándukú ra ta̱Natanael. Tá na̱níꞌi ñaꞌá ra, ta ni̱ka̱ꞌa̱n ra xíꞌin ra, káchí ra saá: ―Xa na̱kutáꞌan ndi̱ xíꞌin ñii ta̱a ta̱ kúu ta̱ ndáti yó chi kui̱ya̱ xi̱na̱ꞌá ta̱Moisés xíꞌin inka̱ naprofeta ni̱taa na xa̱ꞌa̱ ta̱yóꞌo. Ta̱Jesús sa̱ꞌya ta̱José kúu ra, ta kúu ra ta̱ñoo Nazaret ―saá ni̱ka̱ꞌa̱n ta̱Felipe xíꞌin ta̱Natanael.

San Juan 4:25

Ta nda̱kuii̱n ñá, ni̱ka̱ꞌa̱n ñá, káchí ñá saá: ―Xíni̱ i̱ ndí ñii ki̱vi̱ kixaa̱ ta̱Mesías, ta̱a ta̱ tiꞌví Ndios saka̱ku ra mi̱i yó. Ta ta̱yóꞌo tuku sákunaní na ra Cristo. Ta ki̱vi̱ kixaa̱ ta̱yóꞌo, ta sanáꞌa ra mi̱i yó ña nandaxin ra ndiꞌi ña xíni̱ ñóꞌó kunda̱a̱ ini yó ―káchí ñá xíꞌin ta̱Jesús.

Hechos 10:38

Ta ni̱yaꞌa loꞌo, ta Ndios sa̱kutú ra Níma̱ ra ini ta̱Jesús, ta̱a ta̱ kúu ta̱ñoo Nazaret, ta xíꞌin ñayóꞌo, Ndios ta̱xi ra ndee̱ ra ndaꞌa̱ ta̱Jesús ta sa̱kuiso chiño ñaꞌá ra ña kasa ndivi ra chiño ra. Ta saá ta̱Jesús ni̱xika ra kua̱ꞌa̱ ní ñoo no̱o̱ kéꞌé ra kua̱ꞌa̱ ní chiño va̱ꞌa, ta sa̱ndaꞌa ra ni̱vi na ni̱xo̱ꞌvi̱ ní xa̱ꞌa̱ ña o̱n váꞌa ke̱ꞌé ñaníma̱ ndiva̱ꞌa xíꞌin na. Ta̱Jesús ke̱ꞌé ra ndiꞌi ñava̱ꞌa yóꞌo saá, chi Ndios yóo ra xíꞌin ra.

Hechos 4:27

’Ta xa ku̱ndivi ña ni̱ka̱ꞌa̱n ta̱David, chi ñoo Jerusalén yóꞌo na̱kutáꞌan ta̱rey Herodes xíꞌin ta̱gobernador Pilato xíꞌin inka̱ ni̱vi na ñoo xíyo, ta xíꞌin sava nañoo yó naIsrael, ta ndiꞌi nayóꞌo na̱koo yuꞌú na ña kaꞌni na Sa̱ꞌya ún ta̱yi̱i̱ ta̱Jesús, ta̱a ta̱ na̱ka̱xin ún ta sa̱kuiso chiño ún ra ña saka̱ku ra ni̱vi.

1 Juan 1:3

Ta vitin ndáto̱ꞌon ndi̱ xíꞌin ndó xa̱ꞌa̱ ña xa xi̱ni ndi̱, ta xa̱ꞌa̱ to̱ꞌon ña ni̱ka̱ꞌa̱n ra ña xi̱ni̱ so̱ꞌo ndi̱. Ta saá ndóꞌó, ni̱vi na kándixa to̱ꞌon yóꞌo, ñii káchí vivíi kutaku̱ ndó xíꞌin ndi̱, nda̱tán ñii ki̱ꞌva vivíi táku̱ ndi̱ xíꞌin Yivá yó Ndios ta xíꞌin Sa̱ꞌya ra Jesucristo.