San Juan 1:38 - Alacatlatzala Mixtec New Testament

³⁸ Ta saá ta̱Jesús na̱ndikó koo ra ta ni̱nda̱ka̱ to̱ꞌon ra na, káchí ra saá: ―¿Yukía̱ ndúkú ndó? Ta nda̱kuii̱n na, ni̱nda̱ka̱ to̱ꞌon na ra, káchí na saá: ―Tata Rabí, ¿míkía̱ yóo veꞌe no̱o̱ kíndo̱o ún vitin? ―káchí na xíꞌin ra. (Ta to̱ꞌon Rabí kóni kachí ña Maestro.)

San Juan 1:38 Iomraidhean Croise

San Lucas 10:39

Ta ñáMarta yóo ki̱ꞌvi̱ ñá na̱ní María, ta ki̱xaa̱ ñáMaría xi̱koo ñá yatin xa̱ꞌa̱ ta̱Jesús, ta xíni̱ so̱ꞌo ñá yukía̱ ndáto̱ꞌon ra.

San Lucas 14:25

Ñii ki̱vi̱ kua̱ꞌa̱n ñii tiꞌvi ni̱vi xíꞌin ta̱Jesús yichi̱, ta ni̱ka̱ꞌa̱n ra xíꞌin na:

San Lucas 15:20

Ta na̱kiꞌin ra kua̱noꞌo̱ ra ñoo ra no̱o̱ yóo yivá ra. ’Ta nda̱ no̱o̱ xíká tívi va̱xi ta̱loꞌo, ta na̱koto yivá ra, ta ku̱ndáꞌví ní ini yivá ra xi̱ni ñaꞌá ra, ta ke̱e yivá ra xíno ra kua̱ꞌa̱n ra nakutáꞌan ra. Tá ni̱xaa̱ ra, ta no̱mi ra sa̱ꞌya ra, ta ni̱chi̱to ra no̱o̱ ta̱yóꞌo.

San Lucas 19:5

Ta ni̱xaa̱ ta̱Jesús xa̱ꞌa̱ yito̱n no̱o̱ kánóo ta̱Zaqueo, ta na̱koto ndaa ra, ta xi̱ni ra ta̱Zaqueo, ta ni̱ka̱ꞌa̱n ra xíꞌin ra: ―Tata, xa̱ndi̱ko̱n noo ún chi xíni̱ ñóꞌó kindo̱o i̱ veꞌe ún ki̱vi̱ vitin ―káchí ta̱Jesús.

San Lucas 22:61

Ta saá ndi̱kó koo ta̱Jesús xi̱to káxín ra no̱o̱ ta̱Pedro. Ta na̱káꞌán ta̱Pedro to̱ꞌon ña ni̱ka̱ꞌa̱n ta̱Jesús xíꞌin ra: “Ta̱ꞌán ka̱ kana ñii nduxú chée ta xa u̱ni̱ yichi̱ ni̱ka̱ꞌa̱n ún xíꞌin ni̱vi ndí o̱n vása xíni̱ ún yi̱ꞌi̱.”

San Lucas 8:38

Ta ki̱vi̱ nda̱a ta̱Jesús ini tón barco, ta ta̱ xi̱komí níma̱ ndiva̱ꞌa xa̱ku ndáꞌví ra no̱o̱ ra: ―Taxi ún ná ko̱ꞌo̱n i̱ xíꞌin ún ―káchí ra. Ta ta̱Jesús ni̱‑xiin ra taxi ra ko̱ꞌo̱n ra, ta ni̱ka̱ꞌa̱n ra xíꞌin ta̱yóꞌo:

San Juan 1:37

Tá xi̱ni̱ so̱ꞌo o̱vi̱ ta̱a yóꞌo ña káꞌa̱n ta̱Juan, ta xa̱ndi̱ko̱n ki̱xáꞌá na ndíko̱n na kua̱ꞌa̱n na sa̱ta̱ ta̱Jesús.

San Juan 1:39

Ta nda̱kuii̱n ta̱Jesús, ni̱ka̱ꞌa̱n ra xíꞌin na, káchí ra saá: ―Naꞌa ndó ko̱ꞌo̱n ndó xíꞌin i̱ ta koni ndó mí yóo ña ―káchí ra xíꞌin na. Ta saá kua̱ꞌa̱n na xíꞌin ra nda̱ veꞌe no̱o̱ kíndo̱o ra. Tá ni̱xaa̱ na veꞌe yóꞌo, ta xa ni̱to̱nda̱a ka̱a ko̱mi̱ xikuaa kúu ña, ta ki̱ndo̱o na veꞌe yóꞌo xíꞌin ra nda̱ inka̱ ki̱vi̱.

San Juan 1:49

Ta nda̱kuii̱n ta̱Natanael, káchí ra saá: ―Tata Rabí, ndixa yóꞌó kúu Sa̱ꞌya Ndios, yóꞌó kúu ta̱a ta̱Rey, ta̱káꞌno no̱o̱ naIsrael.

San Juan 12:21

Ta sava nagriego yóꞌo ki̱xaa̱ na no̱o̱ ñii ta̱xíka xíꞌin ta̱Jesús ta̱ na̱ní Felipe, ta̱a ta̱ ke̱e ñoo Betsaida estado Galilea kúu ra. Ki̱xaa̱ nagriego no̱o̱ ta̱Felipe yóꞌo, ta ni̱ka̱ꞌa̱n na xíꞌin ra, káchí na saá: ―Tata, kóni ndi̱ koto ndi̱ ta̱Jesús ―káchí na xíꞌin ra.

San Juan 18:4

Ta ta̱Jesús xa kúnda̱a̱ ndiꞌi ini ra yukía̱ xíni̱ ñóꞌó kundoꞌo ra, ta na̱kundichi ra kua̱ꞌa̱n ra nakutáꞌan ra xíꞌin na ki̱xaa̱ yóꞌo, ta ni̱nda̱ka̱ to̱ꞌon ra na, káchí ra saá xíꞌin na: ―¿Yukú ta̱ ndúkú ndó? ―káchí ra xíꞌin na.

San Juan 18:7

Ta saá tuku ni̱nda̱ka̱ to̱ꞌon ta̱Jesús na, káchí ra saá xíꞌin na: ―¿Yukú ta̱ ndúkú ndó? ―káchí ra. Ta tuku nda̱kuii̱n na, káchí na saá: ―Ndi̱ꞌi̱ ndúkú ndi̱ ta̱Jesús, ta̱ñoo Nazaret ―káchí na.

San Juan 3:2

Ta ñii ñoó, ta xa ñoó ní kúu ña, ke̱e ta̱Nicodemo kua̱ꞌa̱n ra, ta ni̱xaa̱ ra no̱o̱ ta̱Jesús, ta ni̱ka̱ꞌa̱n ra xíꞌin ra, káchí ra saá: ―Tata Rabí, xíni̱ ndi̱ yóꞌó kúu ñii ta̱maestro ta̱ ti̱ꞌví Ndios, chi nda̱ ñii ni̱vi o̱n vása kúchiño keꞌé na milagro nda̱tán yóo ña kéꞌé ún, tá o̱n ko̱ó Ndios yóo xíꞌin na ―saá káchí ta̱Nicodemo xíꞌin ta̱Jesús.

San Juan 3:26

Ta saá ki̱xaa̱ nayóꞌo no̱o̱ ta̱Juan ta ni̱ka̱ꞌa̱n na xíꞌin ra: ―Tata Rabí, ¿án nákáꞌán ún ta̱a ta̱ ni̱xi̱yo xíꞌin ún inka̱ táꞌví yuꞌu̱ yu̱ta Jordán, ta̱a ta̱ nda̱to̱ꞌon ún xa̱ꞌa̱ xíꞌin ndi̱? Ta vitin yóo ra inka̱ xiiña sákuchu ra ni̱vi, ta ndiꞌi ni̱vi kua̱ꞌa̱n na no̱o̱ yóo ra ―káchí nayóꞌo xíꞌin ta̱Juan.

San Juan 4:31

Ta o̱n ta̱ꞌán ka̱ kixaa̱ ñáñaꞌa̱ yóꞌo xíꞌin ni̱vi no̱o̱ yóo ta̱Jesús, ta naxíka xíꞌin ta̱Jesús xa̱ku ndáꞌví na no̱o̱ ra, káchí na xíꞌin ra saá: ―Tata Rabí, naꞌa kuxu ún ―káchí na.

San Juan 6:25

Ta saá nani̱vi yóꞌo ni̱xaa̱ na inka̱ táꞌví yuꞌu̱ takuií mi̱ni yatin ñoo Capernaum, ta na̱níꞌi na ta̱Jesús. Ta saá ni̱nda̱ka̱ to̱ꞌon na ra, káchí na xíꞌin ra: ―Tata Rabí, ¿ama ki̱xaa̱ ún yóꞌo? ―káchí na.

Hechos 10:21

Ta saá no̱o ta̱Pedro ta na̱kutáꞌan ra xíꞌin na, ta ni̱ka̱ꞌa̱n ra xíꞌin na, káchí ra saá: ―Yi̱ꞌi̱ kúu ta̱a ta̱ nándukú ndó. ¿Ndá chiño kúu ña va̱xi ndó no̱o̱ i̱, tata? ―káchí ta̱Pedro xíꞌin na.

Hechos 10:29

Ña̱kán kía̱, tata Cornelio, ki̱vi̱ ti̱ꞌví ún nata̱a ña ka̱na na yi̱ꞌi̱ va̱xi i̱ xíꞌin na, ta o̱n vása ní‑ndaka̱ to̱ꞌon ní i̱ yu kuu ña keꞌé i̱, ta xa̱ndi̱ko̱n va̱xi i̱ xíꞌin na. Ta vitin kóni i̱ kunda̱a̱ ini i̱, tata, ¿nda̱chun ka̱na ún yi̱ꞌi̱? ―káchí ta̱Pedro xíꞌin ta̱Cornelio.