Hechos 8:19 - Alacatlatzala Mixtec New Testament

¹⁹ Ta xa̱ꞌa̱ ñayóꞌo, ni̱ka̱ꞌa̱n ta̱Simón xíꞌin naapóstol, káchí ra saá: ―Vitin níꞌi i̱ si̱ꞌún ña chaꞌvi i̱ ndóꞌó, tá taxi ndó ndee̱ ndaꞌa̱ i̱ ña ñii ki̱ꞌva saá chiso i̱ ndaꞌa̱ i̱ si̱ni̱ ni̱vi ta saá ni̱vi yóꞌo nakiꞌin na Níma̱ Ndios ―káchí ra xíꞌin naapóstol.

Hechos 8:19 Iomraidhean Croise

San Juan 5:44

Tá o̱n xi̱in ndó keꞌé ndó ña kóni Ndios, ta saá o̱n kuchiño kandixa ndó yi̱ꞌi̱. Saá chi ndiꞌi mi̱i ndó ndixa sándiꞌi ndó ini ndó ña ndukú ndó ndasaá va̱ꞌa kuchiño kasa káꞌno ndó xíꞌin táꞌan mi̱i ndó. Ta nda̱ loꞌo o̱n vása sándiꞌi ndó ini ndó ña ndukú ndó keꞌé ndó ña xíni̱ ñóꞌó xa̱ꞌa̱ ña kasa káꞌno Ndios ndinoꞌo mi̱i ndó.

Hechos 8:17

Ta̱Pedro xíꞌin ta̱Juan chi̱so ra ndaꞌa̱ ra si̱ni̱ ñii ñii ni̱vi yóꞌo na ka̱ndixa ta̱Jesús, ta saá na̱kiꞌin na Níma̱ Ndios kutaku̱ ña ini ñii ñii na.

Hechos 8:18

Ta ta̱Simón xi̱ni ra ña chi̱so naapóstol ndaꞌa̱ na si̱ni̱ ñii ñii ni̱vi yóꞌo, ta saá Ndios ta̱xi ra Níma̱ ra kutaku̱ ña ini na.

Hechos 8:20

Ta nda̱kuii̱n ta̱Pedro ni̱ka̱ꞌa̱n ra xíꞌin ra: ―Ta, ¡va̱ꞌa ka̱ Ndios ná sandiꞌi ra xa̱ꞌa̱ si̱ꞌún mi̱i ún! Ta, ¡ná sandiꞌi ra xa̱ꞌa̱ mi̱i ún xíꞌin si̱ꞌún! Saá chi ñii ña o̱n váꞌa káꞌno kúu ña xáni ini ún ña kúchiño ún sata ún Níma̱ Ndios xíꞌin si̱ꞌún, chi Níma̱ Ndios o̱n si̱ví ñakíaꞌvi kúu ña, ta ña sáníꞌi Ndios kuiti kúu ña.

3 Juan 1:9

Xa ti̱ꞌví i̱ ñii tutu kua̱ꞌa̱n ña ndaꞌa̱ nañani yó xíꞌin náki̱ꞌva̱ yó na nákutáꞌan xíꞌin ún xa̱ꞌa̱ ña kísa káꞌno ndó Ndios. Ta ta̱Diótrefes kóni ra kuu ra ta̱ káꞌno ní ka̱ no̱o̱ ndiꞌi nañani yó xíꞌin náki̱ꞌva̱ yó na nákutáꞌan ñoo no̱o̱ táku̱ ún, ta xa̱ꞌa̱ ñayóꞌo, o̱n xi̱in ra chikaa̱ so̱ꞌo ra to̱ꞌon ña káꞌa̱n ndi̱, ni o̱n xi̱in ra kasa ndivi ra ña ndúkú ndi̱ no̱o̱ ra.