Hechos 7:36 - Alacatlatzala Mixtec New Testament

³⁶ Ta ta̱Moisés ta̱va ra ni̱vi nañoo Israel ti̱xin ñoo Egipto, ta ke̱e na kua̱ꞌa̱n na xíꞌin ra. Ta saá tá o̱n ta̱ꞌán ka̱ kee na, ta Ndios ta̱xi ra ndee̱ ndaꞌa̱ ta̱Moisés ña ke̱ꞌé ra kua̱ꞌa̱ ní milagro ña sa̱náꞌa ra no̱o̱ naEgipto ndí ta̱ndeé ní kúu Ndios. Ta ki̱vi̱ ni̱xaa̱ nañoo Israel yatin no̱o̱ yóo yuꞌu̱ takuií mi̱ni, ña na̱ní Mar Rojo, ta Ndios ke̱ꞌé ra inka̱ milagro xa̱ꞌa̱ ña kuchiño yaꞌa naIsrael, ta xaa̱ na nda̱ inka̱ xiiña yuꞌu̱ mi̱ni. Ta saá ki̱vi̱ xi̱taku̱ nañoo Israel o̱vi̱ si̱ko̱ kui̱ya̱ no̱o̱ yóo ñoꞌo̱ yi̱chí, ta Ndios ta̱xi ra ndee̱ ndaꞌa̱ ta̱Moisés ña ke̱ꞌé ra víꞌí ní ka̱ milagro xa̱ꞌa̱ ña chindeé ra nañoo Israel.

Hechos 7:36 Iomraidhean Croise

San Juan 4:48

Ta nda̱kuii̱n ta̱Jesús ni̱ka̱ꞌa̱n ra xíꞌin ra, káchí ra saá: ―Ndóꞌó, o̱n xi̱in ndó kandixa ndó yi̱ꞌi̱. Ta̱nda̱ keꞌé i̱ milagro koni ndó, án nda̱ keꞌé i̱ ñava̱ꞌa ña nakaꞌnda ini ndó koni ndó, ta̱nda̱ saá kixáꞌá ndó kandixa ndó yi̱ꞌi̱ ―káchí ta̱Jesús.

Hechos 13:18

Ta saá o̱vi̱ si̱ko̱ kui̱ya̱ ku̱ndeé ini Ndios no̱o̱ ña o̱n váꞌa ke̱ꞌé na ki̱vi̱ ni̱xika na yuku̱ yi̱chí. Ta saá ni, xi̱ndaa ra na ta ki̱sa ma̱ni̱ ra na.

Hechos 7:42

Xa̱ꞌa̱ ñayóꞌo Ndios sa̱ña ra na keꞌé na ña kóni na, ta ta̱xi ra ña kasa káꞌno na ndiꞌi ña ki̱sa va̱ꞌa Ndios ña chi̱ndúꞌu̱ ra koo ñoyívi kaa̱. Ta saá ki̱sa káꞌno na ki̱mi xíꞌin yo̱o̱ ta xíꞌin ño̱ꞌo ña yéꞌe ndiví. Kui̱ya̱ xi̱na̱ꞌá ta̱profeta Amós ni̱taa ra to̱ꞌon Ndios xa̱ꞌa̱ ña ke̱ꞌé na, ta to̱ꞌon Ndios yóꞌo káchí ña saá: Ndios káꞌa̱n ra xíꞌin ni̱vi nañoo Israel, káchí ra saá: “Ña o̱vi̱ si̱ko̱ kui̱ya̱ xi̱taku̱ ndó no̱o̱ ñoꞌo̱ yi̱chí, ¿án ndixa no̱o̱ yi̱ꞌi̱ ni̱so̱ko̱ ndó kiti̱ sa̱na̱ ndó xíꞌin inka̱ ña kómí ndó?

Hebreos 3:8

o̱n kuu ndó ni̱vi na toon ní ini, na o̱n xi̱in koni̱ so̱ꞌo, nda̱tán ni̱xi̱yo naxi̱i̱ síkuá ndó ki̱vi̱ ki̱sa toon ini na ta ni̱‑xiin na chikaa̱ so̱ꞌo na to̱ꞌon ña ni̱ka̱ꞌa̱n Ndios xíꞌin na. Ta xíꞌin ña ke̱ꞌé na saá ki̱vi̱ ni̱xika na yuku̱ yi̱chí, kúu ña xi̱to ndoso na Ndios ña kóni na kunda̱a̱ ini na nda̱ mi̱i xaa̱ Ndios xíꞌin ña kundeé ini ra xíꞌin na.

Hebreos 3:9

Vará naxi̱i̱ síkuá ndó xi̱ni na ndiꞌi ñava̱ꞌa náꞌno ña ke̱ꞌé Ndios xíꞌin na xa̱ꞌa̱ ña chindeé ra na ndiꞌi saá ña o̱vi̱ si̱ko̱ kui̱ya̱ ni̱xika na yuku̱ yi̱chí, ta saá ni, xi̱to ndoso na Ndios xa̱ꞌa̱ ña kóni na kunda̱a̱ ini na yukía̱ keꞌé ra xíꞌin na.

Hebreos 8:9

To̱ꞌon i̱ ñaxa̱á ña kindo̱o i̱ xíꞌin nayóꞌo o̱n vása ñii yóo ña xíꞌin to̱ꞌon ni̱ka̱ꞌa̱n i̱ ki̱ndo̱o i̱ xíꞌin naxi̱i̱ síkuá na kui̱ya̱ xi̱na̱ꞌá, ki̱vi̱ xi̱ndaa i̱ na ta chi̱ndeé i̱ na ña ke̱e na ñoo Egipto. Ta saá ni, kama ní sa̱ndakoo na ña ki̱ndo̱o i̱ xíꞌin na, ta xa̱ꞌa̱ ñayóꞌo o̱n vása ní‑kisa kuenda ka̱ i̱ xíꞌin na.