Hechos 5:9 - Alacatlatzala Mixtec New Testament

⁹ Ta ni̱ka̱ꞌa̱n ta̱Pedro xíꞌin ñá: ―¿Nda̱chun yóꞌó xíꞌin yii̱ ún ni̱xi̱yo yuꞌú ndó ña koto ndoso ndó Níma̱ Ndios? Ta vitin nata̱a kuáchí na ni̱xa̱ꞌa̱n sa̱ndúxu̱n yi̱kí ko̱ñu yii̱ ún xa ndi̱kó na ki̱xaa̱ na ta yíta na yéꞌé. Ta saá tuku nata̱a kuáchí yóꞌo yíta tiꞌva na nakiꞌin na yi̱kí ko̱ñu mi̱i ún ko̱ꞌo̱n ña xíꞌin na ña sandúxu̱n na ña ―káchí ta̱Pedro xíꞌin ñá.

Hechos 5:9 Iomraidhean Croise

San Mateo 4:7

Ta nda̱kuii̱n ta̱Jesús: ―Saá tuku káchí to̱ꞌon Ndios: “O̱n váꞌa koto ndoso yó Ndios” ―káchí ta̱Jesús xíꞌin ñaníma̱ ndiva̱ꞌa.

San Lucas 16:2

Ta saá ta̱kuíká ka̱na ra ta̱ ndíso chiño xíꞌin ñakuíká ra, ta ni̱nda̱ka̱ to̱ꞌon ñaꞌá ra: “¿Án ñanda̱a̱ kúu to̱ꞌon ña ndáto̱ꞌon na xíꞌin i̱ xa̱ꞌa̱ ún? Ta vitin taxi ún ndiꞌi tutu kuenda ndaꞌa̱ i̱, ta o̱n vása kasa chiño ka̱ ún xíꞌin i̱”, káchí ta̱kuíká xíꞌin ra.

Hechos 15:10

Ta vitin, ¿nda̱chun kéꞌé ndó ña sasaa̱ ini Ndios?, chi o̱n xi̱in ndó nakiꞌin va̱ꞌa ndó ndiꞌi ni̱vi na kándixa ta̱Jesús, ñii ki̱ꞌva nda̱tán Ndios nákiꞌin va̱ꞌa ra na. Nda̱ víka̱, xáꞌnda chiño ndó ndí ndiꞌi ni̱vi na kándixa ta̱Jesús xíni̱ ñóꞌó kasa ndivi na ndiꞌi nda̱yí ña ni̱taa ta̱Moisés xi̱na̱ꞌá. Ta ña kasa ndivi na saá, yóo ña nda̱tán yóo ñii ñaveé ní kuiso na. Ta ni mi̱i yó, ta ni naxi̱i̱ síkuá yó, o̱n vása ní‑kundeé yó kuiso yó ñaveé yóꞌo. Ta saá, ¿nda̱chun kóni ndó sakuiso ndó ñaveé yóꞌo sa̱ta̱ ni̱vi na o̱n vása kúu najudío?

Hechos 5:6

Ta saá na̱kuita sava ta̱a kuáchí, ta chi̱tíví na yi̱kí ko̱ñu ta̱Ananías xíꞌin tiko̱to̱, ta kua̱ꞌa̱n na sandúxu̱n na ña.

Romanos 10:15

Ta, ¿ndasaá kuchiño ko̱ꞌo̱n ni̱vi ndato̱ꞌon na to̱ꞌon Ndios no̱o̱ inka̱ ni̱vi, tá o̱n ko̱ó ni̱vi na tiꞌví ñaꞌá ko̱ꞌo̱n na keꞌé na saá? Saá chi to̱ꞌon Ndios ña ni̱taa na xi̱na̱ꞌá káchí ña saá: “¡Livi ka̱ ví káa ña ki̱xaa̱ ni̱vi na ndato̱ꞌon to̱ꞌon va̱ꞌa xíꞌin yó!”, káchí ña.

Romanos 3:19

Mi̱i yó xíni̱ yó ndí nda̱yí Ndios ña ni̱taa na xi̱na̱ꞌá kúu ña xáꞌnda chiño no̱o̱ ndiꞌi ni̱vi na ki̱ndo̱o kasa ndivi ña. Ta Ndios ta̱xi ra nda̱yí yóꞌo ndaꞌa̱ naxi̱i̱ síkuá najudío xa̱ꞌa̱ ña ndiꞌi ni̱vi kunda̱a̱ ini na ndí na ndíso kua̱chi kúu na no̱o̱ Ndios. Saá chi ndiꞌi mi̱i yó najudío xíꞌin ni̱vi na o̱n si̱ví najudío kúu, ñii káchí o̱n vása kísa ndivi yó ndiꞌi nda̱yí Ndios. Ta saá nda̱ ñii ni̱vi o̱n kúchiño ka̱ꞌa̱n na kachí na ndí o̱n vása ndíso na kua̱chi no̱o̱ Ndios.

1 Corintios 10:9

Ta saá o̱n váꞌa koto ndoso yó Jesucristo án ndixa saxo̱ꞌvi̱ ra mi̱i yó xa̱ꞌa̱ ña o̱n váꞌa kéꞌé yó. Saá chi kua̱ꞌa̱ ní naxi̱i̱ síkuá yó xi̱to ndoso na Ndios xi̱na̱ꞌá, ta ni̱xiꞌi̱ kua̱ꞌa̱ ní na ke̱ꞌé saá, chi tíko̱o̱ xati̱ xa̱xi rí na ta ni̱xiꞌi̱ na.