Hechos 3:7 - Alacatlatzala Mixtec New Testament

⁷ Ta ta̱Pedro ti̱in ra ndaꞌa̱ kuaꞌá ta̱a yóꞌo, ta ki̱xáꞌá ra ndáníꞌi ñaꞌá ra, tá mií saá xa̱ndi̱ko̱n na̱koꞌon ndee̱ xa̱ꞌa̱ ra, ta na̱koꞌon ndee̱ si̱ko̱n xa̱ꞌa̱ ra, ta na̱kundichi ra,

Hechos 3:7 Iomraidhean Croise

San Marcos 1:31

Ta saá ta̱Jesús ni̱to̱nda̱a yatin ra no̱o̱ kándúꞌu̱ ñá, ta ti̱in ra ndaꞌa̱ ñá chindeé ra ñá ndakoo ñá. Ta xa̱ndi̱ko̱n sa̱ña kue̱ꞌe̱ xíꞌin ñá ta ndu̱va̱ꞌa ñá, ta ki̱xáꞌá ñá kísa ndivi ñá ña kuxu na.

San Marcos 5:41

Ta ti̱in ra ndaꞌa̱ ñá, ta ni̱ka̱ꞌa̱n ra xíꞌin ñá: ―Talita cumi ―káchí ra. To̱ꞌon aramaico yóꞌo káchí ña: Ñáloꞌo, káꞌa̱n i̱ xíꞌin ún, ndakoo ún.

San Marcos 9:27

Ta ta̱Jesús ti̱in ra ndaꞌa̱ ta̱loꞌo ta nda̱níꞌi ñaꞌá ra, ta na̱kundichi ta̱loꞌo.

San Lucas 13:13

Ta saá chi̱nóo ra ndaꞌa̱ ra sa̱ta̱ ñá, ta xa̱ndi̱ko̱n ndu̱u nda̱kú sa̱ta̱ ñá, ta ki̱xáꞌá ñá kísa káꞌno ñá Ndios.

Hechos 3:6

Ta ta̱Pedro ni̱ka̱ꞌa̱n ra xíꞌin ra: ―O̱n ko̱ó si̱ꞌún níꞌi i̱ taxi i̱ ndaꞌa̱ ún, ta saá ni, yóo ña kómí i̱ ña taxi i̱ ndaꞌa̱ ún vitin. Xíꞌin nda̱yí ki̱vi̱ Jesucristo ta̱ñoo Nazaret, xáꞌnda chiño i̱ no̱o̱ ún nakundichi ún, ta kixáꞌá ún ko̱ꞌo̱n xáꞌá ún vitin ―káchí ta̱Pedro xíꞌin ra.

Hechos 3:8

ta kama ní ki̱xáꞌá ra xíka ra. Ta na̱kiꞌin ra kua̱ꞌa̱n ra xíꞌin ta̱Pedro, ta xíꞌin ta̱Juan, no̱o̱ yoso̱ ndíka̱ ña yóo ke̱ꞌe yéꞌé veꞌe ño̱ꞌo káꞌno. Ta na̱kutú ñasi̱i̱ ini ra, ta ki̱xáꞌá ra kándeta niꞌni ra xíꞌin ña kúsii̱ ní ini ra, ta xíka ra kísa káꞌno ra Ndios.

Hechos 4:16

Ta ni̱ka̱ꞌa̱n táꞌan na, káchí na saá: ―¿Yukía̱ keꞌé yó xíꞌin o̱vi̱ ta̱a yóꞌo vitin? Chi ndiꞌi ni̱vi na táku̱ ñoo Jerusalén yóꞌo xíni̱ na ña ke̱ꞌé na o̱vi̱ ta̱a yóꞌo ñii ñava̱ꞌa káꞌno ní. Ta mi̱i yó o̱n ki̱ví ka̱ꞌa̱n yó kachí yó ndí o̱n si̱ví ñanda̱a̱ kúu ña ke̱ꞌé na ñava̱ꞌa yóꞌo.

Hechos 4:9

¿Án ndixa táxi ndó kua̱chi xa̱ꞌa̱ ndi̱ chi ke̱ꞌé ndi̱ ñava̱ꞌa xíꞌin ñii ta̱a ta̱ xi̱kuu ta̱ o̱n ki̱ví kanda xa̱ꞌa̱? ¿Án ndixa kóni ndó kunda̱a̱ ini ndó ndasaá ndu̱va̱ꞌa xa̱ꞌa̱ ra?

Hechos 9:41

Ta ti̱in ta̱Pedro ndaꞌa̱ ñáyóꞌo ña chi̱ndeé ra ñá na̱kundichi ñá. Ta saá ka̱na ra ndiꞌi ni̱vi na yíta ke̱ꞌe, na kúu na ndíko̱n yichi̱ ta̱Jesús, ta xíꞌin náñaꞌa̱ nándáꞌví ná ni̱xiꞌi̱ yii̱, ta ndu̱kú ra no̱o̱ na ña ki̱ꞌvi na ini veꞌe, ta ni̱ka̱ꞌa̱n ra xíꞌin na, káchí ra saá: ―Yóꞌo yóo ñáTabita, táku̱ ñá vitin.