Hechos 23:5 - Alacatlatzala Mixtec New Testament

⁵ Ta nda̱kuii̱n ta̱Pablo, káchí ra saá: ―Natáꞌan yó, kasa káꞌno ini ndó xa̱ꞌa̱ i̱ chi o̱n vása ní‑xini̱ i̱ tá ta̱yóꞌo kúu ta̱su̱tu̱ káꞌno, saá chi xíni̱ ñóꞌó kasa ndivi yó to̱ꞌon Ndios ña ni̱taa ta̱Moisés xi̱na̱ꞌá, káchí ña saá: “O̱n váꞌa kandiva̱ꞌa yó xíꞌin ta̱a ta̱káꞌno no̱o̱ ñoo yó”, ―káchí ta̱Pablo xíꞌin na.

Hechos 23:5 Iomraidhean Croise

Hechos 23:4

Ta ni̱vi na yíta yatin xíꞌin ta̱Pablo, ni̱ka̱ꞌa̱n na xíꞌin ra, káchí na saá: ―¿Án ta̱a ta̱ o̱n ko̱ó ñato̱ꞌó kómí kúu ún?, chi kándiva̱ꞌa ún xíꞌin ta̱su̱tu̱ káꞌno, ta̱a ta̱ kísa chiño no̱o̱ Ndios.

Hechos 24:17

’Xa yóo o̱vi̱ án u̱ni̱ kui̱ya̱ o̱n vása xáꞌa̱n i̱ ñoo Jerusalén, ta saá ni̱xa̱ꞌa̱n i̱ ñoo yóꞌo, chi níꞌi i̱ si̱ꞌún ña xa na̱kaya i̱ xa̱ꞌa̱ ni̱vi nandáꞌví na táku̱ ñoo Jerusalén, ta kóni i̱ taxi i̱ ña ndaꞌa̱ na. Ta saá tuku mi̱i i̱ kóni i̱ so̱ko̱ i̱ loꞌo ñava̱ꞌa no̱o̱ Ndios veꞌe ño̱ꞌo káꞌno.

2 Pedro 2:10

Ta Ndios saxo̱ꞌvi̱ ka̱ ra ni̱vi na táku̱ kísa ndivi ndiꞌi ña o̱n váꞌa ñakini ña kútoo yi̱kí ko̱ñu mi̱i na, saá chi ni̱vi yóꞌo nda̱ loꞌo o̱n xi̱in na chikaa̱ so̱ꞌo na to̱ꞌon xáꞌnda chiño Ndios no̱o̱ na. Ta nata̱a na sánáꞌa to̱ꞌon Ndios ña na̱sama mi̱i na, sóꞌó ní na, o̱n vása táxi na xíꞌin mi̱i na ña koni̱ so̱ꞌo na ñanda̱a̱. Ta kúu na ni̱vi na ña̱ꞌa ní ini, ta káchí si̱ni̱ mi̱i na ndí kómí na ndee̱ káꞌno ka̱, ta ni o̱n vása yíꞌví na kándiva̱ꞌa na xíꞌin ndee̱ náꞌno ka̱ no̱o̱ na.