Hechos 2:7 - Alacatlatzala Mixtec New Testament

⁷ Ndixa nákaꞌnda ini na no̱o̱ ña xíni̱ so̱ꞌo na, ta káꞌa̱n xíꞌin táꞌan na, káchí na saá: ―¿Nda̱chun va̱ꞌa ní káꞌa̱n nayóꞌo to̱ꞌon mi̱i yó? ¿Án o̱n ndixa kúu nayóꞌo ni̱vi nañoo estado Galilea?

Hechos 2:7 Iomraidhean Croise

San Mateo 21:11

Ta nda̱kuii̱n ni̱vi na kua̱ꞌa̱n xíꞌin ta̱Jesús: ―Ta̱yóꞌo kúu ta̱Jesús, ta̱profeta ta̱ ke̱e ñoo Nazaret estado Galilea ―káchí na.

San Mateo 26:73

Ta ni̱yaꞌa ñii káni̱ loꞌo, ta nani̱vi yíta yóꞌo ni̱to̱nda̱a yatin na no̱o̱ ta̱Pedro, ta ni̱ka̱ꞌa̱n na xíꞌin ra, káchí na saá: ―Ndixa yóꞌó kúu ún ñii ta̱táꞌan ta̱Jesús, chi xíꞌin to̱ꞌon ña káꞌa̱n ún kúnda̱a̱ ini ndi̱ ke̱e ún estado Galilea ―káchí na.

San Mateo 8:10

Ta ta̱Jesús na̱kaꞌnda ini ra xíni̱ so̱ꞌo ra to̱ꞌon yóꞌo, ta ni̱ka̱ꞌa̱n ra xíꞌin ni̱vi na ndóo xíꞌin ra: ―Ndixa káꞌa̱n i̱ xíꞌin ndó, ndiꞌi saá ñoo Israel ta̱ꞌán nakutáꞌan i̱ xíꞌin ñii ta̱a ta̱ kándixa Ndios nda̱tán kándixa ta̱yóꞌo, ta ni o̱n si̱ví ta̱judío kúu ra.

San Marcos 1:27

Ta ndiꞌi na ndóo na̱kaꞌnda ini na xi̱ni na ñayóꞌo, ta ni̱nda̱ka̱ to̱ꞌon xíꞌin táꞌan mi̱i na: ―¿Yukía̱ yóꞌo? ¿Án inka̱ ndee̱ xa̱á sánáꞌa ra mi̱i yó vitin? Kómí ra nda̱yí xáꞌnda chiño ra no̱o̱ níma̱ ndiva̱ꞌa ta kísa ndivi ña ña káꞌa̱n ra ―káchí na.

San Marcos 2:12

Ta xa̱ndi̱ko̱n na̱kundichi ta̱yóꞌo, ta na̱kuso̱kó ra xi̱to ra, ta ke̱e ra kua̱noꞌo̱ ra, xi̱ni ndiꞌi ni̱vi. Ta ndiꞌi nayóꞌo na̱kaꞌnda ní ini na, ta ki̱sa káꞌno ní na Ndios, ni̱ka̱ꞌa̱n na saá: ―¡Ta̱ꞌán koni yó ñava̱ꞌa yóꞌo! ―káchí na.

San Juan 7:52

Ta nda̱kuii̱n na, ni̱ka̱ꞌa̱n na xíꞌin ra: ―¿Án yóꞌó kúu ta̱táꞌan ra? ¿Án ta̱ñoo Galilea kúu yóꞌó xíꞌin ra? Xíni̱ ñóꞌó kaꞌvi va̱ꞌa ún to̱ꞌon Ndios ña ni̱taa na xi̱na̱ꞌá, ta saá kunda̱a̱ ini ún ndí nda̱ ñii ta̱profeta o̱n ta̱ꞌán kee ra ñoo estado Galilea ―káchí na xíꞌin ta̱Nicodemo.

Hechos 1:11

ta o̱vi̱ nata̱a yóꞌo ni̱ka̱ꞌa̱n na xíꞌin na, káchí na saá: ―Ndóꞌó, nata̱a nañoo estado Galilea, ¿nda̱chun yíta ndó xíto ndaa ndó ñoyívi ni̱no? Chi Ndios xa na̱kiꞌin tuku ra ta̱Jesús, kua̱noꞌo̱ ra ñoyívi ni̱no vitin. Ta nda̱tán nda̱a ra kua̱noꞌo̱ ra ñoyívi ni̱no vitin, ñii ki̱ꞌva saá ñii ki̱vi̱ va̱xi tuku ndikó ra kixi ra ñoyívi yóꞌo ―káchí o̱vi̱ nata̱a yóꞌo xíꞌin naapóstol na yíta yóꞌo.

Hechos 2:12

Tá na̱kaꞌnda ini na ndóo na, ta káꞌa̱n na ndáka̱ to̱ꞌon xíꞌin táꞌan na, káchí na saá: ―¿Yukía̱ kóni kachí ñayóꞌo?, chi o̱n ko̱ó ñayóꞌo ní‑xiyo ―káchí na.

Hechos 2:8

¿Ndasaá va̱ꞌa kúchiño ka̱ꞌa̱n nayóꞌo kua̱ꞌa̱ ní no̱o̱ to̱ꞌon ña kúu to̱ꞌon ñii ñii ñoo no̱o̱ ki̱xi yó?

Hechos 3:10

Ta xíꞌin ña xíto ni̱vi ndu̱va̱ꞌa ta̱a yóꞌo, ta ndixa na̱kaꞌnda ini na, ta̱nda̱ yíꞌví na ndóo na, chi na̱koni na ta̱yóꞌo xi̱kuu ta̱a ta̱ o̱n vása ní‑kivi kanda xa̱ꞌa̱, ta xi̱ndúꞌu̱ ra yéꞌé ña na̱ní Yéꞌé Livi, ña xi̱nda̱ka̱ chiꞌña ra si̱ꞌún no̱o̱ ni̱vi.