Hechos 19:13 - Alacatlatzala Mixtec New Testament

¹³ Ta ni̱xi̱yo sava ni̱vi najudío na kúu na nákuati xa̱ꞌa̱ ña táva na níma̱ ndiva̱ꞌa. Vará na nákuati yóꞌo o̱n vása kándixa na ta̱Jesús, ta káꞌa̱n na tava na níma̱ ndiva̱ꞌa xíꞌin ki̱vi̱ ta̱Jesús. Káꞌa̱n na xíꞌin níma̱ ndiva̱ꞌa, káchí na saá: ―Xíꞌin ndee̱ ki̱vi̱ ta̱Jesús, ta̱a ta̱ káꞌa̱n ta̱Pablo xa̱ꞌa̱, xáꞌnda chiño ndi̱ no̱o̱ ndó ña kee ndó ini ni̱vi yóꞌo ―káchí na xíꞌin níma̱ ndiva̱ꞌa.

Hechos 19:13 Iomraidhean Croise

San Mateo 12:27

Mi̱i ndó káꞌa̱n ndó ndí xíꞌin ndee̱ ñaníma̱ ndiva̱ꞌa káꞌno táva i̱ ñandiva̱ꞌa. Tá ndixa saá xáni ini ndó, ta na ndíko̱n sa̱ta̱ ndó na táva ñandiva̱ꞌa, ¿míchí va̱xi ndee̱ nayóꞌo táva na ñandiva̱ꞌa? Na ndíko̱n sa̱ta̱ ndó kachí na o̱n si̱ví ndee̱ ñaníma̱ ndiva̱ꞌa káꞌno kúu ña kómí na kivi tava na ñandiva̱ꞌa. Ta saá kixaa̱ ñii ki̱vi̱ na ndíko̱n sa̱ta̱ mi̱i ndó yóꞌo kuu na kasa nani xa̱ꞌa̱ kua̱chi ndíso ndó chi ñavatá káꞌa̱n ndó xa̱ꞌa̱ i̱.

San Mateo 26:63

Ta ta̱Jesús tási̱ín yóo ra, o̱n vása ní‑ndakuii̱n ra. Ta tuku ni̱ka̱ꞌa̱n ta̱káꞌno no̱o̱ nasu̱tu̱ xíꞌin ra: ―Ta xáꞌnda chiño i̱ no̱o̱ ún chináꞌa ún Ndios ta̱táku̱, ta ka̱ꞌa̱n ún ñanda̱a̱ xíꞌin ndi̱, ¿án Cristo ta̱ ti̱ꞌví Ndios kúu ún? ¿Án ndixa Sa̱ꞌya Ndios kúu ún? ―káchí ra.

San Marcos 5:7

Ta ki̱xáꞌá ñaníma̱ ndiva̱ꞌa ña kómí ra xíꞌin ndiꞌi ndee̱ ña ni̱ka̱ꞌa̱n ña, ta káchí ña saá: ―¿Yukía̱ kóni ún keꞌé ún xíꞌin i̱? Chi yóꞌó ta̱Jesús kúu Sa̱ꞌya Ndios ta̱Káꞌno. Ta̱nda̱ no̱o̱ Ndios káꞌa̱n i̱ xíꞌin ún, o̱n saxo̱ꞌvi̱ ún yi̱ꞌi̱ ―káchí ña xíꞌin ta̱Jesús.

San Marcos 9:38

Ta ni̱ka̱ꞌa̱n ta̱Juan xíꞌin ta̱Jesús: ―Tata Maestro, xi̱ni ndi̱ ñii ta̱a táva ra níma̱ ndiva̱ꞌa. Xáꞌnda chiño ra no̱o̱ níma̱ ndiva̱ꞌa xíꞌin nda̱yí ún, káchí ra. Ta ni̱ka̱ꞌa̱n ndi̱ xíꞌin ra sandakoo ra ña kéꞌé ra saá, chi o̱n si̱ví ta̱ ndíko̱n sa̱ta̱ ún xíꞌin ndi̱ kúu ra.

San Lucas 11:19

Ta yi̱ꞌi̱, tá xíꞌin ndee̱ ñaníma̱ ndiva̱ꞌa káꞌno táva i̱ níma̱ ndiva̱ꞌa, níkúu, ta ni̱vi na ndíko̱n sa̱ta̱ ndó, ¿míchí va̱xi ndee̱ na táva na níma̱ ndiva̱ꞌa? Na ndíko̱n sa̱ta̱ ndó káchí na o̱n si̱ví ndee̱ níma̱ ndiva̱ꞌa káꞌno kúu ña kómí na kivi tava na níma̱ ndiva̱ꞌa. Ta saá kixaa̱ ñii ki̱vi̱ ni̱vi na ndíko̱n sa̱ta̱ mi̱i ndó yóꞌo kuu na kasa nani xa̱ꞌa̱ kua̱chi ndíso ndó, chi ñavatá káꞌa̱n ndó xa̱ꞌa̱ i̱.

San Lucas 9:49

Ta ni̱ka̱ꞌa̱n ta̱Juan xíꞌin ta̱Jesús: ―Tata Maestro, xi̱ni ndi̱ ñii ta̱a táva ra níma̱ ndiva̱ꞌa. Xáꞌnda chiño ra no̱o̱ níma̱ ndiva̱ꞌa xíꞌin nda̱yí ún, káchí ra. Ta ni̱ka̱ꞌa̱n ndi̱ xíꞌin ra sandakoo ra ña kéꞌé ra saá, chi o̱n si̱ví ta̱ ndíko̱n sa̱ta̱ ún xíꞌin ndi̱ kúu ra ―káchí ra xíꞌin ta̱Jesús.

Hechos 19:14

Ta sava nata̱a na nákuati yóꞌo kúu u̱xa̱ sa̱ꞌya ñii ta̱a ta̱ na̱ní Esceva, ta̱a ta̱judío kúu ra, ta kúu ra ñii ta̱su̱tu̱ káꞌno.

2 Corintios 11:4

Ndixa ndíꞌi ní ini i̱ xa̱ꞌa̱ ndó, chi tá kíxaa̱ ni̱vi no̱o̱ ndó ta káꞌa̱n na xíꞌin ndó xa̱ꞌa̱ inka̱ Jesucristo ta̱ o̱n si̱ví ní‑kaꞌa̱n ndi̱ xíꞌin ndó xa̱ꞌa̱ kúu ra, ta xíꞌin ñasi̱i̱ ini ndó nákiꞌin ndó to̱ꞌon ña vatá ña káꞌa̱n ni̱vi yóꞌo. Ta saá xíꞌin ñasi̱i̱ ní ini ndó nákiꞌin ndó inka̱ níma̱ ña o̱n si̱ví Níma̱ Ndios ndinoꞌo ña xa na̱kiꞌin ndó kúu. Ta ñii ki̱ꞌva saá, tá kíxaa̱ ni̱vi no̱o̱ ndó ta káꞌa̱n ndoso na inka̱ to̱ꞌon xa̱ꞌa̱ Jesucristo, ta to̱ꞌon yóꞌo o̱n si̱ví ñii yuꞌú yóo ña xíꞌin to̱ꞌon va̱ꞌa ña nda̱a̱ ña xa ka̱ndixa ndó, ta saá xíꞌin ñasi̱i̱ ní ini ndó nákiꞌin ndó to̱ꞌon vatá ña káꞌa̱n ni̱vi yóꞌo.