Hechos 18:13 - Alacatlatzala Mixtec New Testament

¹³ Ta no̱o̱ ta̱gobernador Galión yóꞌo, ta̱xi na kua̱chi xa̱ꞌa̱ ta̱Pablo, ni̱ka̱ꞌa̱n na, káchí na saá: ―Ta̱yóꞌo kúu ta̱a ta̱ chúꞌu ni̱vi ña yaꞌa ndoso na nda̱yí ndi̱, chi káchí ra ndí o̱n vása va̱ꞌa kasa to̱ꞌó ni̱vi Ndios ñii ki̱ꞌva nda̱tán yóo ña xa̱ꞌnda chiño naxi̱i̱ síkuá ndi̱ xi̱na̱ꞌá ―káchí na xíꞌin ta̱gobernador.

Hechos 18:13 Iomraidhean Croise

San Juan 19:7

Ta ñii toon káꞌa̱n najudío, káchí na saá: ―Kómí ndi̱ nda̱yí ña káchí xíni̱ ñóꞌó kivi̱ ra, chi káꞌa̱n ra ndí mi̱i ra kúu Sa̱ꞌya Ndios ―káchí na xíꞌin ta̱Pilato.

Hechos 18:15

Ta ñayóꞌo o̱n si̱ví kua̱chi xa̱ꞌa̱ gobierno Roma kúu ña, chi kuiti náa ndó xa̱ꞌa̱ to̱ꞌon, ta xa̱ꞌa̱ ki̱vi̱ ni̱vi, ta xa̱ꞌa̱ nda̱yí mi̱i ndó najudío. Ta yi̱ꞌi̱ o̱n ki̱ví kasa nani i̱ xa̱ꞌa̱ kua̱chi yóꞌo, saá chi kua̱chi mi̱i ndó kúu ña, ta mi̱i ndó xíni̱ ñóꞌó kasa nani ndó ña ―káchí ta̱Galión xíꞌin najudío.

Hechos 18:4

Ta saá ndiꞌi ki̱vi̱ yi̱i̱ ña nákindée najudío, ta̱Pablo xáꞌa̱n ra veꞌe ño̱ꞌo sinagoga, ta ndáto̱ꞌon ra xíꞌin najudío ta xíꞌin nagriego, ta kísa nda̱a̱ ra to̱ꞌon va̱ꞌa xa̱ꞌa̱ ta̱Jesús no̱o̱ na, ta chíkaa̱ ra ndee̱ ña noo ini na, ta kandixa na ta̱Jesús.

Hechos 21:28

Ta ñii ndeé síso̱ na ndáꞌyi na, káchí na saá: ―Naꞌa ndó, natáꞌan yó nañoo Israel, chindeé ndó ndi̱ꞌi̱ ña ná tiin yó ta̱a yóꞌo, chi ta̱a ta̱ o̱n vása va̱ꞌa kúu ra. Saá chi kúu ra ta̱a ta̱ xíka ndiꞌi xiiña ta kándiva̱ꞌa ra xa̱ꞌa̱ nañoo yó, ta sánáꞌa ra ndiꞌi ni̱vi ndí ña o̱n váꞌa kúu ña kísa to̱ꞌó ka̱ na nda̱yí Ndios ña ni̱taa ta̱Moisés. Kándiva̱ꞌa ra xa̱ꞌa̱ veꞌe ño̱ꞌo káꞌno yóꞌo, ta vitin ki̱xaa̱ ra kísa kini ra ini veꞌe ño̱ꞌo yóꞌo, chi ta̱xi ra ni̱ki̱ꞌvi ni̱vi na o̱n vása kúu najudío ini veꞌe ño̱ꞌo yi̱i̱ yóꞌo ―káchí nayóꞌo, sásaa̱ na ini ni̱vi.

Hechos 25:8

Ta saá ki̱xáꞌá ta̱Pablo káꞌa̱n ra ndákuii̱n ra xa̱ꞌa̱ mi̱i ra, ta káchí ra saá: ―O̱n ko̱ó kua̱chi ndeé ndíso i̱, ta o̱n si̱ví ñanda̱a̱ kúu ña káꞌa̱n nayóꞌo, sákuiso na kua̱chi sa̱ta̱ i̱. Nda̱ loꞌo o̱n vása ní‑yaꞌa ndoso i̱ no̱o̱ nda̱yí najudío, ni o̱n vása ní‑keꞌé i̱ ña o̱n váꞌa ña chíkaa̱ ni̱no̱ ñayi̱i̱ veꞌe ño̱ꞌo káꞌno ñoo Jerusalén, ni o̱n vása ní‑yaꞌa ndoso i̱ no̱o̱ ña xáꞌnda chiño ta̱rey César ―káchí ta̱Pablo, nda̱kuii̱n ra xa̱ꞌa̱ mi̱i ra no̱o̱ ta̱gobernador Festo.

Hechos 6:13

Ta saá ti̱ꞌví na ni̱vi na vatá, kua̱ꞌa̱n na ta ki̱xaa̱ na no̱o̱ naJunta Suprema, ta nda̱kuii̱n na, ni̱ka̱ꞌa̱n na to̱ꞌon vatá, káchí na saá: ―Ndiꞌi saá ki̱vi̱ ta̱Esteban yóꞌo nda̱ loꞌo o̱n vása sándakoo ra káꞌa̱n ra to̱ꞌon ndiva̱ꞌa xa̱ꞌa̱ veꞌe ño̱ꞌo káꞌno yi̱i̱, ta ñii ki̱ꞌva saá o̱n vása sándakoo ra káꞌa̱n ra to̱ꞌon ndiva̱ꞌa xa̱ꞌa̱ nda̱yí Ndios ña ni̱taa ta̱Moisés xi̱na̱ꞌá.