Hechos 16:17 - Alacatlatzala Mixtec New Testament

¹⁷ Ta ñáloꞌo yóꞌo ki̱xáꞌá ñá ndíko̱n ñá sa̱ta̱ ta̱Pablo xíꞌin ndi̱ꞌi̱, na kúu na nátaꞌan xíꞌin ra, ta tuku tuku ndáꞌyi ñá káꞌa̱n ñá, káchí ñá saá: ―Nata̱a yóꞌo kúu na xíka chiño no̱o̱ Ndios, ta̱a ta̱ kúu ta̱Káꞌno ka̱ no̱o̱ ndiꞌi ña yóo. Nata̱a yóꞌo ndáto̱ꞌon na xíꞌin ndó yu kúu yichi̱ va̱ꞌa xíni̱ ñóꞌó kundiko̱n ndó ña saka̱ku Ndios ndóꞌó ―káchí ñá, ndáꞌyi ñá.

Hechos 16:17 Iomraidhean Croise

San Mateo 22:16

Ta ti̱ꞌví na na ndíko̱n sa̱ta̱ na xíꞌin na ndíko̱n partido ta̱Herodes, ta ki̱xaa̱ na no̱o̱ ta̱Jesús, ta ni̱ka̱ꞌa̱n na saá xíꞌin ra: ―Tata maestro, xíni̱ ndi̱ yóꞌó kúu ún ta̱a ta̱ káꞌa̱n ñanda̱a̱, ta sánáꞌa ún ñanda̱a̱ xa̱ꞌa̱ yichi̱ Ndios. Ta o̱n vása ndíꞌi ini ún ña káꞌa̱n ni̱vi xa̱ꞌa̱ ña sánáꞌa ún, ta o̱n vása náka̱xin ún ni̱vi, ta ñii ki̱ꞌva káꞌa̱n ún xíꞌin ndiꞌi na.

San Mateo 8:29

Ta o̱vi̱ ta̱yóꞌo xi̱ni na va̱xi ta̱Jesús, ta ki̱xáꞌá ñandiva̱ꞌa ña kómí na xíꞌin ndiꞌi ndee̱ ña ni̱ka̱ꞌa̱n ña, ta káchí ña saá: ―¿Yukía̱ kóni ún keꞌé ún xíꞌin ndi̱ vitin?, chi yóꞌó ta̱Jesús kúu Sa̱ꞌya Ndios. ¿Án ki̱xaa̱ ún vitin saxo̱ꞌvi̱ ún ndi̱ꞌi̱?, saá chi ta̱ꞌán kixaa̱ ki̱vi̱ ña kasa nani Ndios xa̱ꞌa̱ kua̱chi ―káchí ña xíꞌin ta̱Jesús.

San Marcos 1:24

―Yóꞌó kúu Jesús ta̱ñoo Nazaret, ta, ¿nda̱chun sándiꞌi ún ndi̱ꞌi̱? ¿Án xa ki̱xaa̱ ún sandiꞌi ún xa̱ꞌa̱ ndi̱? Xíni̱ va̱ꞌa i̱ yu kúu ún, yóꞌó kúu Ta̱a ta̱Yi̱i̱ ta̱ ki̱xi no̱o̱ Ndios ―káchí ña xíꞌin ra.

San Marcos 12:14

Ta ki̱xaa̱ na no̱o̱ ta̱Jesús, ta ni̱ka̱ꞌa̱n na siꞌa xíꞌin ra: ―Tata maestro, xíni̱ ndi̱ yóꞌó kúu ún ta̱a ta̱ káꞌa̱n ñanda̱a̱, ta o̱n vása ndíꞌi ini ún ña káꞌa̱n ni̱vi xa̱ꞌa̱ ña sánáꞌa ún, ta o̱n vása náka̱xin ún ni̱vi, ta ñii ki̱ꞌva káꞌa̱n ún xíꞌin ndiꞌi na. Sánáꞌa ún ñanda̱a̱ xa̱ꞌa̱ yichi̱ Ndios. Ta vitin kóni ndi̱ nda̱ka̱ to̱ꞌon ndi̱ yóꞌó, ¿án va̱ꞌa chaꞌvi yó kota no̱o̱ ta̱rey César ñoo Roma? ¿Án o̱n váꞌa chaꞌvi yó ña? ―káchí na xíꞌin ra.

San Marcos 5:7

Ta ki̱xáꞌá ñaníma̱ ndiva̱ꞌa ña kómí ra xíꞌin ndiꞌi ndee̱ ña ni̱ka̱ꞌa̱n ña, ta káchí ña saá: ―¿Yukía̱ kóni ún keꞌé ún xíꞌin i̱? Chi yóꞌó ta̱Jesús kúu Sa̱ꞌya Ndios ta̱Káꞌno. Ta̱nda̱ no̱o̱ Ndios káꞌa̱n i̱ xíꞌin ún, o̱n saxo̱ꞌvi̱ ún yi̱ꞌi̱ ―káchí ña xíꞌin ta̱Jesús.

San Lucas 1:77

Ta sanáꞌa ún ni̱vi ndasaá koo ña saka̱ku Ndios ni̱vi na ndíko̱n ñaꞌá, chi kasa káꞌno ini ra xa̱ꞌa̱ kua̱chi na.

San Lucas 1:79

Saá chi keꞌé ra ña nayeꞌe ñoꞌo̱ no̱o̱ ni̱vi na xíka yichi̱ naa no̱o̱ yóo ña o̱n váꞌa, ta saá kuchiño nakiꞌin na ko̱ꞌo̱n na yichi̱ va̱ꞌa, ta kunakaa̱ ñava̱ꞌa ini na, káchí ta̱Zacarías xíꞌin tikuáꞌá loꞌo sa̱ꞌya ra.

San Lucas 20:21

Saá ki̱xaa̱ na no̱o̱ ta̱Jesús, ta ni̱ka̱ꞌa̱n na xíꞌin ra: ―Tata maestro, xíni̱ ndi̱ yóꞌó kúu ún ta̱a ta̱ sánáꞌa ñanda̱a̱. Ta o̱n vása náka̱xin ún ni̱vi, ta ñii ki̱ꞌva káꞌa̱n ún ñanda̱a̱ xíꞌin ndiꞌi na, ni o̱n vása násama ún to̱ꞌon ún, ta sánáꞌa ún ñanda̱a̱ xa̱ꞌa̱ yichi̱ Ndios.

San Lucas 4:34

―Yóꞌó kúu ta̱Jesús ta̱ñoo Nazaret, ta, ¿nda̱chun sándiꞌi ún ndi̱ꞌi̱? ¿Án xa ki̱xaa̱ ún sandiꞌi ún xa̱ꞌa̱ ndi̱ vitin? Xíni̱ va̱ꞌa i̱ yu kúu ún, yóꞌó kúu Ta̱a ta̱Yi̱i̱ ta̱ ki̱xi no̱o̱ Ndios ―káchí ña xíꞌin ta̱Jesús.

San Lucas 4:41

Ta ta̱va ra kua̱ꞌa̱ ní níma̱ ndiva̱ꞌa xi̱komí sava na. Tá ke̱e níma̱ ndiva̱ꞌa ni̱vi, ta xíꞌin to̱ꞌon ndason ni̱ka̱ꞌa̱n ña xíꞌin ta̱Jesús, káchí ña saá: ―Yóꞌó kúu Sa̱ꞌya Ndios ―káchí ña. Ta ta̱Jesús o̱n vása ní‑taxi ra ka̱ꞌa̱n ka̱ ñaníma̱ ndiva̱ꞌa, chi xíni̱ ña Cristo kúu ra.

San Lucas 8:28

Tá xi̱ni ra ta̱Jesús, ta ni̱xaa̱ ra xi̱kuxítí ra no̱o̱ ta̱Jesús, ta xíꞌin ndiꞌi ndee̱ ra ni̱ka̱ꞌa̱n ra: ―¿Yukía̱ kóni ún keꞌé ún xíꞌin i̱? Chi yóꞌó ta̱Jesús kúu Sa̱ꞌya Ndios ta̱Káꞌno. Ta xáku ndáꞌví i̱ no̱o̱ ún ndí o̱n saxo̱ꞌvi̱ ún yi̱ꞌi̱ ―káchí ra xíꞌin ta̱Jesús.

San Juan 14:6

Ta nda̱kuii̱n ta̱Jesús, ni̱ka̱ꞌa̱n ra xíꞌin ra: ―Yi̱ꞌi̱ kúu yichi̱ ña kuchiño xaa̱ ni̱vi no̱o̱ Ndios, ta yi̱ꞌi̱ kúu no̱o̱ káku ñanda̱a̱ ndinoꞌo, ta yi̱ꞌi̱ kúu ndee̱ ña táxi kutaku̱ ndinoꞌo ni̱vi. O̱n ko̱ó inka̱ yichi̱ ña kuchiño xaa̱ ni̱vi no̱o̱ Ndios: ñii la̱á yi̱ꞌi̱ kúu yichi̱ ña taxi xaa̱ ni̱vi no̱o̱ Ndios ta kutaku̱ na xíꞌin ra.

Hechos 18:26

Ta nda̱ loꞌo o̱n vása yíꞌví ta̱Apolos káꞌa̱n ndoso ra to̱ꞌon Ndios no̱o̱ ni̱vi na nákutáꞌan veꞌe ño̱ꞌo sinagoga. Ta ñáPriscila xíꞌin ta̱Aquila xi̱ni̱ so̱ꞌo na to̱ꞌon ña káꞌa̱n ta̱Apolos sánáꞌa ra ni̱vi, ta saá ka̱na na ta̱Apolos, ta ni̱xa̱ꞌa̱n ra xíꞌin na no̱o̱ o̱n ko̱ó ni̱vi, ta nda̱to̱ꞌon káxín na xíꞌin ra ña kunda̱a̱ va̱ꞌa ka̱ ini ra xa̱ꞌa̱ yichi̱ Ndios.

Hechos 19:13

Ta ni̱xi̱yo sava ni̱vi najudío na kúu na nákuati xa̱ꞌa̱ ña táva na níma̱ ndiva̱ꞌa. Vará na nákuati yóꞌo o̱n vása kándixa na ta̱Jesús, ta káꞌa̱n na tava na níma̱ ndiva̱ꞌa xíꞌin ki̱vi̱ ta̱Jesús. Káꞌa̱n na xíꞌin níma̱ ndiva̱ꞌa, káchí na saá: ―Xíꞌin ndee̱ ki̱vi̱ ta̱Jesús, ta̱a ta̱ káꞌa̱n ta̱Pablo xa̱ꞌa̱, xáꞌnda chiño ndi̱ no̱o̱ ndó ña kee ndó ini ni̱vi yóꞌo ―káchí na xíꞌin níma̱ ndiva̱ꞌa.

1 Pedro 2:16

Nda̱tán yóo ni̱vi na xíka ndíka̱, saá táku̱ ndó. Chi o̱n si̱ví ka̱ nda̱yí kúu ña xáꞌnda chiño no̱o̱ ndó. Ta saá vitin táku̱ ndíka̱ ndó xa̱ꞌa̱ ña kasa ndivi ndó ña kóni Ndios, ta o̱n váꞌa ndikó ndó kasa ndivi ndó ña xáꞌnda chiño ña o̱n váꞌa. Va̱ꞌa kasa ndivi ndó chiño ña kóni Ndios, chi ni̱vi na kísa chiño no̱o̱ Ndios kúu ndó.

2 Pedro 2:2

Ta kua̱ꞌa̱ ní ni̱vi kasa ndivi na ndiꞌi no̱o̱ ña o̱n váꞌa xíꞌin ñakini, nda̱tán yóo ña táku̱ nata̱a na sánáꞌa yóꞌo. Ta inka̱ ni̱vi na o̱n xi̱in kandixa Jesucristo koto na ña o̱n váꞌa kéꞌé nata̱a yóꞌo, ta saá ka̱ꞌa̱n ndiva̱ꞌa na xa̱ꞌa̱ yichi̱ ña nda̱a̱.