Hechos 13:11 - Alacatlatzala Mixtec New Testament

¹¹ Ta xa̱ꞌa̱ ñayóꞌo, vitin Ndios saxo̱ꞌvi̱ ra yóꞌó, ta kukuáá nduchu̱ no̱o̱ ún ña o̱n kívi ka̱ koto ún ndasaá yéꞌe ño̱ꞌo ndiví, ta saá koo ún nda̱ kixaa̱ ki̱vi̱ ña chi̱tóni̱ Ndios sandúva̱ꞌa ra nduchu̱ no̱o̱ ún ―káchí ta̱Pablo xíꞌin ta̱Elimas. Ta xa̱ndi̱ko̱n saá ki̱xaa̱ ña ku̱naa no̱o̱ ta̱Elimas, chi ku̱kuáá nduchu̱ no̱o̱ ra. Saá chi nda̱ loꞌo ka̱ o̱n vása tívi xíto ra, ta̱nda̱ xíka kuáá ndaꞌa̱ ra, ndúkú ra ni̱vi ña tiin na ndaꞌa̱ ra ta kuniꞌi na yichi̱ ra ko̱ꞌo̱n ra.

Hechos 13:11 Iomraidhean Croise

San Juan 9:39

Ta ta̱Jesús ni̱ka̱ꞌa̱n ra, káchí ra saá: ―Ki̱xaa̱ i̱ ñoyívi yóꞌo xa̱ꞌa̱ ña sanati̱vi i̱ ndasaá yóo ini ni̱vi, án ni̱vi na kándixa ñanda̱a̱ kúu na, án ni̱vi na o̱n xi̱in kandixa ñanda̱a̱ kúu na. Ta saá ni̱vi na o̱n ki̱ví koto, chi ndixa nakuáá kúu na, sandaꞌa i̱ nduchu̱ no̱o̱ nayóꞌo ña va̱ꞌa koto na. Ta ni̱vi na va̱ꞌa xíto, tá o̱n xi̱in na kandixa na to̱ꞌon ña nda̱a̱, ta nayóꞌo kua̱ꞌa̱n na yichi̱ o̱n váꞌa ña kúu no̱o̱ naa, ta to̱nda̱a na koo na nda̱tán yóo ni̱vi nakuáá.

Hechos 9:17

Ta saá ke̱e ta̱Ananías kua̱ꞌa̱n ra ta ni̱xaa̱ ra veꞌe no̱o̱ yóo ta̱Saulo, ta ni̱ki̱ꞌvi ra ini veꞌe yóꞌo. Tá xi̱ni ra ta̱Saulo, ta chi̱so ra ndaꞌa̱ ra si̱ni̱ ra, ta ni̱ka̱ꞌa̱n ra xíꞌin ra, káchí ra saá: ―Ñani i̱ Saulo, ta̱Jesús, Ta̱a ta̱Káꞌno no̱o̱ yó, kúu ta̱a ta̱ na̱kutáꞌan xíꞌin ún yichi̱, ta mi̱i ta̱Jesús yóꞌo ti̱ꞌví ra yi̱ꞌi̱ va̱xi i̱ xa̱ꞌa̱ ña va̱ꞌa nakoto tuku nduchu̱ no̱o̱ ún, ta ti̱ꞌví ra yi̱ꞌi̱ xa̱ꞌa̱ ña sakutú ra ini ún xíꞌin Níma̱ Ndios ―káchí ta̱Ananías xíꞌin ta̱Saulo.

Romanos 11:25

Nañani yó xíꞌin náki̱ꞌva̱ yó, na o̱n vása kúu najudío, nda̱ loꞌo o̱n váꞌa ña kani si̱ni̱ ndó ndí ndóꞌó kúu na ndáya̱ꞌví ní ka̱ no̱o̱ najudío xa̱ꞌa̱ ña Ndios na̱kiꞌin ra ndóꞌó. Saá chi vitin ña ni̱‑xiin najudío chikaa̱ so̱ꞌo na to̱ꞌon Ndios kúu ña kundivi ña chi̱tóni̱ Ndios. Vará ña chi̱tóni̱ Ndios yóꞌo xi̱nakaa̱ seꞌé ña no̱o̱ yó, ta vitin Ndios táxi ra ña kúnda̱a̱ ini yó xa̱ꞌa̱ ña. Chi Ndios chi̱tóni̱ ra saá: Sava najudío nduu na ni̱vi nasóꞌó ní ta kutaku̱ xíká na no̱o̱ Ndios kua̱ꞌa̱ ní ki̱vi̱. Saá chi kua̱ꞌa̱ ní ka̱ ni̱vi na o̱n vása kúu najudío xíni̱ ñóꞌó ki̱ꞌvi na yichi̱ Ndios, ta Ndios ndáti ra ña ndiꞌi ki̱ꞌvi nayóꞌo,

Hebreos 10:31

¡Yi̱yo ní ki̱vi̱ ña va̱xi ndí Ndios, ta̱a ta̱táku̱ ndinoꞌo, saxo̱ꞌvi̱ ra ni̱vi xa̱ꞌa̱ kua̱chi na!

2 Pedro 2:17

Nata̱a o̱n váꞌa yóꞌo yóo na nda̱tán yóo pozo yi̱chí ña o̱n ko̱ó takuií kómí, ta yóo na nda̱tán yóo vi̱ko̱ ña sándachí ta̱chi̱ naꞌá kua̱ꞌa̱n ña no̱o̱ chíndaꞌá ta̱chi̱ yóꞌo ña. Ta Ndios kasa nani ra xa̱ꞌa̱ nata̱a yóꞌo, ta tiꞌví ra na ko̱ꞌo̱n na no̱o̱ naa ní ña xo̱ꞌvi̱ na ndiꞌi saá ki̱vi̱.