Hechos 10:14 - Alacatlatzala Mixtec New Testament

¹⁴ Ta nda̱kuii̱n ta̱Pedro, ni̱ka̱ꞌa̱n ra: ―Tata, o̱n ki̱ví keꞌé i̱ saá ña kuxu i̱ kiti̱ yóꞌo, chi nda̱ ki̱vi̱ vitin nda̱ loꞌo o̱n vása ní‑xixi i̱ ko̱ñu kiti̱ tí káꞌa̱n nda̱yí ña ni̱taa ta̱Moisés ndí kúu rí kiti̱ tí kini no̱o̱ Ndios ―káchí ta̱Pedro.

Hechos 10:14 Iomraidhean Croise

San Mateo 15:11

Ña xíxi ni̱vi ta ña kíꞌvi yuꞌu̱ na, ta o̱n vása ndása ña nduu ni̱vi na ya̱kua̱ no̱o̱ Ndios. Ta to̱ꞌon ña o̱n váꞌa va̱xi yuꞌu̱ ni̱vi, ta ñayóꞌo ndása ña nduu ni̱vi na ya̱kua̱ no̱o̱ Ndios ―káchí ta̱Jesús xíꞌin na.

San Mateo 16:22

Ta saá ta̱Pedro ta̱va síín ñaꞌá ra, ta ki̱xáꞌá ra ni̱na̱a ra xíꞌin ta̱Jesús xa̱ꞌa̱ ña ni̱ka̱ꞌa̱n ra, ta ta̱Pedro ni̱ka̱ꞌa̱n ra, káchí ra saá xíꞌin ta̱Jesús: ―¡Ná o̱n taxi Ndios kundoꞌo ún ñayóꞌo, Tata! ¡Nda̱ ñii ki̱vi̱ o̱n kundoꞌo ún saá!

San Mateo 25:9

Ta nda̱kuii̱n násíꞌí ná xa yóo tiꞌva: “O̱n kúchiño taxi ndi̱ aceite, chi o̱n kunani ña koni̱ ñóꞌó ndóꞌó xíꞌin ndi̱ꞌi̱. Va̱ꞌa ka̱ kua̱ꞌa̱n ndó no̱o̱ síkó na aceite ta sata ndó ña koni̱ ñóꞌó mi̱i ndó”, káchí ná.

San Mateo 8:2

Ta ki̱xaa̱ ñii ta̱a ta̱ ndeé ní ndóꞌo kue̱ꞌe̱ táꞌyí ña na̱ní lepra. Ki̱xaa̱ ra xi̱kuxítí ra no̱o̱ ta̱Jesús, ta káchí ra saá xíꞌin ra: ―Tata, tá kóni ún, ta sandaꞌa ún yi̱ꞌi̱ no̱o̱ kue̱ꞌe̱ ña ndóꞌo i̱ ―káchí ta̱ ndeé ndóꞌo xíꞌin ta̱Jesús.

San Marcos 7:2

Ta xi̱ni na ndí sava naxíka xíꞌin ta̱Jesús ni̱‑ndaꞌá na nda̱tán chi̱ndúꞌu̱ naxi̱i̱ síkuá na xi̱na̱ꞌá, ta xi̱xi na. Ta nafariseo xíꞌin na sánáꞌa nda̱yí Ndios ni̱ka̱ꞌa̱n na xa̱ꞌa̱ naxíka xíꞌin ta̱Jesús, káchí na saá: ―Na ndíso kua̱chi kúu nayóꞌo.

San Lucas 1:60

Ta ni̱ka̱ꞌa̱n siꞌí ra ñáElisabet, káchí ñá saá: ―O̱n ki̱ví saá, va̱ꞌa ná kunaní ra Juan ―káchí ñá.

San Juan 4:11

Ta nda̱kuii̱n ñáñaꞌa̱ yóꞌo, ni̱ka̱ꞌa̱n ñá, káchí ñá saá: ―Tata, o̱n vása níꞌi ún nda̱ ñii ña kuchiño tava ún takuií, ta kónó ní ñóꞌo rá pozo yóꞌo. Ta saá, ¿míkía̱ va̱xi takuií tá káꞌa̱n ún xa̱ꞌa̱?

Hechos 10:13

Ta saá xi̱ni̱ so̱ꞌo ta̱Pedro to̱ꞌon ña ni̱ka̱ꞌa̱n xíꞌin ra, káchí ña saá: ―Tata Pedro, nakundichi ún, ta koto ún ndiꞌi kiti̱ yóꞌo, ta tiin ún ñii rí, kaꞌni ún rí, ta kasa va̱ꞌa ún rí, ta kuxu ún rí ―káchí to̱ꞌon ña ni̱ka̱ꞌa̱n xíꞌin ta̱Pedro.

Hechos 10:28

Ta ni̱ka̱ꞌa̱n ta̱Pedro xíꞌin na: ―Xíni̱ va̱ꞌa ndó yóo nda̱yí ña kísa ndivi ndi̱ najudío ña káchí saá: O̱n váꞌa nakutáꞌan ni̱vi najudío xíꞌin inka̱ ni̱vi na o̱n vása kúu najudío, káchí nda̱yí yóꞌo. Ta vitin Ndios sa̱náꞌa ra no̱o̱ i̱, ndí nda̱ ñii ni̱vi o̱n vása kúu na nakini no̱o̱ ra, ta saá o̱n váꞌa kani si̱ni̱ i̱ ndí ni̱vi na o̱n vása kúu najudío kúu ni̱vi na kini.

Hechos 22:8

Ta nda̱kuii̱n i̱, ni̱ka̱ꞌa̱n i̱: “¿Yu kúu yóꞌó, Tata?”, ka̱chí i̱. Ta ni̱ka̱ꞌa̱n ra xíꞌin i̱: “Yi̱ꞌi̱ kúu i̱ Jesús, ta̱ñoo Nazaret, ta̱a ta̱ ndíko̱n ún sáxo̱ꞌvi̱ ún”, ka̱chí ra xíꞌin i̱.

Hechos 9:5

Ta nda̱kuii̱n ta̱Saulo, ni̱nda̱ka̱ to̱ꞌon ñaꞌá ra: ―¿Yu kúu yóꞌó, Tata? ―káchí ra. Ta ni̱ka̱ꞌa̱n to̱ꞌon yóꞌo: ―Yi̱ꞌi̱ kúu i̱ Jesús, ta̱a ta̱ ndíko̱n ún sáxo̱ꞌvi̱ ún. Ta xíꞌin ña kísa toon ún no̱o̱ i̱, kuiti sátakuéꞌe̱ xíꞌin mi̱i ún ―káchí ra.