Hebreos 8:10 - Alacatlatzala Mixtec New Testament

¹⁰ Ta vitin ñayóꞌo kúu ñaxa̱á kindo̱o i̱ xíꞌin ni̱vi nañoo Israel ki̱vi̱ ña va̱xi: Taxi i̱ nda̱yí i̱ ña xáꞌnda chiño i̱ koo ña si̱ni̱ na, ta taa i̱ nda̱yí yóꞌo mi̱i níma̱ na. Ta ñii la̱á yi̱ꞌi̱ kuiti kuu Ndios ta̱ kasa to̱ꞌó na, ta nayóꞌo kuu na ni̱vi nañoo mi̱i i̱.

Hebreos 8:10 Iomraidhean Croise

San Mateo 22:32

“Yi̱ꞌi̱ kúu Ndios, ta ta̱Abraham, ta̱Isaac, xíꞌin ta̱Jacob kísa to̱ꞌó ra yi̱ꞌi̱ vitin”, ka̱chí Ndios. Ta xíꞌin to̱ꞌon yóꞌo kúnda̱a̱ ini yó ndí táku̱ ka̱ xi̱i̱ síkuá yó yóꞌo, chi na ndixa ni̱xiꞌi̱ o̱n kuchiño na kasa to̱ꞌó na Ndios ―káchí ta̱Jesús xíꞌin na.

Romanos 11:27

Chi ñayóꞌo kúu ña chi̱ndúꞌu̱ i̱ kasa ndivi i̱ xíꞌin ni̱vi yóꞌo, ki̱vi̱ kasa káꞌno ini i̱ xa̱ꞌa̱ ndiꞌi kua̱chi na, káchí to̱ꞌon Ndios ña ni̱taa na xi̱na̱ꞌá.

1 Corintios 6:16

¿Án o̱n vása kúnda̱a̱ ini ndó táná nakutáꞌan yi̱kí ko̱ñu ndó xíꞌin yi̱kí ko̱ñu ñii ñaꞌa̱ ñá síkó xíꞌin mi̱i, ta ña nakutáꞌan o̱vi̱ ndó saá nduu ndó ñii yi̱kí ko̱ñu kuiti? Chi to̱ꞌon Ndios ña ni̱taa na xi̱na̱ꞌá káchí ña saá xa̱ꞌa̱ ta̱a xíꞌin ñásíꞌí ra: “Na o̱vi̱ ni̱vi yóꞌo nduu ñii ni̱vi”, saá káchí to̱ꞌon Ndios.

2 Corintios 3:3

Ta ndóꞌó, xa̱ꞌa̱ chiño ña xa ki̱sa ndivi ndi̱ no̱o̱ ndó, xa ndu̱u ndó ni̱vi na kándixa Jesucristo ta ndíko̱n ndó yichi̱ ra. Ta nda̱tán yóo tutu ña ndákuii̱n xa̱ꞌa̱ chiño ña ki̱sa ndivi ndi̱ xíꞌin ndó, saá yóo ña ndasaá táku̱ ndó yichi̱ Jesucristo vitin. Ta tutu yóꞌo kúu ña ni̱taa mi̱i Jesucristo, ta o̱n vása ní‑taa ra xíꞌin tinta, chi Níma̱ mi̱i Ndios, ta̱a ta̱ ndinoꞌo táku̱, kúu ña ka̱ꞌyi ñaꞌá. Ta o̱n vása ní‑kaꞌyi̱ ña no̱o̱ yu̱u̱, chi ni̱ka̱ꞌyi̱ ña no̱o̱ níma̱ mi̱i ni̱vi.

Tito 2:14

Jesucristo yóꞌo ta̱xi xíꞌin mi̱i ra ña ni̱xiꞌi̱ ra xa̱ꞌa̱ yó, ta ke̱ꞌé ra saá xa̱ꞌa̱ ña saka̱ku ra mi̱i yó no̱o̱ ndiꞌi ndee̱ ña o̱n váꞌa. Ta kísa káꞌno ini ra xa̱ꞌa̱ kua̱chi yó, ña ndundii yó ta nduu yó nañoo ra, ta saá xíꞌin ndiꞌi ñasi̱i̱ ini yó taxi xíꞌin mi̱i yó keꞌé yó ñava̱ꞌa.

Hebreos 11:16

Ta ni̱vi yóꞌo ndixa o̱n vása ní‑keꞌé na saá, chi xi̱ndati na xaa̱ na kutaku̱ na ñii ñoo ña va̱ꞌa ní ka̱ ña yóo ñoyívi ni̱no. Ndios xa ki̱sa ndivi ra ñoo va̱ꞌa yóꞌo no̱o̱ kutaku̱ na, ta saá ni̱vi yóꞌo káꞌa̱n na, káchí na xíꞌin ra: “Yóꞌó kúu Ndios mi̱i ndi̱.” Ta Ndios o̱n vása kúkaꞌan no̱o̱ ra xa̱ꞌa̱ ña káꞌa̱n na saá xíꞌin ra.

Santiago 1:18

Xa̱ꞌa̱ ña kándixa yó to̱ꞌon ra ña kúu ñanda̱a̱, ta Ndios sa̱nduu ra mi̱i yó sa̱ꞌya ra, ta nda̱sa ra mi̱i yó ni̱vi xa̱á. Ta saá kúu yó nano̱ó no̱o̱ ndiꞌi inka̱ ña ndasa xa̱á Ndios ki̱vi̱ ña va̱xi.

Santiago 1:21

Ña̱kán tava ndó ndiꞌi ña o̱n váꞌa ñóꞌo ka̱ ini ndó xíꞌin ndiꞌi ñakini ñóꞌo ka̱ níma̱ ndó, ta ndixa sandakoo ndó kéꞌé ndó ndiꞌi ña o̱n váꞌa. Ta xíꞌin ñato̱ꞌó nakiꞌin ndó to̱ꞌon Ndios ña ni̱ka̱ꞌa̱n ra xíꞌin yó. Chi to̱ꞌon Ndios yóꞌo kómí ña ndee̱ ña saka̱ku ña mi̱i yó.

1 Pedro 1:23

Chi Ndios ta̱xi ra ña ka̱ku xa̱á ndó vitin, ta o̱n si̱ví ñii kúu ñayóꞌo xíꞌin ña siꞌna ka̱ku ndó ti̱xin siꞌí ndó ñoyívi yóꞌo, chi ndiꞌi ni̱vi na ka̱ku ñoyívi yóꞌo kixaa̱ ña kivi̱ nayóꞌo. Ta vitin xíꞌin ndee̱ to̱ꞌon Ndios ndóꞌó ka̱ku xa̱á ndó, ta saá kutaku̱ ndó xíꞌin Ndios ndiꞌi saá ki̱vi̱. Saá chi to̱ꞌon Ndios o̱n vása ndiꞌi xa̱ꞌa̱ ña, táku̱ to̱ꞌon ra ndiꞌi saá ki̱vi̱.

1 Pedro 2:9

Ta ndóꞌó, o̱n si̱ví ni̱vi na o̱n xi̱in kandixa Jesucristo kúu ndó. Ndios na̱ka̱xin ra ndóꞌó kuu ndó sa̱ꞌya mi̱i ra. Ta kúu ndó nasu̱tu̱ na kísa chiño no̱o̱ ta̱Rey Jesucristo, ta nañoo yi̱i̱ Ndios kúu ndóꞌó. Ndios kúu ta̱a ta̱ ka̱na ndóꞌó ta ta̱va ra ndóꞌó no̱o̱ yichi̱ naa ña o̱n váꞌa xi̱taku̱ ndó, ta vitin va̱ꞌa táku̱ ndó kua̱ꞌa̱n ndó yichi̱ no̱o̱ yéꞌe ñoꞌo̱ livi ní Ndios. Na̱ka̱xin ra ndóꞌó xa̱ꞌa̱ ña ka̱ꞌa̱n ndoso ndó xíꞌin ni̱vi ña kunda̱a̱ ini na xa̱ꞌa̱ ndiꞌi ñava̱ꞌa ke̱ꞌé Ndios.