Hebreos 6:7 - Alacatlatzala Mixtec New Testament

⁷ Chi ni̱vi na kándixa Jesucristo, Ndios kéꞌé ra ñava̱ꞌa xíꞌin nayóꞌo, ta ni̱vi yóꞌo yóo na nda̱tán yóo ñoꞌo̱ no̱o̱ kóon sa̱vi̱ no̱o̱ ña, ta va̱ꞌa nákiꞌin ña takuií sa̱vi̱ yóꞌo ta sákuaꞌno ña ndiꞌi ña kuxu ni̱vi na kísa chiño no̱o̱ ña.

Hebreos 6:7 Iomraidhean Croise

San Mateo 7:8

Chi ndiꞌi ni̱vi na ndúkú no̱o̱ Ndios ña xíni̱ ñóꞌó na, ta nakiꞌin na ña. Ta ndiꞌi ni̱vi na nándukú Ndios, naníꞌi na ra. Ta ndiꞌi ni̱vi na kána Ndios, ta nakuiná ra yéꞌé ra ña ki̱ꞌvi na yichi̱ ra.

2 Timoteo 2:6

Saá tuku tá yóo ñii ta̱a ta̱ ndeé ní kísa chiño no̱o̱ ñoꞌo̱ ra, ta ta̱yóꞌo kómí ra nda̱yí kuu ra ta̱a ta̱ siꞌna koni̱ ñóꞌó ña sa̱kee ra.

Santiago 5:7

Ta saá, nañani yó xíꞌin náki̱ꞌva̱ yó, chikaa̱ ndó ndee̱ xíꞌin mi̱i ndó ña kundati ndó a̱nda̱ ki̱vi̱ kixi tuku Jesucristo, ta̱a ta̱ kúu ta̱Káꞌno no̱o̱ yó. Ndixa xíni̱ ndó ñii ta̱a ta̱ kísa chiño no̱o̱ ñoꞌo̱ siꞌna xíni̱ ñóꞌó kasa ndee̱ ra ini ra kundati ra a̱nda̱ ki̱vi̱ kixáꞌá sa̱vi̱ koon rá, ta kuaꞌno ña chi̱ꞌi ra, ta saá a̱nda̱ kixaa̱ ki̱vi̱ ña nakaya ra ña xa̱ꞌno yóꞌo ta koni̱ ñóꞌó ra ña.