Hebreos 3:15 - Alacatlatzala Mixtec New Testament

¹⁵ Ta saá xíni̱ ñóꞌó chikaa̱ so̱ꞌo yó to̱ꞌon Ndios ña ni̱taa na xi̱na̱ꞌá, ña káchí saá: Tá ki̱vi̱ vitin xíni̱ so̱ꞌo ndó to̱ꞌon ña káꞌa̱n Ndios xíꞌin ndó, o̱n kuu ndó ni̱vi na toon ní ini, na o̱n xi̱in koni̱ so̱ꞌo, nda̱tán ni̱xi̱yo naxi̱i̱ síkuá ndó ki̱vi̱ ki̱sa toon ini na ta ni̱‑xiin na chikaa̱ so̱ꞌo na to̱ꞌon ña ni̱ka̱ꞌa̱n Ndios xíꞌin na, káchí to̱ꞌon Ndios.

Hebreos 3:15 Iomraidhean Croise

Hebreos 10:29

Ta, ¿án o̱n ndixa káꞌno ní ka̱ kua̱chi ndíso ni̱vi na chi̱kaa̱ ni̱no̱ Jesucristo?, ta va̱ꞌa ná yo̱ꞌvi̱ ka̱ xo̱ꞌvi̱ nayóꞌo, saá chi ni̱‑xiin na nakoni na yaꞌvi ña ni̱xiꞌi̱ ra ta ni̱xi̱ta̱ ni̱i̱ ra xa̱ꞌa̱ kua̱chi na. Ta ni̱i̱ yóꞌo kúu ña kísa nda̱a̱ xa̱ꞌa̱ ñaxa̱á ki̱ndo̱o Ndios xíꞌin ni̱vi, ta ñaxa̱á yóꞌo chi̱ndúꞌu̱ ndí ni̱i̱ Jesucristo kúu ña sandoo kua̱chi na. Ta ni̱vi na o̱n xi̱in nakoni ñayóꞌo, ta ni̱vi yóꞌo yóo na nda̱tán yóo ni̱vi na kándiva̱ꞌa xíꞌin Níma̱ Ndios, ña kúu ña sánáꞌa no̱o̱ ni̱vi ndí Ndios kíꞌvi ní ini ra xíni ra na.

Hebreos 10:38

Ta ni̱vi na kúu nandii no̱o̱ i̱ chi kándixa na yi̱ꞌi̱, ni̱vi yóꞌo ndixa ndinoꞌo kutaku̱ na ndiꞌi saá ki̱vi̱ xíꞌin i̱, ta ni̱vi na sandakoo yichi̱ i̱, o̱n vása kusii̱ ini i̱ koni i̱ ni̱vi yóꞌo, ka̱chí Ndios no̱o̱ to̱ꞌon ra.

Hebreos 4:7

Ta ki̱vi̱ vitin kúu ki̱vi̱ ña chi̱tóni̱ Ndios. Saá chi Ndios ta̱xi ra to̱ꞌon ra ndaꞌa̱ ta̱rey David, ña ni̱taa ra to̱ꞌon ña sa̱kán nda̱to̱ꞌon i̱ xa̱ꞌa̱, ña káchí saá: Tá ki̱vi̱ vitin xíni̱ so̱ꞌo ndó to̱ꞌon ña káꞌa̱n Ndios xíꞌin ndó, ta o̱n kuu ndó ni̱vi na toon ní ini, na o̱n xi̱in koni̱ so̱ꞌo, káchí to̱ꞌon Ndios ña ni̱taa ta̱David xi̱na̱ꞌá.