Gálatas 5:17 - Alacatlatzala Mixtec New Testament

¹⁷ Níma̱ Ndios ña táku̱ ini mi̱i yó, ni̱vi na kándixa Jesucristo, kóni ña ndí kasa ndivi yó ñava̱ꞌa. Ta ña kútoo ní yi̱kí ko̱ñu yó kúu ña keꞌé yó ña o̱n váꞌa. Ta saá ña kóni Níma̱ Ndios keꞌé yó kúu ña káni táꞌan xíꞌin ña kútoo ní yi̱kí ko̱ñu yó keꞌé ña. Ta xa̱ꞌa̱ ña káni táꞌan o̱vi̱ ñayóꞌo saá, o̱n vása táxi ña kasa ndivi yó ñava̱ꞌa nda̱tán yóo ña kóni yó keꞌé yó.

Gálatas 5:17 Iomraidhean Croise

San Mateo 12:30

’Ndiꞌi ni̱vi na o̱n vása yóo yuꞌú xíꞌin i̱, nayóꞌo kúu na o̱n xi̱in koni na yi̱ꞌi̱. Ta ndiꞌi ni̱vi na o̱n vása chíndeé yi̱ꞌi̱ nakaya na ni̱vi ña kundiko̱n na yichi̱ Ndios, nayóꞌo kúu na sákui̱ta̱ níꞌnó ni̱vi ña o̱n kundiko̱n na yichi̱ Ndios.

San Mateo 16:17

Ta ni̱ka̱ꞌa̱n ta̱Jesús xíꞌin ra: ―Ñava̱ꞌa ní ke̱ꞌé Ndios xíꞌin ún, tata Simón, sa̱ꞌya ta̱Jonás, chi o̱n si̱ví ni̱vi kúu na sa̱náꞌa yóꞌó ñanda̱a̱ yóꞌo. Ta Yivá i̱ Ndios, ta̱ yóo ñoyívi ni̱no, kúu ta̱ sa̱náꞌa yóꞌó.

San Mateo 16:23

Ta ndi̱kó koo ta̱Jesús ta ni̱ka̱ꞌa̱n ra xíꞌin ta̱Pedro, káchí ra saá: ―¡Kutaꞌa ún no̱o̱ i̱, ñandiva̱ꞌa káꞌno! Ta yóꞌó ta̱Pedro sási ún no̱o̱ i̱ ña o̱n kasa ndivi i̱ ña kóni Yivá i̱ Ndios. O̱n vása xáni ini ún nda̱tán xáni ini Ndios. Ta kuiti xáni ini ún nda̱tán xáni ini ni̱vi ―káchí ta̱Jesús xíꞌin ta̱Pedro.

San Mateo 26:41

O̱n ku̱su̱n ka̱ ndó ta kundito ndó ka̱ꞌa̱n ndó xíꞌin Ndios ña o̱n nakava ndó kua̱chi. Ndóꞌó yóo ini ndó keꞌé ndó ñava̱ꞌa, ta o̱n kúchiño keꞌé ndó ñava̱ꞌa yóꞌo xíꞌin ndee̱ mi̱i ndó ―káchí ta̱Jesús xíꞌin na.

San Mateo 5:6

’Tá nándukú ndó Ndios, nda̱tán ni̱vi na xíꞌi̱ ní so̱ko án na yíchi̱ ní takuií nándukú na ña kuxu na, án ña koꞌo na, ta xa̱ꞌa̱ ñayóꞌo nákaa̱ ñasi̱i̱ níma̱ ndó, chi ñii ki̱vi̱ Ndios taxi ra ña kutú ini ndó xíꞌin ñava̱ꞌa.

San Lucas 22:33

Ta nda̱kuii̱n ta̱Pedro, ni̱ka̱ꞌa̱n ra: ―Tata, yóo tiꞌva i̱ ko̱ꞌo̱n i̱ xíꞌin ún nda̱ veꞌe ka̱a, án nda̱ kivi̱ i̱ xíꞌin ún ―káchí ra xíꞌin ta̱Jesús.

San Lucas 22:46

Ta ni̱ka̱ꞌa̱n ta̱Jesús xíꞌin na: ―¿Nda̱chun kísi̱n ní ndó? Va̱ꞌa ndakoo ndó, ta ndukú ndó no̱o̱ Ndios ña chindeé ra ndóꞌó ña o̱n vása nakava ndó kua̱chi ―káchí ra xíꞌin na.

San Juan 3:6

Ndiꞌi ni̱vi na káku ti̱xin siꞌí kómí na ko̱ñu xíꞌin níma̱ ni̱vi, chi ni̱vi kúu na. Ta ni̱vi na káku xíꞌin ndee̱ Níma̱ Ndios kúu ni̱vi na ndixa táku̱ Níma̱ Ndios ini.

Romanos 8:13

Saá chi tá táku̱ yó kísa ndivi yó ña o̱n váꞌa ña kútoo yi̱kí ko̱ñu yó, ta saá kua̱ꞌa̱n yó yichi̱ no̱o̱ ndixa kivi̱ yó. Ta saá ni, tá xíꞌin ndee̱ Níma̱ Ndios sandiꞌi yó xa̱ꞌa̱ ña kasa ndivi yó ña o̱n váꞌa ña kóni yi̱kí ko̱ñu yó, ta saá ndixa ndinoꞌo kutaku̱ yó xíꞌin Ndios ndiꞌi saá ki̱vi̱.

Gálatas 3:21

¿Án kóni kachí to̱ꞌon yóꞌo ndí nda̱yí Ndios ña ni̱taa ta̱Moisés o̱n vása yóo yuꞌú ña xíꞌin to̱ꞌon ña ki̱ndo̱o Ndios xíꞌin ta̱Abraham? ¡Nda̱ loꞌo o̱n si̱ví saá! Chi tá nda̱yí kúu ña kómí ndee̱ taxi ña kutaku̱ ndinoꞌo ni̱vi no̱o̱ Ndios, níkúu, ta saá ña kísa ndivi ni̱vi nda̱yí yóꞌo kuu ña sánduu ña ni̱vi na ndii no̱o̱ Ndios, níkúu.

Santiago 3:2

Ndiꞌi mi̱i yó kua̱ꞌa̱ ní yichi̱ nákava yó kua̱ꞌa̱ ní kua̱chi. Tá kúchiño naníꞌi yó ni̱vi na nda̱ ñii yichi̱ o̱n vása káꞌa̱n nda̱ ñii to̱ꞌon o̱n váꞌa, ta ni̱vi yóꞌo ndixa kúu na nava̱ꞌa ndinoꞌo. Tá ndixa va̱ꞌa kúchiño ni̱vi xáꞌnda chiño na no̱o̱ to̱ꞌon káꞌa̱n na, ta ñii ki̱ꞌva saá kuchiño ni̱vi yóꞌo kaꞌnda chiño na no̱o̱ ndiꞌi ña o̱n váꞌa kóni keꞌé yi̱kí ko̱ñu na.