Efesios 6:2 - Alacatlatzala Mixtec New Testament

² Saá chi yóo nda̱yí Ndios ña ni̱taa ta̱Moisés kui̱ya̱ xi̱na̱ꞌá, ña káchí saá: “Ná kasa to̱ꞌó yó yivá siꞌí yó”, káchí ña. Ta nda̱yí Ndios yóꞌo kúu ñano̱ó ña káchí nakiꞌin ni̱vi ñava̱ꞌa xa̱ꞌa̱ ña kísa ndivi na ña.

Efesios 6:2 Iomraidhean Croise

Romanos 13:7

Ña̱kán va̱ꞌa taxi yó ndaꞌa̱ ñii ñii ni̱vi ña xíni̱ ñóꞌó taxi yó ndaꞌa̱ na. Tá xíni̱ ñóꞌó chaꞌvi yó xíꞌin si̱ꞌún no̱o̱ nachiño xa̱ꞌa̱ ñoꞌo̱ ña kómí yó án xa̱ꞌa̱ inka̱ ñakuíká kómí yó, ta saá va̱ꞌa chaꞌvi yó ndaꞌa̱ na. Tá yóo ni̱vi na xíni̱ ñóꞌó nakiꞌin ñato̱ꞌó, ta saá va̱ꞌa ná taxi yó ñato̱ꞌó ndaꞌa̱ na. Tá yóo ni̱vi na xíni̱ ñóꞌó nakiꞌin ña kasa káꞌno yó na, ta saá va̱ꞌa ná kasa káꞌno yó ni̱vi yóꞌo.

Efesios 6:3

Ñava̱ꞌa yóꞌo ña káchí Ndios nakiꞌin ni̱vi xa̱ꞌa̱ ña kísa to̱ꞌó na yivá siꞌí na, kúu ña koo ñava̱ꞌa xíꞌin nayóꞌo, ta naꞌá ní kutaku̱ na ñoyívi yóꞌo.

1 Timoteo 5:4

Ta saá ni, tá náñaꞌa̱ ná ni̱xiꞌi̱ yii̱ yóꞌo kómí ná sa̱ꞌya ná, án sa̱ꞌya ñani ná, ta nasa̱ꞌya náñaꞌa̱ yóꞌo kúu na siꞌna xíni̱ ñóꞌó chindeé na náñaꞌa̱ yóꞌo, ná kúu siꞌí na án xi̱ta̱n na. Ta xíꞌin ña keꞌé na saá, chaꞌvi na xa̱ꞌa̱ ñava̱ꞌa ke̱ꞌé yivá siꞌí na án xi̱i̱ xi̱ta̱n na xíꞌin na ki̱vi̱ xáꞌno na. Ta ni̱vi na kísa ndivi ñava̱ꞌa xa̱ꞌa̱ ña chindeé na yivá siꞌí na, nayóꞌo sákusii̱ na ini Ndios.