Efesios 6:15 - Alacatlatzala Mixtec New Testament

¹⁵ Ta nda̱tán xa kama ní yóo xa̱ꞌa̱ natropa ña kee na ko̱ꞌo̱n na, saá ndóꞌó xíni̱ ñóꞌó kama koo tiꞌva xa̱ꞌa̱ ndó ña kee ndó ko̱ꞌo̱n ndó ndato̱ꞌon ndó to̱ꞌon va̱ꞌa, ña káchí saá: “Xa̱ꞌa̱ ña ki̱sa ndivi Jesucristo, ndiꞌi ni̱vi kúchiño na nakutáꞌan va̱ꞌa na xíꞌin Ndios vitin.”

Efesios 6:15 Iomraidhean Croise

San Marcos 6:9

Va̱ꞌa koꞌon ndu̱xa̱n xa̱ꞌa̱ ndó, ta o̱n kuiso ka̱ ndó inka̱ tiko̱to̱ ña nasama ndó ―káchí ta̱Jesús xíꞌin na.

San Lucas 15:22

Ta yivá ra ni̱ka̱ꞌa̱n ra xíꞌin namozo ra: “Kama ko̱ꞌo̱n ndó kiꞌin ndó tiko̱to̱ ña va̱ꞌa ní ka̱ ña kundixin sa̱ꞌya i̱ yóꞌo, ta taxi ndó ndu̱xa̱n ña koꞌon xa̱ꞌa̱ ra, ta taxi ndó seꞌe̱ ña kunakaa̱ ndaꞌa̱ ra.

Romanos 10:15

Ta, ¿ndasaá kuchiño ko̱ꞌo̱n ni̱vi ndato̱ꞌon na to̱ꞌon Ndios no̱o̱ inka̱ ni̱vi, tá o̱n ko̱ó ni̱vi na tiꞌví ñaꞌá ko̱ꞌo̱n na keꞌé na saá? Saá chi to̱ꞌon Ndios ña ni̱taa na xi̱na̱ꞌá káchí ña saá: “¡Livi ka̱ ví káa ña ki̱xaa̱ ni̱vi na ndato̱ꞌon to̱ꞌon va̱ꞌa xíꞌin yó!”, káchí ña.