Efesios 4:20 - Alacatlatzala Mixtec New Testament

²⁰ Ta yichi̱ ña o̱n váꞌa ña ndíko̱n ni̱vi yóꞌo, o̱n si̱ví yichi̱ va̱ꞌa Jesucristo kúu ña, ta yichi̱ va̱ꞌa Jesucristo kúu ña xa sa̱kuáꞌá ndó kundiko̱n ndó.

Efesios 4:20 Iomraidhean Croise

San Mateo 11:29

Nakuiso ndó xíꞌin i̱ ña ndíso i̱ ta kasa chiño ndó xíꞌin i̱, ta kandixa ini ndó yi̱ꞌi̱, ta sakuáꞌá ndó yichi̱ i̱, chi ta̱a ta̱ ya̱a̱ ini ta̱ ndáꞌví ini kúu i̱, ta saá naníꞌi ndó ña koo va̱ꞌa ini ndó, ta nakindée níma̱ ndó.

San Lucas 24:47

Saá na kándixa ra kixáꞌá na ka̱ꞌa̱n ndoso na to̱ꞌon ra no̱o̱ ni̱vi nañoo Jerusalén, ta ka̱ꞌa̱n ndoso na to̱ꞌon ra no̱o̱ ndiꞌi ni̱vi nañoo ñoyívi yóꞌo. Ta xíꞌin nda̱yí mi̱i ra, ndato̱ꞌon na xíꞌin ni̱vi ndí xíni̱ ñóꞌó ndikó ini na ta sandakoo na ña o̱n váꞌa, ta saá Ndios kasa káꞌno ini ra xa̱ꞌa̱ kua̱chi na.

San Juan 6:45

To̱ꞌon Ndios ña ni̱taa naprofeta kui̱ya̱ xi̱na̱ꞌá káchí ña saá: “Mi̱i Ndios sanáꞌa ra ndiꞌi ni̱vi”, káchí to̱ꞌon yóꞌo. Ta ndiꞌi ni̱vi na chikaa̱ so̱ꞌo to̱ꞌon ña sánáꞌa Yivá i̱ Ndios ta sakuáꞌá na ña, nayóꞌo kixaa̱ na no̱o̱ i̱.

Efesios 4:21

Saá chi ndixa xa xi̱ni̱ so̱ꞌo ndó to̱ꞌon va̱ꞌa xa̱ꞌa̱ Jesucristo, ta xa sa̱kuáꞌá ndó kutaku̱ ndó nda̱tán kóni ra. Ta xa̱ꞌa̱ ñayóꞌo, vitin táku̱ ndó kísa ndivi ndó ñanda̱a̱ ña sa̱náꞌa Jesucristo.

1 Juan 2:27

Jesucristo xa ti̱ꞌví ra Níma̱ Ndios ña koo ña xíꞌin ndó, ta Níma̱ yóꞌo yóo ña táku̱ ña ini ndó ndiꞌi saá ki̱vi̱. Ta saá o̱n vása xíni̱ ñóꞌó ndó ni̱vi ña sanáꞌa na ndóꞌó, chi Níma̱ Ndios sánáꞌa ña ndóꞌó xa̱ꞌa̱ ndiꞌi ñanda̱a̱. Ta ndiꞌi ña sánáꞌa Níma̱ Ndios kúu to̱ꞌon ña nda̱a̱ ndinoꞌo, ta nda̱ loꞌo o̱n ko̱ó ñavatá káꞌa̱n Níma̱ Ndios. Ta ndiꞌi saá ki̱vi̱ xíni̱ ñóꞌó koo ndó kutaku̱ ndó ini Jesucristo. Ta ñii ki̱ꞌva nda̱tán Níma̱ Ndios sánáꞌa ña ndóꞌó ndasaá kutaku̱ ndó, ta saá xíni̱ ñóꞌó va̱ꞌa kutaku̱ ndó.