Apocalipsis 5:3 - Alacatlatzala Mixtec New Testament

³ Ta o̱n ko̱ó nda̱ ñii na ní‑kuchiño nakoná tutu yóꞌo, ni nda̱ ñii na ní‑kuchiño koto na ña ni̱ka̱ꞌyi̱ no̱o̱ ña. O̱n ko̱ó nayóꞌo, ni ndiꞌi saá ñoyívi, ni ti̱xin ñoꞌo̱, o̱n ko̱ó nda̱ ñii na ní‑kuchiño.

Apocalipsis 5:3 Iomraidhean Croise

Romanos 11:34

Saá káchí to̱ꞌon Ndios ña ni̱taa na xi̱na̱ꞌá: “¿Án nda̱ yóo ví ni̱vi na kúchiño kunda̱a̱ ini ña xáni si̱ni̱ Ndios? ¿Án nda̱ yóo ví ni̱vi na kúchiño ndato̱ꞌon xíꞌin Ndios xa̱ꞌa̱ ña xíni̱ ñóꞌó keꞌé ra?”

Filipenses 2:10

Ta xa̱ꞌa̱ ñayóꞌo, ñii ki̱vi̱ va̱xi tá koni̱ so̱ꞌo ndiꞌi ni̱vi ki̱vi̱ ta̱Jesús, ta ndiꞌi nayóꞌo kuxítí na no̱o̱ ra ña kasa to̱ꞌó na ra. Án na táku̱ ñoyívi ni̱no kúu na, án na táku̱ ñoyívi yóꞌo kúu na, án na xa yóo ni̱ndu̱xu̱n ti̱xin ñoꞌo̱ kúu na, ñii ki̱vi̱ ña va̱xi ndiꞌi nayóꞌo, kuxítí na no̱o̱ ta̱Jesús,

Apocalipsis 5:13

Ta saá xi̱ni̱ so̱ꞌo i̱ ndí ndiꞌi ña ki̱sa va̱ꞌa Ndios ki̱xáꞌá ña kísa káꞌno ña Ndios, ta kísa káꞌno ña Ndikachi yóꞌo. Ndiꞌi ñayóꞌo ña ke̱ꞌé Ndios kúu ndiꞌi ña táku̱ án ña yóo ñoyívi no̱o̱ ñoꞌo̱, xíꞌin ndiꞌi ña táku̱ án ña yóo ñoyívi ni̱no, xíꞌin ndiꞌi ña táku̱ án ña yóo ti̱xin ñoꞌo̱, xíꞌin ndiꞌi ña táku̱ án ña yóo ti̱xin takuií mi̱ni, ta ndiꞌi ñayóꞌo káꞌa̱n ña, káchí ña saá: Ná kasa káꞌno yó Ta̱a ta̱Káꞌno ta̱ yóo no̱o̱ táyi̱ yi̱i̱ tón to̱ꞌó káꞌno, ta ná kasa káꞌno yó Ndikachi tí yóo xíꞌin ra. Ná nakiꞌin na ndiꞌi ñato̱ꞌó káꞌno. Ná kanóo va̱ꞌa ñato̱ꞌó na. Ná nakiꞌin na ndiꞌi ndee̱ káꞌno, ta ná nakiꞌin na ndiꞌi ñava̱ꞌa yóꞌo ndiꞌi saá ki̱vi̱ va̱xi. Saá ná koo ña, káchí ndiꞌi ña ki̱sa va̱ꞌa Ndios.

Apocalipsis 5:4

Ta saá ku̱chuchú ní ini i̱, ta xa̱ku ní i̱, chi o̱n ko̱ó nda̱ ñii na kómí nda̱yí ña nakoná na tutu yóꞌo, ni o̱n ko̱ó na kómí nda̱yí koto na ña ni̱ka̱ꞌyi̱ no̱o̱ tutu yóꞌo.