Apocalipsis 3:20 - Alacatlatzala Mixtec New Testament

²⁰ ¡Koto ndó! Yi̱ꞌi̱ kúu ta̱a ta̱ ñíndichi yéꞌé ndó, ta kána i̱ ndóꞌó. Ta ndóꞌó, tá xíni̱ so̱ꞌo ndó ña kána i̱ ndóꞌó, ta nakoná ndó yéꞌé, ta ka̱ꞌa̱n ndó xíꞌin i̱ ki̱ꞌvi i̱ ini veꞌe ndó, ta saá yi̱ꞌi̱ ki̱ꞌvi i̱, ta kuxu i̱ xíꞌin ndó, ta ndóꞌó kuxu ndó xíꞌin i̱.

Apocalipsis 3:20 Iomraidhean Croise

San Mateo 24:33

Ta ki̱vi̱ xíto ndó xa kua̱ꞌa̱n kundivi ndiꞌi ñayóꞌo ña nda̱to̱ꞌon i̱ xíꞌin ndó, ta saá kunda̱a̱ ini ndó xa va̱xi kuyatin ki̱vi̱ ndikó i̱ ñoyívi yóꞌo.

San Lucas 17:8

O̱n ka̱ꞌa̱n ndó saá, chi ndixa kaꞌnda chiño ndó no̱o̱ ra ña siꞌna kasa va̱ꞌa ra ñaxíxi, ta taxi ra ña kuxu ndó. Tá ndi̱ꞌi xi̱xi ndóꞌó, ta ka̱ꞌa̱n ndó xíꞌin ra va̱ꞌa ná kuxu ra.

San Juan 10:3

Ta inka̱ ta̱a ta̱ ndáa yéꞌé ña ndási̱ korra no̱o̱ ñóꞌo tíndikachi, tá xíto ta̱yóꞌo va̱xi ta̱a ta̱ ndáa ndikachi, ta nakoná ra yéꞌé ña ki̱ꞌvi ta̱a ta̱ ndáa tíndikachi. Ta ta̱a ta̱ ndáa tíndikachi yóꞌo kána ra, káꞌa̱n ra ñii ñii ki̱vi̱ tíndikachi sa̱na̱ ra ña kundiko̱n rí sa̱ta̱ ra. Ta saá ñii ñii tíndikachi yóꞌo xíni̱ so̱ꞌo rí ta̱chi̱ ta̱yóꞌo, ta kée rí kua̱ꞌa̱n rí ndíko̱n rí sa̱ta̱ ra.

Santiago 5:9

Nañani yó xíꞌin náki̱ꞌva̱ yó, o̱n váꞌa ka̱ꞌa̱n ndó to̱ꞌon kuáchí xa̱ꞌa̱ táꞌan ndó, chi tá saá ka̱ꞌa̱n ndó, ta Ndios kasa nani ra xa̱ꞌa̱ kua̱chi mi̱i ndó ta saxo̱ꞌvi̱ ra ndóꞌó. Xa yatin ní va̱xi ta̱a ta̱ kasa nani xa̱ꞌa̱ ndiꞌi kua̱chi ni̱vi.

Apocalipsis 19:9

Ta saá ñii ñaángel ni̱ka̱ꞌa̱n ña xíꞌin i̱, káchí ña saá: ―Vitin taa ún to̱ꞌon yóꞌo, ña káchí saá: “Nákaa̱ ñasi̱i̱ ini ni̱vi na kúu na ka̱na Ndios kixi na viko̱ tonda̱ꞌa̱ Ndikachi” ―káchí ñaángel xíꞌin i̱. Ta tuku ni̱ka̱ꞌa̱n ñaángel xíꞌin i̱, káchí ña saá: ―Ndiꞌi to̱ꞌon ña ni̱ka̱ꞌa̱n i̱ xíꞌin ún kúu to̱ꞌon ña nda̱a̱ ña ki̱xi no̱o̱ Ndios ―káchí ñaángel xíꞌin i̱.