Apocalipsis 11:1 - Alacatlatzala Mixtec New Testament

¹ Ta saá Ndios ta̱xi ra ñii yito̱n nda̱kú ndaꞌa̱ i̱, nda̱tán yóo ñii yito̱n tón chóꞌon ki̱ꞌva, saá yóo nó. Ta xi̱ni̱ so̱ꞌo i̱ to̱ꞌon ña káꞌa̱n ra, káchí ra saá xíꞌin i̱: ―Nakundichi ún, ta ko̱ꞌo̱n ún choꞌon ki̱ꞌva ún ndasaá kúu ñaki̱ꞌva kómí veꞌe ño̱ꞌo káꞌno, ta saá tuku choꞌon ki̱ꞌva ún na̱ma̱ yi̱i̱ ña ñíndichi ini veꞌe ño̱ꞌo yóꞌo, ta koto ún ta kaꞌvi ún ndasaá kúu ni̱vi na kísa káꞌno yi̱ꞌi̱ ini veꞌe ño̱ꞌo yóꞌo.

Apocalipsis 11:1 Iomraidhean Croise

2 Corintios 6:16

Ta veꞌe ño̱ꞌo ñaídolo o̱n kúchiño ñii koo ña xíꞌin veꞌe ño̱ꞌo Ndios ndinoꞌo. Ta mi̱i yó nda̱tán yóo veꞌe ño̱ꞌo Ndios ta̱táku̱, saá yóo yó, chi táku̱ Níma̱ Ndios ini yó. Ta ñii xiiña no̱o̱ to̱ꞌon Ndios ña ni̱taa na xi̱na̱ꞌá, Ndios ni̱ka̱ꞌa̱n ra xa̱ꞌa̱ ni̱vi na na̱ka̱xin ra kuu nañoo ra, ka̱chí ra saá: Yi̱ꞌi̱ koo i̱ xíꞌin na ta kutaku̱ i̱ xíꞌin na; ta kuu i̱ Ndios mi̱i na, ta ni̱vi yóꞌo kuu na nañoo mi̱i i̱, saá ka̱chí Ndios.

1 Pedro 2:5

Ta saá ndóꞌó, nda̱tán yóo kua̱ꞌa̱ ní yu̱u̱ táku̱, saá yóo ndó. Ta Ndios xíni̱ ñóꞌó ra ndóꞌó ña kasa va̱ꞌa ra veꞌe ño̱ꞌo ra. Ta nda̱tán yóo nasu̱tu̱ yi̱i̱, saá yóo ndó no̱o̱ Ndios ña sóko̱ ndó no̱o̱ ra ña kúu ña sákusii̱ ini ra, ta xa̱ꞌa̱ ndiꞌi ña ki̱sa ndivi Jesucristo, Ndios ndixa nákiꞌin ra ña sóko̱ ndó no̱o̱ ra.

1 Pedro 2:9

Ta ndóꞌó, o̱n si̱ví ni̱vi na o̱n xi̱in kandixa Jesucristo kúu ndó. Ndios na̱ka̱xin ra ndóꞌó kuu ndó sa̱ꞌya mi̱i ra. Ta kúu ndó nasu̱tu̱ na kísa chiño no̱o̱ ta̱Rey Jesucristo, ta nañoo yi̱i̱ Ndios kúu ndóꞌó. Ndios kúu ta̱a ta̱ ka̱na ndóꞌó ta ta̱va ra ndóꞌó no̱o̱ yichi̱ naa ña o̱n váꞌa xi̱taku̱ ndó, ta vitin va̱ꞌa táku̱ ndó kua̱ꞌa̱n ndó yichi̱ no̱o̱ yéꞌe ñoꞌo̱ livi ní Ndios. Na̱ka̱xin ra ndóꞌó xa̱ꞌa̱ ña ka̱ꞌa̱n ndoso ndó xíꞌin ni̱vi ña kunda̱a̱ ini na xa̱ꞌa̱ ndiꞌi ñava̱ꞌa ke̱ꞌé Ndios.

Apocalipsis 10:11

Ta saá tuku ni̱ka̱ꞌa̱n ñaángel xíꞌin i̱, káchí ña saá: ―Xíni̱ ñóꞌó ka̱ꞌa̱n ndoso ún to̱ꞌon ña káꞌa̱n Ndios xa̱ꞌa̱ ña kundoꞌo kua̱ꞌa̱ ní ni̱vi, ta xa̱ꞌa̱ ña kundoꞌo narey na xáꞌnda chiño no̱o̱ na. Ta ni̱vi yóꞌo kúu na táku̱ kua̱ꞌa̱ ní ñoo válí xíꞌin kua̱ꞌa̱ ní ñoo náꞌno, ta káꞌa̱n na kua̱ꞌa̱ ní no̱o̱ to̱ꞌon ―saá ni̱ka̱ꞌa̱n ña xíꞌin i̱.

Apocalipsis 21:15

Ta ñaángel ña ni̱ka̱ꞌa̱n xíꞌin i̱ níꞌi ña ñii ña nda̱tán káa yito̱n nda̱kú, ta nina oro kúu ña. Ta ñaángel xi̱ni̱ ñóꞌó ña ñayóꞌo xa̱ꞌa̱ ña choꞌon ki̱ꞌva ña ndasaá kúu ki̱ꞌva ña kómí ñoo yi̱i̱ káꞌno. Ta cho̱ꞌon ki̱ꞌva ña na̱ma̱ síkón ña xi̱no nduu sa̱ta̱ ñoo yóꞌo, ta cho̱ꞌon ki̱ꞌva ña ndiꞌi yéꞌé ña kómí na̱ma̱ yóꞌo.